DANIEL 7:25 - Biblia Guarani Tumpa Iñee

²⁵ Jeita mbae ikavimbae Tumpa Tuichagüe yae ete vae kotɨ, jare Tumpa pe oñeñono tee vae reta pe oiporaraukata; oekata kërai oipoepɨ vaerä Tumpa iporookuai jare arete reta oyeapo Tumpa pe vae, jare Tumpa pe oñeñono tee vae reta ñogüɨnoita ipo pe mboapɨ año y medio rupi.

DANIEL 7:25 ပူးပေါင်းရင်းမြစ်များ

ISAÍAS 37:23

Echa Tumpa Iyoambae Israel pegua kotɨ ko rere mbae jasɨ katu vae, ikotɨ ko neñeeäta jare ndepɨayemboete.

DANIEL 11:28

Mburuvicha guasu ɨvɨtuguasu kotɨgua oyerova yeta iɨvɨ kotɨ jeta mbaembae ñeraro pe opɨ̈rogüe ndive; jare oyembopɨapochɨta morogüɨrökuavee päve rupi oñeñono tee vae reta kotɨ, oyapota jae jeigüe, javoi oyerova yeta iɨvɨ kotɨ.

DANIEL 12:7

Jare aendu kuimbae ɨ iárambo oyemboɨ oï vae, jemimonde lino pegua vae iñee, jae omopüa ipo reta ara kotɨ, jare jei oikove avei vae jee re: ‘Mboapɨ año y medio rupi, tëta oñeñono tee vae imbaepuere oyemboai oiko vae iyapɨ ma yave outa oyembopo opaete kuaekuae reta.’

DANIEL 2:21

Jae oipoepɨ ara reta jare año reta; jae oekɨ jare jae oñono mburuvicha guasu reta, arakuaa omee yarakuaa vae reta pe arakuaa katu omee yarakuaa katu vae reta pe.

DANIEL 3:26

Jayave Nabucodonosor oya horno jendɨvuku oï vae jöke re, jare jei: —¡Sadrac, Mesac jare Abed-nego, Tumpa Tuichagüe yae ete vae jembiokuai reta, peë peyu joko güi! Jayave Sadrac, Mesac jare Abed-nego ñogüɨnoi tata iyɨvɨte güi.

DANIEL 4:17

Kuae yemongeta oë ikotɨ vae araɨgua omaangareko vae reta güi ko, jókuae iyoambae reta güi, opaete oikove vae reta oikuaa vaerä Tuichagüe yae ete vae ko güɨnoi mbaepuere kuimbae reta iporookuaía re, echa jae omee kia nunga vae pe oipota omee yave, oñono mburuvicharä mbaeä etei kuimbae reta ipɨte pe vae.

DANIEL 4:2

Jupi ko aikuaauka vaerä peve opaete mɨakañɨ reta Tumpa Tuichagüe yae ete vae oyapo cheve vae.

DANIEL 4:25

Ndemombo retata kuimbae reta ipɨte güi, jare reikota mɨmba reta ñana rupigua ndive, jare ñana kaa rupigua reuta guaka reta rami, jare ɨsápɨi pe neäkɨta; jare jökorai reikota chiu año, reikuaa regua Tuichagüe yae ete vae ko güɨnoi mbaepuere kuimbae reta iporookuaía re, jare jae omee mborookuaía kia nunga vae pe oipota omee yave.

DANIEL 4:32

jare kuimbae reta ipɨte güi ndemombo retata, jare mɨmba reta ñana rupigua ndive reikota, jare guaka reta rami ndemongaru retata; jökorai chiu año reikota, reikuaa regua kërai Tuichagüe yae ete vae ko güɨnoi mbaepuere kuimbae reta iporookuaía re jare jae omee mborookuaía kia nunga vae pe oipota omee yave.”

DANIEL 7:18

Ërei jaɨkue rupi kuae mborookuaía oñemeeta Tumpa Tuichagüe yae ete vae pe oñeñono tee vae reta pe, jare jae reta imbaerä oikota jekuae avei pegua.’

