DANIEL 7:20 - Biblia Guarani Tumpa Iñee

²⁰ Aipota tëi vi aikuaa kavi jókuae payandepo jäti reta regua jare jäti michi vae, oime jesa güɨnoi vae jare jeta mbaembae ikavimbae jei vae re, echa tuichaecha oyekuaa ïru reta güi, jare mbaeporou mboapɨ jäti opa oyeakɨo chugüi oeya vaerä jókuae jäti michi vae jendarä.

DANIEL 7:20 ပူးပေါင်းရင်းမြစ်များ

DANIEL 7:11

Jayave che amae jókuae mbaeporou jäti jeta mbaembae ikavimbae jei vae oyeendu jeko pegua; amae aï oyuka reta regua jókuae mbaeporou jare jete opaetei oyembojaɨ jaɨ, javoi oitɨ reta tata pe opa vaerä ókai.

DANIEL 7:19

Che aipota tëi aikuaa kavi jókuae irundɨa mbaeporou regua, jókuae ambuaeyee yae ïru reta güi vae, echa yavaete yae ko: Güɨnoi jäi jiero pegua jare ipöape jiero iyu vae pegua; oporou yave oporomopüruru jare jembɨregüe re opɨ̈ro.

DANIEL 7:21

Jare aecha kuae mbaeporou jäti michi vae oñeraro jare omoamɨri Tumpa pe oñeñono tee vae reta.

DANIEL 7:23

Jare jei ye: ‘Irundɨa mbaeporou jae ko, irundɨa mborookuaía ɨvɨ iárambo oimeta vae, jókuae mborookuaía ambuaeyeeta opaete ïru reta güi. Omokañɨteita opaete ɨvɨ pegua reta, opɨ̈rota jese reta jare opata omonguruvi.

DANIEL 7:7

Irundɨa mbaeporou oyekuaa cheve vae jae ko yavaete yae, yandemongɨɨye yae jare ipɨ̈rata yae vae. Güɨnoi jäi tuichagüe jiero pegua; oporou yave oporomopüruru jare jembɨregüe re opɨ̈ro. Ambuaeyee yae ïru mbaeporou reta tenonde aecha vae güi, jare iñäka re güɨnoi payandepo jäti.

DANIEL 7:8

Che amae aï ramboeve jókuae jäti reta re, aecha jókuae reta ipäu güi oë ye ïru jäti ma michi vae, jayave oakɨo reta chugüi mboapɨ jäti jókuae taɨkue oë vae jendarä; kuae oime jesa, kuimbae jesa rami jare imiari jeta mbaembae ikavimbae.

Apocalipsis 12:3

Jare oyekuaa vi ara re ïru mbae tuichagüe, jae ko: Metei mbaeporou tuichagüe pɨ̈ta vae. Güɨnoi chiu iñäka, payandepo jäti jare iñäka ñavo re güɨnoi äka-regua.