DANIEL 6:16 - Biblia Guarani Tumpa Iñee

¹⁶ Jayave mburuvicha guasu omondo güeruruka Daniel oitɨ reta vaerä yaguapope reta jɨru pe yave, mburuvicha guasu jei Daniel pe: —¡NeTumpa, jókuae reyeokuai avei chupe vae tandereepɨ!

DANIEL 6:16 ပူးပေါင်းရင်းမြစ်များ

2 SAMUEL 3:39

Jáeramo, che chepɨtu ko añeväe añave, yepe tëi mburuvicha guasurä ayeparavo aï; echa kuae kuimbae reta, Sarvia imembɨraɨe reta jeko pochɨ yae ko chevegua. ¡YandeYa tomboekovia kuae ikavimbae oyapo vae reta pe!

JOB 5:19

Ndereroasayepe aveita tembiporara güi, tembiporara ngaraa etei maratu ndeapo.

PROVERBIOS 29:25

Kuimbae güiño yaipoɨu vae, ñuai rami ko, ërei yandeYa reño oyeko vae, oyemboeteukata ko.

ISAÍAS 41:10

Agüɨye ekɨɨye, che ko aï nde ndive; agüɨye ndepɨtu, che ko neTumpa romomɨ̈rata vae, romborɨ aveita, chembaepuere pe roñovatu aveita.

ISAÍAS 43:2

Ɨ reta reasa yave, che aïta nde ndive, ɨ̈aka reta reasa yave, ngaraa ɨ ndereraja; tata reasa yave, ngaraa rékai, ngaraa ave nderendɨ.

JEREMÍAS 26:14

Ërei che, ko aï pepo pe; peyapo cheve peve jaekavita jare jupi vae.

JEREMÍAS 38:5

Mburuvicha guasu Sedequías jei chupe reta: —Mase, pepo pe ko oï, che mbaetɨ chepuere mbae jae peve.

JEREMÍAS 38:6

Jayave jae reta oipɨɨ Jeremías jare ombogüeyɨ reta ɨrɨru pe, Malquías, Hamelec taɨ imbae pe, tembipɨɨrɨru joka pe oï vae pe; ombogüeyɨ reta Jeremías tɨmasa pe. Jare jókuae ɨrɨru pe mbaetɨ ɨ, jaeño tuyuapo, jare Jeremías oike jókuae tuyuapo yasuru vae pe.

JEREMÍAS 39:17

Ërei che jókuae ara rogüɨroasayepeta, ngaraa rea jókuae rekɨɨye chugüi vae reta ipo pe. Che ndeYa ko jae kuae.

DANIEL 3:15

Añave, peendu oñemoñee mimbɨ vecha kuimbae-räti, jare angúa ipu, arpa, ngitara, zampoña, jare opaete temimbɨ tairari pegua yave, ¿peyetavatɨkata pa pemboete mbae iä amopüaukagüe? Echa mbaetɨ yave pemboete, jupiveiño peyemomboukata metei horno jendɨvuku oï vae japɨpe; ¿jare kia nunga tumpa pa ipuereta pereepɨ chepo güi?

DANIEL 3:17

Oreruvicha guasu, mase, oreTumpa royeokuai chupe vae ipuere ko orereepɨ horno jendɨvuku oï vae güi; jare ndepo güi ave orereepɨta ko.

DANIEL 3:28

Jayave Nabucodonosor jei: “Toyemboete Sadrac, Mesac jare Abed-nego iTumpa, echa ombou iaraɨgua oepɨ jembiokuai reta oyeko jese ramo, jare mbaetɨ oyapo reta cheporookuai, oñeñono reta oiporara vaerä, omboete äragüe ïru tumpa iTumpa güi.

DANIEL 6:20

Jare oya ɨvɨkua re yave osapúkai, ipɨatɨtɨ reve oenɨi Daniel, jei: —Daniel, Tumpa oikove vae jembiokuai, neTumpa reyeokuai avei chupe vae ¿ndereepɨ pa yaguapope reta güi?

DANIEL 6:7

Opaete ɨvɨ ruvicha reta mborookuaía pegua, tëta ruvicha reta, ɨvɨ iyangarekoa reta, mburuvicha reta, sundaro ruvicha reta oyemongeta päve, reikuatía remoañete vaerä jare remoërakuauka metei ndeporookuai, agüɨye etei vaerä oyerure kuae güi treinta ara rupi mbae re oipotagüe ïru tumpa pe ani ïru kuimbae pe ndegüi, ërei kia nunga omboeteä kuae mborookuai vae toyeitɨ yaguapope reta jɨru pe.

Hechos 24:27

Ërei mókoi año ma oasa yave, Porcio Festo ou Félix jekovia pe. Jare Félix oipota omboyerovia judío reta ramo, oeya Pablo tembipɨɨrɨru pe.

Hechos 25:11

Echa oime yave mbae ikavimbae yae ayapo amano vaerä, ngaraa etei mbae jae. Ërei kuae teko omboya reta cheré vae ayapoä reve, ngaraa kia ipuere chemee chupe reta. Aiporu mburuvicha guasu César chejäa vaerä.

Hechos 25:9

Ërei Festo oipota omboyerovia judío reta ramo, oparandu Pablo pe: —¿Reipota pa reo Jerusalén pe, rojäa vaerä joko pe kuae teko reta re?

Romanos 13:3

Echa mburuvicha reta mbaetɨ ko ñogüɨnoi omongɨɨye vaerä ikavi vae oyapo vae, ikavimbae vae oyapo vae reta peguarä ko. Jáeramo eyapo ikavi vae, agüɨye vaerä rekɨɨye mburuvicha reta güi. Jare jae reta ndererovia katuta;

2 Corintios 1:10

Echa jae orereroasayepe mano güi, jare jekuae orereroasayepe yeta mano güi,