DANIEL 6:15 - Biblia Guarani Tumpa Iñee

¹⁵ Ërei jókuae kuimbae reta yatɨ mburuvicha guasu re, jare jei reta chupe: —Nemaendúa mburuvicha guasu, Media jare Persia pegua mborookuai ko, kërai ngaraa ipuere oyemboai oipotagüe mborookuai ani mbae oyeapo vaerä vae mburuvicha guasu oyapogüe.

DANIEL 6:15 ပူးပေါင်းရင်းမြစ်များ

ESTER 8:8

Peikuatía Judáɨgua reta pe, peikuaa rupi cheree re, jare pemboyeɨ jese chepoäka-vera; echa mborookuai mburuvicha guasu jee re oyekuatía jare ipoäka-vera oyemboyeɨ jese yave, ngaraa ye ma oyemboai.

DANIEL 6:12

Jaema voi yogüɨraja reta mburuvicha guasu jóvai, jare omomiari reta mborookuai oyeapogüe re, jei reta: —¿Oyeapoä pa mborookuai, agüɨye etei vaerä kia oyerure kuae treinta ara rupi oipotagüe ïru tumpa pe ani ïru kuimbae pe ndegüi, ërei kia nunga omboeteä kuae mborookuai vae oyeitɨ vaerä yaguapope reta jɨru pe? Jare mburuvicha guasu jei: —Añetete ko, Media jare Persia pegua mborookuai rami, ngaraa oyemboai.

DANIEL 6:8

Añave mburuvicha guasu, emoañetete jare eikuatía nderee jese, agüɨye vaerä oyemboai, Media jare Persia pegua mborookuai oyemboaimbae vae rami.