DANIEL 7:13 - Biblia Guarani Tumpa Iñee

¹³ Oimeño amae aï ramboeve: Aecha ou amapɨtu re metei kuimbaeecha vae, kuae ojo jókuae Ndechi Tenondegua ete oïa pe; jare omboyauka reta jese.

DANIEL 7:13 ပူးပေါင်းရင်းမြစ်များ

SALMOS 110:2

Sión güi yandeYa ombouta ndeve popoka mborookuai pegua; ¡enoi mbaepuere nderovaicho reta re!

SALMOS 2:8

Eiporu cheve tëtaguasu reta ndembaerä, jare che tamee ndeve; jare toiko ndembaerä opaete ɨvɨ iyapɨ rupi.

SALMOS 47:5

¡YandeYa Tumpa oyeupi iguapɨa mborookuaía pegua pe, sapúkai yerovia katu pegua jare mimbɨguasu iñee ndive!

JEREMÍAS 49:19

Mase, ayuta metei yaguapope Jordán pegua kaa tëɨ yae vae güi oë ojo kapii jokɨ katu vae pe rami, joko güi ambotekuaraita Edom pegua reta, jare ameeta oporookuai che aiparavo vae. Echa ¿kia pa chemboyovake? ¿Kia pa oyemboɨta cheve? ¿Kia nunga vecha iyangarekoa pa ipuereta cheré?

EZEQUIEL 1:26

Jókuae oasavi vae iárambo aecha metei mburuvicha iguapɨa, ita zafiro jee vae rami vae, jare jókuae mburuvicha iguapɨa rami vae re oguapɨ oï metei kuimbaeecha vae.

DANIEL 2:44

Jare kuae mburuvicha guasu reta iara rupi, Tumpa ara pe oï vae omopüata metei mborookuaía mbaetɨ eteita oyemboai vae, jare mbaetɨta kuae mborookuaía oyeeya ïru tëta ipo pe; omonguruvita jare omokañɨteita opaete kuae mborookuaía reta, ërei jae oikota jekuae avei,

DANIEL 7:12

Jökoraiño vi ïru mbaeporou reta güi oñepɨ̈ro imbaepuere, ërei oeya retaño oikoveño vaerä, iara oväe chupe reta regua.

DANIEL 7:2

Jei körai: “Che aecha chepaɨu pe irundɨ ɨvɨtu yavaetegüe oyepeyu vae omomembe ɨguasu.

DANIEL 7:22

Ou regua jókuae Ndechi Tenondegua ete jare oyapo jupi vae Tumpa Tuichagüe yae ete vae pe oñeñono tee vae reta pe, echa oväe ma ara Tumpa pe oñeñono tee vae reta pe oñemee vaerä mborookuaía.

DANIEL 7:9

Amaeño aiko, opa regua oñeñono guapɨa reta mborookuaía pegua, jare metei Ndechi Tenondegua ete oguapɨ. Jemimonde tïi iroɨ rami, jare ia vecharaagüe ikɨambae rami. Iguapɨa jare iruera reta tata rami.

DANIEL 8:15

Che, Daniel ayemongeta ramboeve kuae aecha vae re, mbae ko oipota jei vae yave, güɨramoiño oyekuaa cheróvai metei kuimbaeecha vae,

San Mateo 13:41

Che Kuimbaerä ayeapo vae ambouta chearaɨgua reta, omboatɨ reta vaerä opaete iyoa vae reta jare ikavimbae iyapoa reta cheporookuaía güi.

San Mateo 24:30

Jare oyekuaata mbae ara re che Kuimbaerä ayeapo vae ayu ye chembaepuere reve jare cheyemboetea yae reve yave. Jare opaete ñemuña reta Israel pegua ipɨatɨtɨta chereecha ayu amapɨtu re yave.

San Mateo 25:31

Che Kuimbaerä ayeapo vae ayu ye yave cheyemboetea reve opaete araɨgua oñeñono tee Tumpa peguarä vae reta ndive. Jayave aguapɨta cheyemboetea, mborookuaía pegua pe.

San Mateo 26:64

Jayave Jesús jei chupe: —Rere ma ko. Ërei jae yeta vi peve, che Kuimbaerä ayeapo vae chereechata ko aguapɨ aï Tumpa imbaepuere vae iyakatu kotɨ. Jare chereechata vi ayu amapɨtu re ara güi.

