DANIEL 6:10 - Biblia Guarani Tumpa Iñee

¹⁰ Daniel oikuaa mburuvicha guasu oikuatía ko jee mborookuai re yave, oike jo pe jare oipea iventana Jerusalén kotɨ omae oï vae jare oyetavatɨka oyerure mboapɨ ye ara pe omee reve yasoropai Tumpa pe, oyapoñoi oiko rami.

DANIEL 6:10 ပူးပေါင်းရင်းမြစ်များ

1 REYES 8:30

Añave eendu, nderembiokuai iyerure, jare Israel tëta ndembae vae iyerure; oyerure reta yave kuae pe, nde reenduta vi reikoa pe, ara pe; eendu jare neɨ̈ro.

1 REYES 8:38

eendu opaete yerure reta kia ñavo oyerure yave, ani opaete ndembae vae Israel güi, oime yave susere; ërei oupi ipo oyerure kuae tupao kotɨ yave. Nde eendu ara pe, jókuae reikoa pe, jare neɨ̈ro chupe; jare emee metei ñavo pe kërai jeko oï rupi, echa ndeño reikuaa kuimbae reta ipɨa iyemongeta.

1 REYES 8:44

Tëta ndembae vae ñogüɨnoi yave oñoraro vaerä jovaicho reta ndive kia pe, remondoa pe, joko güi oyerure yave ndeve omae reve kuae tëta nde reiparavogüe kotɨ jare kuae tupao ayapo vae kotɨ,

1 REYES 8:54

Salomón opa oyerure omoñera reve vae yave, opüa jókuae oyetavatɨka oï jókuae mɨmba oyeyuka oyeapɨ jese vae jóvai güi, ipo omopüa oï ara kotɨ vae güi,

2 CRÓNICAS 6:13

Echa Salomón oyapo metei oñemoñee jese vaerä jiero iyu vae pegua, mókoi metro y medio pukugüe jare ipɨgüe, jare metei metro treinta y cinco centímetro ɨvategüe, kuae oñono tupao guasu joka mbɨte pe, jare jókuae re oyetavatɨka Israel iñemuña reta jóvai jare omopüa ipo ara kotɨ jare jei:

2 CRÓNICAS 6:38

Oyepoepɨ reta jeko güi ndekotɨ opaete ipɨa ndive jare jekove ndive jókuae ɨvɨ ñogüɨnoia güi yave, jare oyerure reta ndeve omae reve kuae ɨvɨ remee iñemuñagüe reta pe vae kotɨ yave, jare tëta guasu nde reiparavo vae kotɨ jare tupao amopüa nderee re vae kotɨ yave,

ESDRAS 9:5

jayave ramo apüa chepɨatɨtɨa güi, cheremimonde jare cheñeapevaka osoro reve ayetavatɨka jare ayerure aupi reve chepo cheYa Tumpa pe,

NEHEMÍAS 6:11

Ërei che jae chupe: “¿Kuimbae che rami vae otekuaraita pa? ani, ¿kia che rami vae oiketa pa tupao guasu pe güɨroasayepe vaerä jekove? Ngaraa aike tupao guasu pe.”

SALMOS 34:1

Amboete aveita yandeYa opaete ara rupi; cheyuru pe oïta jekuae avei mbaemboete ikotɨ.

SALMOS 5:7

Ërei ngatu ndeporoparareko tuicha yae ete jeko pegua chepuere aike ndero pe. Romboete aipoɨu reve kavi amae ndetupao oñeñono tee vae kotɨ.

SALMOS 55:17

Kaaru yave jare ndeimbove yave, jare kuaraɨ ara mbɨte pe chepɨatɨtɨ yae reve ayerure, jare jae oenduta cheve.

SALMOS 86:3

CheYa Tumpa, cheparareko, echa ara ñavo ayerure avei ko ndeve.

SALMOS 95:6

Peyu, yambaemboete jare yayetavatɨka yandetɨndɨasɨ reve; yayetavatɨka yandeApoa yandeYa jóvai.

DANIEL 6:13

Jayave jei reta mburuvicha guasu pe: —Daniel, tembipɨɨ reta Judá pegua iñemuña mbaetɨ ndemboete mburuvicha guasu, mbaetɨ omboete mborookuai reyapogüe; mase mboapɨ ye metei ara pe oyerure.

DANIEL 9:4

Ayerure cheYa Tumpa pe, ayemombeu reve chupe körai: ‘CheYa, Tumpa tuicha yae vae, jupi ko oyepoɨu vaerä ndegüi, reñererökuavee vae rembopo avei; nde ndeporoparareko, nderaɨu vae reta re jare ndeporookuai oyapo vae reta re;

JONÁS 2:4

Jayave jae: Chemombo ma nderesa róvai güi; ërei aecha vɨterita nerëta ikɨambae.

San Marcos 3:3

Jayave Jesús jei kuimbae ipo jovaicho tɨpa vae pe: —Epüa eyemboɨ mbɨte pe.

