DANIEL 6:26 - Biblia Guarani Tumpa Iñee

²⁶ Che poyókuai opaete cheporookuaía pe peï vae reta, opaete vae pemboete jare peipoɨu Daniel iTumpa güi. Echa jae ko Tumpa oikove vae, jekuae avei oiko vae. Iporookuaía ngaraai oyemboai, imbaepuere ngaraai iyapɨ ɨvɨ opa regua.

DANIEL 6:26 ပူးပေါင်းရင်းမြစ်များ

ESDRAS 1:3

Jayave oipotagüe pegüi reta jókuae ɨvɨ pegua, peYa Tumpa imbae vae, jae tapemborɨ, jare pekua Jerusalén kotɨ, ɨvɨ Judá pe, jare pemopüa pɨau ye tupao peYa, Israel Tumpa pe (jae ko Tumpa ete), Jerusalén pe oï vae.

ESDRAS 7:21

Che mburuvicha guasu Artajerjes, amee kuae mborookuai mbae iñovatúa reta ɨ̈aka Éufrates jovaicho pe yogüɨreko vae pe, kërai opaete mbae oiporu sacerdote Esdras Tumpa ara pe oï vae iporookuai re oporomboe vae yave, toñemee voi chupe.

SALMOS 119:120

Arɨrɨi, aipoɨu ndegüi jeko pegua, ¡aipoɨu ndeporookuai reta güi!

SALMOS 146:10

Sión, neTumpa oporookuaita jekuae avei rupi, yandeYa oporookuaita jekuae avei rupi. ¡Aleluya!

SALMOS 2:11

Peyeokuai yandeYa pe peipoɨu reve, jare peyerovia pemboete reve.

SALMOS 29:10

YandeYa güɨnoi mbaepuere güeru vaerä ɨporu guasu; ¡yandeYa oiko mburuvicha guasurä jekuae avei pegua!

SALMOS 42:2

Cheɨuve yae rami ndekotɨ cheTumpa, nde, cheTumpa oikove vae. ¿Kërai yave ra aïta cheTumpa jóvai?

ISAÍAS 66:2

¡Che ko ayapo opaete kuae mbaembae, jáeramo ko oime opaete kuaekuae reta! Che, peYa ko jae. Che ayangarekota jókuae kuimbae oyemombaravete jare oñemomichi ipɨa pe vae re, cheñee omboete vae re.

ISAÍAS 9:7

Iporookuaía tuicha yaeta, jare mbɨakatu mbaetɨta opa David iguapɨa re jare iporookuaía re, oñono kavita ñejäa jupi rupi, jare isɨmbi rupi añave güive oiko avei vaerä. YandeYa imbaepuere yae vae jägüɨro rupi oyapota kuae.

JEREMÍAS 10:10

Ërei yandeYa Tumpa jae ko añetete vae, jae ko Tumpa oikove vae jare Mburuvicha guasu opambae. Iyarasɨ yave, okana ɨvɨ; tëtaguasu reta mbaetɨ jösa chupe.

DANIEL 2:44

Jare kuae mburuvicha guasu reta iara rupi, Tumpa ara pe oï vae omopüata metei mborookuaía mbaetɨ eteita oyemboai vae, jare mbaetɨta kuae mborookuaía oyeeya ïru tëta ipo pe; omonguruvita jare omokañɨteita opaete kuae mborookuaía reta, ërei jae oikota jekuae avei,

DANIEL 3:29

Jáeramo amee mborookuai, opaete tëta reta, tëtaguasu reta, ïru ñee pe imiari vae reta iñee nguru yave Sadrac, Mesac jare Abed-nego iTumpa kotɨ, toyembojaɨ jaɨ jare jo topɨta ɨtɨapɨrä; echa mbaetɨ ïru tumpa ipuere oporoepɨ kuae rami vae.”

DANIEL 4:3

¡Tuicha yae ko mɨakañɨ reta Tumpa oyapogüe, jare imbaepuere yae rupi oyapo! Iporookuaía opambae ko, jare imbaepuere oiko aveita jekuae avei pegua.

DANIEL 4:34

“Ërei ara reta oyepapa oï vae iyapɨ ma yave, che Nabucodonosor amae ara kotɨ, jare ou akuera ye vaerä; jayave amboete Tuichagüe yae ete vae, jare ambotuicha oikove avei vae körai: ‘Imbaepuere jare iporookuaía opambae vae.

DANIEL 6:20

Jare oya ɨvɨkua re yave osapúkai, ipɨatɨtɨ reve oenɨi Daniel, jei: —Daniel, Tumpa oikove vae jembiokuai, neTumpa reyeokuai avei chupe vae ¿ndereepɨ pa yaguapope reta güi?