DANIEL 7:20

Aipota tëi vi aikuaa kavi jókuae payandepo jäti reta regua jare jäti michi vae, oime jesa güɨnoi vae jare jeta mbaembae ikavimbae jei vae re, echa tuichaecha oyekuaa ïru reta güi, jare mbaeporou mboapɨ jäti opa oyeakɨo chugüi oeya vaerä jókuae jäti michi vae jendarä.

DANIEL 7:8

Che amae aï ramboeve jókuae jäti reta re, aecha jókuae reta ipäu güi oë ye ïru jäti ma michi vae, jayave oakɨo reta chugüi mboapɨ jäti jókuae taɨkue oë vae jendarä; kuae oime jesa, kuimbae jesa rami jare imiari jeta mbaembae ikavimbae.

DANIEL 8:11

jare jókuae yasɨtata reta Iyapoa pe ave oyembotuicha; oyopia mɨmba reta oyeyuka oñemee Tumpa pe ara ñavo vae jare omboeteä o mbaemboetea.

DANIEL 8:14

Jare jae jei chupe körai: ‘Dos mil tresciento ara regua. Jókuae jaɨkue rupi o mbaemboetea oyetɨo yeta.’

DANIEL 8:9

Jókuae jäti reta güi metei vae re oë ye ïru michi vae, kuae okuakuaa arayevɨ kotɨ, kuaraɨ oëa kotɨ jare ɨvɨ ikavi yae vae kotɨ.

DANIEL 9:27

Metei semana vae re jae oyapota metei morogüɨrökuavee päve jeta vae ndive; ërei semana mbɨte rupi oyopiata agüɨye vaerä ma oyeapo mɨmba oyeyukagüe jare mbota reta oñemee vae. Ikavimbae yae vae oyeapota tupao pe, ou regua oväe kañɨtei ikavimbae yae vae iyapoa re.’ ”

OSEAS 7:16

Mbaetɨ oyerova reta Tuichagüe yae ete vae kotɨ; metei güɨrapa oyepoka vae mbaetɨ uvɨ omondo kavi rami. Ipɨapochɨ reta jeko pegua juvicha reta opata okañɨtei ñeraro pe, jare Egipto pe oyóyai retata.

2 Tesalonicenses 2:3

Ërei agüɨye pemaeño kia re kërai ave yepe tapembotavɨ. Echa jókuae ara, ngaraa ou ndei ou mbove yembopɨapochɨ Tumpa kotɨ vae iara, jare kuimbae mbaeyoa pegua oyekuaata vae, okañɨteita vae.

2 Tesalonicenses 2:4

Jae oñemopüata Tumpa kotɨ jare opaete mbaemboete oñemee chupe vae reta kotɨ, jare jae etei oguapɨta tupao pe jare jeita iyeupe: “Che Tumpa ko.”

2 Tesalonicenses 2:8

Jayave oyekuaata jókuae ikavimbae vae iyapoa. Jókuae yandeYa oyukata ipɨ̈túe pe vae, jare omboaita ko, ou yave jembipeasɨ reve.

Apocalipsis 12:14

Ërei oñemee kuña pe mókoi güɨraké tuicha vae ipepo, ipuere vaerä oveve ñuu kotɨ mboi güi. Jare joko pe omongaru retata kuña mboapɨ año y medio.

Apocalipsis 12:6

Jare jókuae kuña otekuarai ñuu kotɨ, echa joko pe Tumpa omokätɨro chupe jendarä. Jare joko pe omongaru retata kuña mil dosciento sesenta ara rupi.

Apocalipsis 14:12

¡Kuae pe oyekuaata oporogüɨrovia vae reta ipɨa guasu, jare oyapo Tumpa iporookuai reta jare güɨrovia Jesús re vae reta!

Apocalipsis 16:6

echa jae reta oyuka oporogüɨrovia vae reta jare ñeemombeúa reta, jáeramo remee vi jou reta tugüɨ. ¡Echa jupi ko jökorai vaerä!”

Apocalipsis 17:6

Jare aecha kuña osavaɨpo oporogüɨrovia reta jare oyeyukauka omombeu Jesús re vae reta jugüɨ pe. Aecha yave chepɨakañɨ yae.

Apocalipsis 18:24

Echa kuae tëta guasu pe oñeväe ñeemombeúa reta jugüɨ, oporogüɨrovia vae reta jugüɨ jare opaete ɨvɨ pe oyeyukauka vae reta jugüɨ.