DANIEL 6:7 - Biblia Guarani Tumpa Iñee

⁷ Opaete ɨvɨ ruvicha reta mborookuaía pegua, tëta ruvicha reta, ɨvɨ iyangarekoa reta, mburuvicha reta, sundaro ruvicha reta oyemongeta päve, reikuatía remoañete vaerä jare remoërakuauka metei ndeporookuai, agüɨye etei vaerä oyerure kuae güi treinta ara rupi mbae re oipotagüe ïru tumpa pe ani ïru kuimbae pe ndegüi, ërei kia nunga omboeteä kuae mborookuai vae toyeitɨ yaguapope reta jɨru pe.

DANIEL 6:7 ပူးပေါင်းရင်းမြစ်များ

SALMOS 10:9

Oñemi okätɨro yaguapope ikua pe oï rami, okätɨro paravete vae re, oipɨɨ yave, güɨraja iñuai pe.

SALMOS 2:2

Mburuvicha guasu ɨvɨ pegua reta oñomopüa jare oyovaicho, tenondegua reta oyomboatɨ yandeYa kotɨ jare jembiparavo kotɨ, jei reve:

SALMOS 59:3

Echa, ko chepïaro reta cheyuka vaerä, oyomboatɨ reta chekotɨ imbaepuere vae reta. CheYa Tumpa, mbaetɨ cheñee-rei, ani ayapo mbaeyoa jeko pegua.

SALMOS 59:5

Nde, cheYa, Tumpa Imbaepuere yae ete vae, Israel iTumpa, epa reiporarauka vaerä opaete tëtaguasu reta pe; agüɨye eiparareko oyembopɨapochɨ ikavimbae rupi vae reta.

SALMOS 62:4

Peporomokañɨtei vaerä reteiño peyemongeta, peaɨu apu; pemiari ñee kavi, ërei pepɨa pe peyepopeyu.

SALMOS 83:5

Echa oyomboatɨ oyapo reta yemongeta metei ramiño, oñomoïru reta oñemopüa ndekotɨ,

SALMOS 94:20

Oporojäa kavimbae reta ïruä ko nde, güɨrova reta mborookuai iyeupe oyapo vaerä ikavimbae.

DANIEL 2:4

Jayave Caldeaɨgua iyarakuaa vae reta omomiari mburuvicha guasu ñee arameo pe: —¡Eikove katu avei oreruvicha guasu! Emombeu ndepaɨu oreve, jare roikuaaukata ndeve mbae ko oipota jei vae.

DANIEL 3:11

jare mbaetɨ oyetavatɨka omboete vae, toyemombo metei horno jendɨvuku oï vae japɨpe.

DANIEL 3:2

Javoi mburuvicha guasu Nabucodonosor omondo omboatɨuka ɨvɨ iyangarekoa reta, tëta ruvicha reta, sundaro ruvicha reta, oyeapɨsaka vae reta, korepoti iñovatúa reta, oporomboarakuaa vae reta, oporojäa vae reta, jare opaete tëta ñavo tenondegua reta, yogüeru vaerä mbae iägüe mburuvicha guasu Nabucodonosor omopüaukagüe oyemboaretea pe.

DANIEL 3:27

Jare oyemboatɨ ɨvɨ iyangarekoa reta, tenondegua reta, sundaro ruvicha reta, jare mburuvicha guasu imboarakuaa reta, omae reta vaerä kuae kuimbae reta re, kërai tata mbaetɨ ave güɨnoi mbaepuere jete reta re, ia reta ave mbaetɨ ókai; jemimonde reta ave mbaetɨ maratu, mbaetɨ ave tata piche yepe jae reta.

DANIEL 3:6

jare oipotagüe vae mbaetɨ oyetavatɨka omboete yave, jupiveiño oyemombota metei horno tuicha vae jendɨvuku oï vae japɨpe.”

DANIEL 6:16

Jayave mburuvicha guasu omondo güeruruka Daniel oitɨ reta vaerä yaguapope reta jɨru pe yave, mburuvicha guasu jei Daniel pe: —¡NeTumpa, jókuae reyeokuai avei chupe vae tandereepɨ!

DANIEL 6:22

CheTumpa ombou iaraɨgua, jae oyopia yaguapope reta iyuru, agüɨye vaerä maratu cheapo, echa jae jóvai mbaetɨ ko chereko; jare nderóvai ave mbaetɨ mbae ikavimbae ayapo mburuvicha guasu.

MIQUEAS 6:5

Chembae vae reta, pemaendúa añave, Balac mburuvicha guasu Moab pegua iyemongeta reta re, jare Balaam, Beor taɨ omboyevɨ ñee chupe vae re; pemaendúa tëta Sitim güi Gilgal kotɨ kërai peasa vae re, peikuaa vaerä yandeYa kërai oyapo jupi vae.”

NAHUM 2:12

Yaguapope oyuka yepi jembia, omboyao yaguapope kuña pe jare yaguapope raɨ reta pe, jare ikua omotɨnɨe yepi mbae oyukagüe pe.

San Mateo 12:14

Jare fariseo reta ñogüɨnoe judío reta itupao güi yave, oyomboemboe reta kërai oyuka vaerä Jesús.

San Mateo 26:4

Jare oyomboemboe reta yembotavɨ rupi oipɨɨ vaerä Jesús jare oyukauka

San Marcos 15:1

Jayave ndeimboveasɨ opa oyemongeta güire sacerdote reta itenondegua reta, tëta guasu pegua reta itenondegua reta, mborookuai re oporomboe vae reta, jare opaete ïru mburuvicha reta oipokua Jesús güɨraja reta Pilato pe omboeterenga.

San Juan 12:10

Jayave sacerdote reta itenondegua reta oyemongeta vi kërai oyuka vaerä Lázaro.