DANIEL 6:23 - Biblia Guarani Tumpa Iñee

²³ Jayave mburuvicha guasu oyerovia oendu yave, jare oporookuai oñerenoe vaerä ɨvɨkua güi; jökorai güɨnoe reta Daniel ɨvɨkua güi jare mbaetɨ etei ipere, iTumpa re oyeko ramo.

DANIEL 6:23 ပူးပေါင်းရင်းမြစ်များ

1 REYES 5:7

Hiram oendu yave Salomón ñee ombou jei chupe vae, oyerovia yae, jare jei: “¡Toyemboete Tumpa kuae ara, echa omee David pe taɨ yarakuaa katu yae vae, oporookuai vaerä kuae tëtaguasu tuicha yae vae re!”

1 CRÓNICAS 5:20

Ërei Tumpa omborɨ reta, jare Agar imembɨraɨe iñemuña reta opaete imborɨa reta ndive oa ipo pe, echa ñeraro pɨte pe oyerure reta Tumpa pe omborɨ vaerä. Jare Tumpa omborɨ reta echa güɨrovia reta jese.

2 CRÓNICAS 20:20

Pɨareve pe ndeimboveasɨ opüa reta yogüɨraja ñuu Tecoa pe. Ñogüɨnoe ramboeve, Josafat oyemboɨ jei vaerä chupe reta: “Peyeapɨsaka Jerusalén pegua reta jare Judá pegua reta, peyeko yandeYa Tumpa re, jare ngaraa pekɨɨye; perovia iñeemombeúa reta re, jare opaete oë kavita peve.”

SALMOS 18:21

echa che aiko yandeYa jemimbota rupi, ¡mbaetɨ ayembosɨrɨ mbaeyoa rupi cheTumpa güi!

SALMOS 37:40

YandeYa omborɨta jare oepɨta, oepɨta iyoa vae reta güi jare güɨroasayepeta, echa yandeYa reño oyeko reta.

ÉXODO 18:9

Jare Jetro oyerovia opaete ikavi vae yandeYa oyapo Israel iñemuña reta pe vae re, Egiptoɨgua reta ipo güi güɨroasayepe jeko pegua,

PROVERBIOS 18:10

Ñepɨ̈roka jëguambae rami ko yandeYa jee, jupi vae reta yogüɨraja oñepɨ̈ro jese.

ISAÍAS 26:3

CheYa, nde reñovatu mbɨakatu pe, ndereño ipɨa oñono vae reta, echa nderé oyeko reta.

DANIEL 3:17

Oreruvicha guasu, mase, oreTumpa royeokuai chupe vae ipuere ko orereepɨ horno jendɨvuku oï vae güi; jare ndepo güi ave orereepɨta ko.

DANIEL 3:25

Jare jae jei: —Ërei che aecha aï irundɨ kuimbae reta oyepokuambae oguata tata mbɨte rupi, mbaetɨ etei mbae tata oyapo chupe reta; jare jókuae irundɨa kuimbae tumpa retaecha oyekuaa.

DANIEL 6:14

Mburuvicha guasu oendu kuae regua yave ipɨatɨtɨ yae, jare oeka kërai oepɨ vaerä Daniel. Kuaraɨ oike regua oeka tëi kërai oepɨ vaerä.

DANIEL 6:18

Javoi mburuvicha guasu ojo jo pe, jare okarumbae oyapakua; tembiporu tairari pegua reta ave mbaetɨ oyereru jóvai; jare mbaetɨ etei jopeɨ.

San Marcos 9:23

Jayave Jesús jei chupe: —Nde rerovia ko yave, echa opaete oporogüɨrovia vae pe mbaetɨ mbae yavai.

Hebreos 11:33

iporogüɨrovia rupi opɨ̈ro reta mborookuaía reta, oyapo reta jupi vae, omboresive reta oñererökuavee chupe reta vae, jare oiyuruokua yaguapope reta,