DANIEL 7:14

Jare oñemee chupe mbaepuere, yemboetea jare mborookuaía, jare opaete ketɨgua tëtaguasu reta jare ïru ñee pe imiari vae reta oyeokuai chupe. Imbaepuere jekuae avei ko, jare iporookuaía ngaraai oyemboai.

DANIEL 7:27

Mborookuaía, mbaepuere jare yemboetea opaete ɨvɨ pe ñogüɨnoi vae, oñemeeta oñeñono tee Tuichagüe yae ete vae pe vae reta ipo pe. Iporookuaía oikota jekuae avei pegua, opaete ɨvɨ pegua reta oyeokuaita chupe jare yogüɨrekota jae jeia re.’

OSEAS 1:10

Jeseve, Israel iñemuña reta jeta yaeta, ɨguasu jembeɨ pe ɨvɨkuitï oï rami, mbaetɨta ipuere oñejäa ani oyepapa. Jare “tëta chembaeä ko pe reta”, jei chupea pe jeita chupe: “Tumpa oikove vae taɨ ko pe reta.”

MALAQUÍAS 3:6

“Echa, che peYa ayepoepɨmbae ko. Jáeramo ko, pe Jacob iñemuña reta mbaetɨ opa pekañɨtei.

San Mateo 6:13

Jare agüɨye emaeño roipota oreyoa vaerä. Orereepɨ ikavimbae güi. Echa ndembae ko jekuae avei pegua mborookuaía, mbaepuere jare yemboetea. Amén.’

San Lucas 1:33

jare jae oikota Jacob iñemuña reta juvicha guasurä jekuae avei pegua. Jare iporookuaía ngaraai iyapɨ.

San Lucas 12:5

Ërei tamombeu peve kia güi pekɨɨye vaerä. Pekɨɨye jókuae ipuere oekɨ perekove güire oporomondo kañɨtei pe vae güi. Añete che jae peve, pekɨɨye chugüi.

Hechos 17:25

Jae mbaetɨ etei oeka ɨvɨ pegua reta omee vaerä mbae chupe. Echa jae ko omee yandeve tekove jare ñanepɨ̈túe, jare opaete mbaembae.

Romanos 9:26

Tenonde yave che jae peve: ‘Pe reta chembaeä ko.’ Joko pe etei peñeenɨita ‘Tumpa oikove vae taɨ reta.’ ”

DEUTERONOMIO 5:26

echa, ¿mbae pa kuimbae oendu etei vaerä Tumpa oikove vae iñee tata jendɨ vae güi, ore roendu rami jare roikoveño?

1 Tesalonicenses 1:9

Echa jae reta etei omombeu ïru vae reta pe kërai ore rojo perëta pe yave kërai oremboresive vae re, jare kërai peeya tumpa-raanga reta jare peyerova Tumpa kotɨ, peyeokuai vaerä Tumpa oikove vae jare añetete vae kotɨ,

Hebreos 12:29

echa ñaneTumpa ko tata opaetei oapɨ mbae oeya vae rami vae.

Santiago 1:17

Opaete mbaembae ikavi yae oñemee yandeve vae ara güi ko ou, yandeRu tembipe reta iyapoa güi, jae ko mbaetɨi oyepoepɨ vae.

Apocalipsis 11:15

Jare araɨgua omoñee chiúa mimbɨguasu yave, oyeendu ñee reta tätagüe, jei: “Mborookuaía reta ɨvɨ pegua ou opɨta yandeYa jare Cristo ipo pe. Jare jae oporookuaita jekuaekuae avei rupi.”

Apocalipsis 4:10

veinticuatro tenondegua okuakuaa vae reta oyetavatɨka omboete jókuae tenda pe oguapɨ vae jekuaekuae avei rupi oiko vae, jare oñono reta iñäka-regua jókuae tenda jóvai, jei reve:

Apocalipsis 5:14

Jayave jókuae irundɨ oikove vae reta jei: “Amén” Jare jókuae veinticuatro tenondegua okuakuaa vae reta oyetavatɨka itindɨasɨ reve omboete oiko jekuaekuae avei rupi vae.

1 SAMUEL 17:26

Jayave David oparandu jae ndive ñogüɨnoi vae reta pe: —¿Mbae pa oñemeeta jókuae kuimbae omoamɨri kuae filisteo vae pe, jare omokañɨ kuae ñeeasɨ katu Israel iñemuña reta güi vae? Echa, ¿mbae nunga mbatee pa kuae filisteo itumpa-raanga pota vae oyovaicho vaerä Tumpa oikove vae isundaro reta re?

1 SAMUEL 17:36

Yaguapope ani oso viña pa ayuka; vɨtei pa kuae filisteo itumpa-raanga pota vae, echa iñeeasɨ katu Tumpa oikove vae isundaro reta kotɨ.