DANIEL 6:8 - Biblia Guarani Tumpa Iñee

⁸ Añave mburuvicha guasu, emoañetete jare eikuatía nderee jese, agüɨye vaerä oyemboai, Media jare Persia pegua mborookuai oyemboaimbae vae rami.

DANIEL 6:8 ပူးပေါင်းရင်းမြစ်များ

ESTER 1:19

Jáeramo mburuvicha guasu, jaekavi ndeve yave, toë mborookuai ndembaepuere güi, jare toyekuatía mborookuai Persia jare Media pegua ipɨte pe, agüɨye vaerä oyemboai: “Vasti agüɨye ye mo tou mburuvicha guasu Asuero jóvai.” Jare mburuvicha guasu toñono ipoepɨka pe ïru kuña jeko kavi yae chugüi vae.

ESTER 3:12

Jayave oenɨi mburuvicha guasu pe ombaekuatía vae reta, tenondegua yasɨ ara trecea pe, jare oikuatía reta Amán oyókuai rami, ɨvɨ re oyangareko mburuvicha guasu pe vae reta pe, sundaro ruvicha reta ñogüɨnoi ɨvɨ ñavo rupi vae pe, jare tëta ruvicha ñavo pe; tëta ñavo imbaekuatía ae rupi jare iñee ae pe; mburuvicha guasu Asuero jee re oyekuatía, jare ipoäka-vera omboyeɨ jese oñemoañete vaerä.

ESTER 8:10

Jare oikuatía mburuvicha guasu Asuero jee re, jare ipoäka-vera omboyeɨ jese, jare omondo kuatía jerajaa reta ndive kavayu iñäkua vae re, mburuvicha guasu ikavayu reta re;

ESTER 8:3

Ester jekuae imiari ye mburuvicha guasu ndive, oyetavatɨka reve itindɨasɨ jae ipɨ re, oyaeo jare omoñera reve omboai vaerä Amán Agag iñemuña omee mborookuai ikavimbae yae vae, agüɨye vaerä jókuae oyeapo oï Judáɨgua reta kotɨ vae oyembopo.

ESTER 8:8

Peikuatía Judáɨgua reta pe, peikuaa rupi cheree re, jare pemboyeɨ jese chepoäka-vera; echa mborookuai mburuvicha guasu jee re oyekuatía jare ipoäka-vera oyemboyeɨ jese yave, ngaraa ye ma oyemboai.

SALMOS 94:21

Oyomboatɨ reta oyemongeta jupi vae jekove re, jare omometei reta yemongeta, oyuka vaerä jekombae vae.

ISAÍAS 10:1

Tumpa jei: ¡Peparavete, pe peyapo mborookuai reta jupimbae vae, jare jókuae rupi peiporarauka pepïrimbae,

DANIEL 5:28

PERES: Ndeporookuaía oyemboyao ma, jare oñemee Media jare Persia pegua reta pe.

DANIEL 6:12

Jaema voi yogüɨraja reta mburuvicha guasu jóvai, jare omomiari reta mborookuai oyeapogüe re, jei reta: —¿Oyeapoä pa mborookuai, agüɨye etei vaerä kia oyerure kuae treinta ara rupi oipotagüe ïru tumpa pe ani ïru kuimbae pe ndegüi, ërei kia nunga omboeteä kuae mborookuai vae oyeitɨ vaerä yaguapope reta jɨru pe? Jare mburuvicha guasu jei: —Añetete ko, Media jare Persia pegua mborookuai rami, ngaraa oyemboai.

DANIEL 6:15

Ërei jókuae kuimbae reta yatɨ mburuvicha guasu re, jare jei reta chupe: —Nemaendúa mburuvicha guasu, Media jare Persia pegua mborookuai ko, kërai ngaraa ipuere oyemboai oipotagüe mborookuai ani mbae oyeapo vaerä vae mburuvicha guasu oyapogüe.

San Mateo 24:35

Ara jare ɨvɨ opata ko, ërei cheñee reta ngaraa opa.