San Mateo 28:18

Jare Jesús oya katu jese reta jare jei chupe reta: —Opaete mbaepuere oñemee ma cheve ara pe jare ɨvɨ pe.

San Mateo 8:20

Jesús jei chupe: —Aguara reta oime ikua, jare güɨra reta oime jaitɨ. Ërei che Kuimbaerä ayeapo vae mbaetɨ anoi kia pe aputuu vaerä ave.

San Marcos 13:26

Jayave ɨvɨ pegua reta chereechata ayu amapɨtu re. Che Kuimbaerä ayeapo vae chembaepuere yae reve jare cheyemboetea reve.

San Lucas 21:27

Jayave ɨvɨ pegua reta chereechata ayu amapɨtu re. Che Kuimbaerä ayeapo vae chembaepuere yae reve jare cheyemboetea reve.

San Lucas 21:36

Jáeramo peyeandu, jare peyerure avei ara ñavo Tumpa iporoaɨu rupi peasayepe vaerä opaete kuae mbaembae outa vae güi, peyemboɨ vaerä che Kuimbaerä oyeapo vae jóvai.”

San Lucas 24:27

Jayave Jesús omboɨpɨ omombeu kavi chupe reta Moisés jembikuatía reta güive jare opaete ñeemombeúa reta oikuatiagüe, kërai opaete jókuae Tumpa Iñee imiari jese vae.

San Juan 12:34

Jayave jae reta jei Jesús pe: —Mborookuai pe oyekuatía oï vae omombeu oreve Cristo oikoño mai ko. ¿Mbae pa rere jókuae Kuimbaerä oyeapo vae oupita retata ko vae? ¿Kia pa ko jókuae Kuimbaerä oyeapo vae?

San Juan 3:13

Mbaetɨ kia ave ojo ara pe, jaeño ara güi ogüeyɨ vae, jae ko che Kuimbaerä ayeapo vae.

San Juan 5:27

Omee vi cheve mbaepuere aporojäa vaerä, che Kuimbaerä ayeapo ramo.

Hechos 7:56

Jayave Esteban jei: —¡Mase! Aecha ara oyepea oï, jare aecha vi Kuimbaerä oyeapo vae oï Tumpa iyakatu kotɨ.

1 Tesalonicenses 4:17

jaɨkue rupi yande yaikoveño ñaï vae reta yayererajaukata jae reta ndive amapɨtu re ñaövaiti vaerä yandeYa. Jare jökorai yaikoita yandeYa ndive jekuae avei pegua.

1 Timoteo 6:16

jaeño ete ko omanombae vae, oiko tembipe yaya rapembae jese vae pe, mbaetɨ kia ave oecha vae, jare ngaraai oecha vae. Chupe toñemee mbaemboete jare mbaepuere. ¡Amén!

Hebreos 2:14

Opaete taɨ reta ɨvɨ pegua reta ko, jáeramo Jesús etei vi oyeapo ɨvɨ peguarä, imano rupi omoamɨri vaerä aña guasu güɨnoise mbaepuere mano re vae,

Hebreos 9:24

Cristo oike ma ara pe etei Tumpa jóvai, oyerure vaerä yanderé, mbaetɨ oike mbaemboetea oyeapogüe pe, echa jókuae mbaemboetea ko oyembojaanga añetete pegua ara pegua re;

Apocalipsis 1:13

jare aecha jókuae chiu mechero jenda reta ipɨte pe metei Kuimbaerä oyeapo vaeecha vae, jemimondo puku ojoi oa ipɨ re vae, jare aecha oyekuakua metei kuakuaa ipeguasu yae vae oro pegua pe.

Apocalipsis 1:18

che ko jae oikoño mai vae. Amano, ërei, mase, añave aikove jekuaekuae avei rupi. ¡Amén! Jare che anoi mbaepuere mano jare omanogüe reta ñogüɨnoia re.

Apocalipsis 1:7

¡Mase, ko jae ou amapɨtu re! Opaete vae oechata, oikutuuka vae reta ave oechata; Jare opaete jókuae ɨvɨ pegua reta ipɨatɨtɨ yaeta jese. Körai toyeapo. ¡Amén!

Apocalipsis 14:14

Amae jare aecha amapɨtu tïi vae jare jókuae amapɨtu re oguapɨ oï Kuimbaerä oyeapo vaeecha vae. Jare iñäka re güɨnoi äka-regua oro pegua, jare ipo pe metei hoz jaimbe vae.