DANIEL 8:14 - Biblia Guarani Tumpa Iñee

¹⁴ Jare jae jei chupe körai: ‘Dos mil tresciento ara regua. Jókuae jaɨkue rupi o mbaemboetea oyetɨo yeta.’

DANIEL 8:14 ပူးပေါင်းရင်းမြစ်များ

GÉNESIS 1:5

Jare ombojee jókuae tembipe “ara”. Jare ombojee jókuae pɨtumimbi “pɨ̈tu”. Jökorai pɨ̈tu jare ara, jae ko tenondegua ara pe.

ISAÍAS 1:27

Sión oyeyora yeta morojäa rupi, jare oyerova ye chekotɨ vae reta oyeyorata jupi rupi;

ISAÍAS 45:25

Cheré opaete Israel iñemuña reta oyembojupita jare oyemboeteta.”

DANIEL 12:11

Mil dosciento noventa ara oasata oyeopia güire mɨmba oyeyuka oñemee ara ñavo vae, mbae ikavimbae yae oyeapo vae ou regua oväe.

DANIEL 12:12

Oyeroviata ko jókuae ipɨaguasu reve kavi oäro vae, oupitɨ regua mil tresciento treinta y cinco ara.

DANIEL 12:7

Jare aendu kuimbae ɨ iárambo oyemboɨ oï vae, jemimonde lino pegua vae iñee, jae omopüa ipo reta ara kotɨ, jare jei oikove avei vae jee re: ‘Mboapɨ año y medio rupi, tëta oñeñono tee vae imbaepuere oyemboai oiko vae iyapɨ ma yave outa oyembopo opaete kuaekuae reta.’

DANIEL 7:25

Jeita mbae ikavimbae Tumpa Tuichagüe yae ete vae kotɨ, jare Tumpa pe oñeñono tee vae reta pe oiporaraukata; oekata kërai oipoepɨ vaerä Tumpa iporookuai jare arete reta oyeapo Tumpa pe vae, jare Tumpa pe oñeñono tee vae reta ñogüɨnoita ipo pe mboapɨ año y medio rupi.

DANIEL 8:26

Kuae ara reta regua reecha vae añetete ko; ërei agüɨye emombeu kia pe, echa oyembopota ko ara reta iyapɨ ma yave.’

Gálatas 3:8

Tumpa Iñee pe jei voi kërai Tumpa ombojupiukata iporogüɨrovia rupi judiombae vae reta ramo, omombeu voi ñee ikavi vae Abraham pe, jei reve: “Ndereko pegua opaete ɨvɨ pegua reta oyekouta.”

Apocalipsis 11:15

Jare araɨgua omoñee chiúa mimbɨguasu yave, oyeendu ñee reta tätagüe, jei: “Mborookuaía reta ɨvɨ pegua ou opɨta yandeYa jare Cristo ipo pe. Jare jae oporookuaita jekuaekuae avei rupi.”

Apocalipsis 12:14

Ërei oñemee kuña pe mókoi güɨraké tuicha vae ipepo, ipuere vaerä oveve ñuu kotɨ mboi güi. Jare joko pe omongaru retata kuña mboapɨ año y medio.

Apocalipsis 13:5

Oñemee vi chupe jei vaerä mbae tuichagüe jare ñee ikavimbae vae Tumpa kotɨ. Oñemee chupe mbaepuere oyapo vaerä jókuae ikavimbae cuarenta y dos yasɨ.