DANIEL 6:22 - Biblia Guarani Tumpa Iñee

²² CheTumpa ombou iaraɨgua, jae oyopia yaguapope reta iyuru, agüɨye vaerä maratu cheapo, echa jae jóvai mbaetɨ ko chereko; jare nderóvai ave mbaetɨ mbae ikavimbae ayapo mburuvicha guasu.

DANIEL 6:22 ပူးပေါင်းရင်းမြစ်များ

GÉNESIS 40:15

Echa cheñomi ko hebreo reta iɨvɨ güi; jare mbaetɨ tëi mbae ayapo aï vaerä kuae tembipɨɨrɨru pe.

2 SAMUEL 22:7

Chepɨatɨtɨ yave aenɨi yandeYa, asapúkai cheTumpa pe, jare jae chereendu jo iyemboetea güi. ¡Chesapúkai ojo oväe chupe!

1 REYES 13:28

Jayave ñeemombeúa indechi vae ojo jare oväe chupe jëogüegüe oyepɨso oï tape pe, iyɨpɨ pe oime oï imburika jare yaguapope. Jókuae yaguapope mbaetɨ yepe jou tëogüe ani oyuka mburika.

2 CRÓNICAS 32:21

Jayave yandeYa ombou metei araɨgua opa oyuka opaete sundaro jëia vae reta, sundaro ruvicha reta, jare metei äpɨta vae juvicha reta, mburuvicha guasu Asiria pegua jeyupa pe. Jare jae imara yae reve oyerova ye ojo iɨvɨ kotɨ. Jare oike yave itumpa itupao pe, joko pe jae taɨ reta aeño oyuka kɨsepuku pe.

SALMOS 118:28

CheTumpa ko nde, toromboete; cheYa Tumpa, torombotuicha.

SALMOS 26:6

Ayepoe ma mbaeyoa güi, jökorai ajata mɨmba oyeapɨ oñemee jese ndeve vae kotɨ, cheYa Tumpa.

SALMOS 31:14

Ërei che ndereño ayeko cheYa Tumpa, jae: “¡Nde ko jae cheTumpa!”

SALMOS 34:7

YandeYa iaraɨgua oiko, oipoɨu chugüi vae reta iyɨ́vɨri jare oepɨ.

SALMOS 38:21

CheYa Tumpa, ¡agüɨye chereeya! CheRu Tumpa, agüɨye esɨrɨ chegüi.

SALMOS 84:11

Echa yandeYa Tumpa ko omboesape jare oporoepɨ vae; jae omeeta mboroaɨu jare mboromboete, ngaraa opɨ̈ro mbae ikavi vae, ipɨa jupi rupi oguata vae güi.

ISAÍAS 3:10

Ere jupi vae pe, ojo kavita ko, echa oyekouta jembiapo re.

ISAÍAS 63:9

opaete mbɨatɨtɨ rupi yogüɨreko vae güi. Jae etei ko ou güɨroasayepe reta; jae ko oepɨ reta iporoaɨu rupi jare iporoparareko rupi, jare güeru reta jare omopüa reta jekuae avei pegua.

JEREMÍAS 37:18

Jare Jeremías oparandu voi vi mburuvicha guasu Sedequías pe: —¿Mbae rupi pa oime chereko nde cheruvicha guasu kotɨ, ani ndeɨvɨrigua mburuvicha reta kotɨ, ani opaete vae reta kotɨ, cheñono reta vaerä tembipɨɨrɨru pe?

DANIEL 3:28

Jayave Nabucodonosor jei: “Toyemboete Sadrac, Mesac jare Abed-nego iTumpa, echa ombou iaraɨgua oepɨ jembiokuai reta oyeko jese ramo, jare mbaetɨ oyapo reta cheporookuai, oñeñono reta oiporara vaerä, omboete äragüe ïru tumpa iTumpa güi.

DANIEL 6:20

Jare oya ɨvɨkua re yave osapúkai, ipɨatɨtɨ reve oenɨi Daniel, jei: —Daniel, Tumpa oikove vae jembiokuai, neTumpa reyeokuai avei chupe vae ¿ndereepɨ pa yaguapope reta güi?

