DANIEL 7:22 - Biblia Guarani Tumpa Iñee

²² Ou regua jókuae Ndechi Tenondegua ete jare oyapo jupi vae Tumpa Tuichagüe yae ete vae pe oñeñono tee vae reta pe, echa oväe ma ara Tumpa pe oñeñono tee vae reta pe oñemee vaerä mborookuaía.

DANIEL 7:22 ပူးပေါင်းရင်းမြစ်များ

SALMOS 149:5

Peyerovia, pe imbae vae reta jae iporomoamɨri re, petairari perupa pe ave.

ISAÍAS 63:4

Echa ayepɨ vaerä iara, oime areko chepɨa pe; oväe ma año aepɨ vaerä chembae vae reta.

DANIEL 7:18

Ërei jaɨkue rupi kuae mborookuaía oñemeeta Tumpa Tuichagüe yae ete vae pe oñeñono tee vae reta pe, jare jae reta imbaerä oikota jekuae avei pegua.’

DANIEL 7:23

Jare jei ye: ‘Irundɨa mbaeporou jae ko, irundɨa mborookuaía ɨvɨ iárambo oimeta vae, jókuae mborookuaía ambuaeyeeta opaete ïru reta güi. Omokañɨteita opaete ɨvɨ pegua reta, opɨ̈rota jese reta jare opata omonguruvi.

San Mateo 19:28

Jayave Jesús jei jemimboe reta pe: —Añete che jae peve, che Kuimbaerä ayeapo vae aguapɨ yave cheyemboetea, mborookuaía pegua pe, pe reta peyu cherupíe vae peguapɨta vi doce guapɨa pe, pejäa vaerä doce ñemuña Israel pegua reta.

2 Tesalonicenses 2:8

Jayave oyekuaata jókuae ikavimbae vae iyapoa. Jókuae yandeYa oyukata ipɨ̈túe pe vae, jare omboaita ko, ou yave jembipeasɨ reve.

Apocalipsis 1:6

jare yandeapo mburuvicha guasu retarä jare sacerdote retarä yayeokuai vaerä Tu Tumpa pe; ¡chupe toñemee mbaemboete jare mbaepuere jekuaekuae avei rupi! Amén.

Apocalipsis 20:4

Jare aecha mburuvicha iguapɨa reta jare joko pe oguapɨ mbaepuere oñemee chupe oporojäa vaerä vae reta. Jare aecha Jesús regua jare Tumpa iñee omombeu ramo oñeäka-sɨauka vae reta jekove. Jókuae mbaetɨ omboete mbaemɨmba guasu ani iä vae reta, mbaetɨ etei vi güɨnoi ikañɨmaa jesɨva re jare ipo re. Jae reta oikove ye jare oporookuai Cristo ndive mil año.

Apocalipsis 3:21

Oporomoamɨri vae pe ameeta oguapɨ vaerä che ndive cheguapɨa pe, che aporomoamɨri jare aguapɨ cheRu ndive iguapɨa pe rami.

Apocalipsis 5:10

oreapo mburuvicha guasu retarä, sacerdote retarä ñaneTumpa pe. Jare roporookuaita ɨvɨ pe.”