DANIEL 6:27 - Biblia Guarani Tumpa Iñee

²⁷ Jae oporogüɨroasayepe jare oporoepɨ, jae oyapo mɨakañɨ reta ara re jare ɨvɨ pe. Jae ko oepɨ Daniel yaguapope reta iyuru güi.”

DANIEL 6:27 ပူးပေါင်းရင်းမြစ်များ

JOB 36:15

Tembiporara rupi Tumpa güɨroasayepe oiporara vae, mbae jasɨ katu vae rupi oikuaauka chupe.

SALMOS 145:13

Ndeporookuaía opambae ko, ndembaepuere jekuaekuae avei vae ko.

SALMOS 18:48

chereroasayepe cherovaicho reta güi vae, jae jekuae chemopüa ou cheve vae reta re, chereepɨ kuimbae ipɨarai vae reta güi.

SALMOS 18:50

Omee che jembiparavo mburuvicha guasu pe, tuicha rupi aporomoamɨri vaerä, jare mboroparareko, che David jare cheñemuña reta pe jekuae avei pegua.

SALMOS 32:7

Nde ko jae cheñepɨ̈roa; cheövatuta mbɨatɨtɨ güi; cheövata tairari yereroasayepe pegua pe.

SALMOS 35:17

CheYa, ¿kërai yave regua pa remaeiñota reiko cheré? ¡Chereroasayepe iporomokañɨtei reta güi, chereroasayepe yaguapope rami vae reta güi!

SALMOS 97:10

Pe reta, yandeYa peaɨu vae reta, peröɨro ikavimbae; jae oyangareko chupe oñeñono tee vae reta re; jae oepɨ iyoa vae reta ipo güi.

JEREMÍAS 10:10

Ërei yandeYa Tumpa jae ko añetete vae, jae ko Tumpa oikove vae jare Mburuvicha guasu opambae. Iyarasɨ yave, okana ɨvɨ; tëtaguasu reta mbaetɨ jösa chupe.

DANIEL 2:44

Jare kuae mburuvicha guasu reta iara rupi, Tumpa ara pe oï vae omopüata metei mborookuaía mbaetɨ eteita oyemboai vae, jare mbaetɨta kuae mborookuaía oyeeya ïru tëta ipo pe; omonguruvita jare omokañɨteita opaete kuae mborookuaía reta, ërei jae oikota jekuae avei,

DANIEL 4:31

Mburuvicha guasu imiari vɨteri oï ramboeve, ou chupe metei ñee ara güi: “Ndeve jae mburuvicha guasu Nabucodonosor: Mborookuaía oñepɨ̈ro ma ndegüi;

DANIEL 4:34

“Ërei ara reta oyepapa oï vae iyapɨ ma yave, che Nabucodonosor amae ara kotɨ, jare ou akuera ye vaerä; jayave amboete Tuichagüe yae ete vae, jare ambotuicha oikove avei vae körai: ‘Imbaepuere jare iporookuaía opambae vae.

DANIEL 4:35

Opaete ɨvɨ pegua reta mbaeä etei ko. Jae oyapo jemimbota ara pe jare ɨvɨ pegua reta pe. Mbaetɨ kia ipuere oyopia imbaepuere jare jei chupe: ¿Mbae pa reyapo?’

DANIEL 6:20

Jare oya ɨvɨkua re yave osapúkai, ipɨatɨtɨ reve oenɨi Daniel, jei: —Daniel, Tumpa oikove vae jembiokuai, neTumpa reyeokuai avei chupe vae ¿ndereepɨ pa yaguapope reta güi?

San Juan 4:48

Jayave Jesús jei chupe: —Mbaetɨ aechauka peve mɨakañɨ reta yave, ngaraa perovia cheré.

Hechos 4:30

Jare eechauka ndembaepuere rupi oporombogüera reta vaerä, eyapo vi mɨakañɨ reta ndeRaɨ iyoambae Jesús jee re.”

Hebreos 2:4

Tumpa etei omoañete jae reta omombeu yandeve vae, mɨakañɨ reta, jare Espíritu Santo rupi mbaepuere reta oñemee vae rupi.

1 SAMUEL 17:26

Jayave David oparandu jae ndive ñogüɨnoi vae reta pe: —¿Mbae pa oñemeeta jókuae kuimbae omoamɨri kuae filisteo vae pe, jare omokañɨ kuae ñeeasɨ katu Israel iñemuña reta güi vae? Echa, ¿mbae nunga mbatee pa kuae filisteo itumpa-raanga pota vae oyovaicho vaerä Tumpa oikove vae isundaro reta re?