DANIEL 6:23

Jayave mburuvicha guasu oyerovia oendu yave, jare oporookuai oñerenoe vaerä ɨvɨkua güi; jökorai güɨnoe reta Daniel ɨvɨkua güi jare mbaetɨ etei ipere, iTumpa re oyeko ramo.

DANIEL 6:4

Jayave ɨvɨ ruvicha reta jare ɨvɨ iyangarekoa reta oeka tëi kërai omboeko vaerä Daniel iparavɨkɨ rupi; ërei ngatu mbaetɨ ipuere reta oväe mbae nunga teko ani mbaeyavɨ jese, echa jae ko jupi yae; mbaetɨ etei mbae imomora ani mbaeyavɨ oñeväe jese.

DANIEL 6:7

Opaete ɨvɨ ruvicha reta mborookuaía pegua, tëta ruvicha reta, ɨvɨ iyangarekoa reta, mburuvicha reta, sundaro ruvicha reta oyemongeta päve, reikuatía remoañete vaerä jare remoërakuauka metei ndeporookuai, agüɨye etei vaerä oyerure kuae güi treinta ara rupi mbae re oipotagüe ïru tumpa pe ani ïru kuimbae pe ndegüi, ërei kia nunga omboeteä kuae mborookuai vae toyeitɨ yaguapope reta jɨru pe.

MIQUEAS 7:7

Ërei ngatu, che, yandeYa reño amaeta, Tumpa chereroasayepe vae reño ayekota; jókuae cheTumpa ko chereenduta.

NÚMEROS 20:16

Jare rosapúkai yandeYa pe, jare jae oendu oreyerure, ombou metei araɨgua orerenoe Egipto güi. Añave, ko ma roï Cades pe, tëta köi oï ndeɨvɨ jembeɨ güi vae pe.

San Mateo 27:46

Jare kaaru yave mboapɨ orata ma yave, Jesús täta osapúkai reve jei: “Elí, Elí, ¿lama sabactani?” (Kuae oipota jei: “CheRu Tumpa, cheRu Tumpa, ¿maera pa chereeya?”)

Hechos 12:11

Jayave ramo Pedro oikuaa kuae oyeapo vae añete yepe, jare jei iyeupe: “Añave aikuaa cheYa ko ombou iaraɨgua chereroasayepe Herodes güi jare opaete judío reta oipota oyapo cheve vae güi.”

Hechos 24:16

Jáeramo che aipota chepɨa ikavi avei anoi vaerä Tumpa kotɨ jare ɨvɨ pegua reta kotɨ.

Hechos 27:23

Echa pɨare oyekuaa cheve metei Tumpa iaraɨgua. Jókuae Tumpa imbae ko che jare chupe ayeokuai.

2 Corintios 1:12

Ore roiko kavi oporogüɨroviambae vae reta ipɨte pe jare pepɨte pe vi, Tumpa oremborɨ ramo. Mbaetɨ etei roporombotavɨ. Jare körai roiko Tumpa ipɨakavi rupi, mbaetɨ roiko orearakuaa rupiño. Jáeramo royerovia.

2 Timoteo 4:17

Ërei yandeYa oï che ndive jae chemomɨ̈rata, che amoërakua vaerä ñee ikavi vae, opaete judiombae vae reta oendu vaerä, jökorai aasayepe vaerä yaguapope iyuru güi.

Hebreos 1:14

Echa araɨgua reta Tumpa jembiokuai ko; jare jae ko ombou araɨgua reta omborɨ vaerä oyemboasaukata vae reta.

Hebreos 11:33

iporogüɨrovia rupi opɨ̈ro reta mborookuaía reta, oyapo reta jupi vae, omboresive reta oñererökuavee chupe reta vae, jare oiyuruokua yaguapope reta,

1 SAMUEL 17:37

Jare jei ye David: —YandeYa chereepɨ yaguapope ipöape güi jare oso ipöape güi vae, jae etei vi chereepɨta kuae filisteo ipo güi. Jare Saúl jei David pe: —Ekua, jare yandeYa toï nde ndive.

1 SAMUEL 26:18

¿Maera pa cheraɨkuemoña cheya? ¿Mbae pa ayapo? ¿Oime pa mbae ikavimbae ayapo?