San Lucas 14:26

“Oime yave kia oipota ojo cherupíe vae, ërei ombotenonde yave tu, ichɨ, jembireko, imichia reta, tɨkeɨ jare tɨvɨ, jeindɨ jare jae etei oyembotenonde yave, ngaraa ipuere oiko cheremimboerä.

San Lucas 22:41

Jayave Jesús osɨrɨ katu chugüi reta, ita oyemombo vae oa ojo ramía pe, jare oyetavatɨka oyerure Tumpa pe.

Hechos 10:9

Pɨareve pe, jae reta yogüɨraja tape rupi köiño ma Jope güi ramboeve, kuaraɨ ara mbɨteta ma yave Pedro oyeupi o iárambo ipe kavía pe oyerure vaerä Tumpa pe.

Hechos 2:15

Pe reta peyemongeta kuae reta osavaɨpo ko ñogüɨnoi. Ërei jökoraiä ko. Echa ndeimboveño vɨteri ko.

Hechos 20:24

Ërei mbaetɨ akɨɨye. Mbaetɨ aɨu cherekoveño. Jaeño aipota amboapɨ kavi ayerovia reve mbaravɨkɨ yandeYa Jesús omee cheve vae. Echa jae cheokuai chemiari vaerä ñee kavi Tumpa ipɨakavi regua.

Hechos 20:36

Jare kuae opa jei güire, Pablo oyetavatɨka jare oyerure Tumpa pe opaete jae reta ndive.

Hechos 21:5

Jókuae ara reta oasa yave, opaete oporogüɨrovia vae reta jembireko reta jare imichia reta ndive oremoïru reta tëta guasu güi ikatu pe, jayave royetavatɨka ɨembeɨ pe royerure Tumpa pe.

Hechos 3:1

Pedro jare Juan yogüɨraja päve tupao pe, Tumpa pe oyerure vaerä, mboapɨ ora ma kaaru yave.

Hechos 4:29

Añave, oreYa, emae oremomburu reve oreokuai vae reta re. Emee nderembiokuai reta pe okɨɨyembae reve imiari vaerä neñee re.

Hechos 5:20

“Pekua peyemboɨ tupao pe pemombeu opaete vae reta pe ñee tekove pegua.”

Hechos 5:29

Jayave Pedro jare ïru temimondo reta jei chupe reta: —Royapo tai ko Tumpa iporookuai, kuimbae reta iporookuai güi.

Hechos 7:60

Jayave oyetavatɨka, jare iñeeäta reve jei: “CheYa, agüɨye eiporarauka chupe reta kuae mbaeyoa re.” Jare kuae jei yave, omano.

Hechos 9:40

Jayave Pedro omoë opaete joko pe ñogüɨnoi vae reta. Jare oyetavatɨka oyerure Tumpa pe. Javoi omae tëogüe re jare jei: —¡Tabita, epüa! Jayave kuña omae, jare oecha Pedro yave, opüa oguapɨ.

Efesios 3:14

Kuae jeko pegua, che ayetavatɨka yandeYa Jesucristo Tu jóvai.

Filipenses 1:14

Jare jeta yanderɨvɨ reta oñemoäta ngatu yandeYa kotɨ, oikuaa reta tembipɨɨrɨru pe oyeapo cheve vae ramo. Jare jae reta jei ete omombeu Tumpa iñee okɨɨyembae reve.

Filipenses 1:20

Körai oyeapota che aäro vae, echa jekuaeño aipota aiko chemarambae reve. Aipota aiko akɨɨyembae reve Cristo oyemboeteuka vaerä cherupi, aikove vae rupi ani amano vae rupi.

Filipenses 4:6

Agüɨye etei peyemoambaeko mbae re, jaeño peyerure Tumpa pe opaete mbaembae re, pemee reve yasoropai chupe.

Colosenses 3:17

Opaete mbaembae peyapo vae ani pere vae, peyapo opaete yandeYa Jesús jee re, pemee reve yasoropai yandeRu Tumpa pe yandeYa Jesús rupi.

Hebreos 13:15

Jáeramo yamboete avei Tumpa Jesús rupi, kuae oipota jei yamboete Tumpa yandeyuru pe.

Hebreos 4:16

Jáeramo, yayemboya yaipoɨumbae reve ipɨakavi yae vae iguapɨa re, jae yandeparareko vaerä jare ipɨakavi rupi yandemborɨ vaerä yaiporara yave.

Apocalipsis 2:10

Agüɨye etei ekɨɨye reiporarata vae güi. Mase, aña guasu peñoñaukata amogüe pe reta tembipɨɨrɨru pe, oyekuaa vaerä peporogüɨrovia añetete ra; jare peiporarata payandepo ara pegua. Nepɨ̈rata ndeporogüɨrovia pe remano regua, jare ameeta ndeve tekove opambae vae.

Apocalipsis 2:13

‘Che aikuaa opaete reyapogüe reta jare kia pe reiko vae, Satanás jenda mborookuaía pegua oïa pe. Ërei pe reta jekuaeño perovia cheré jare mbaetɨ chekuaku, Antipas chemombeu kavi vae oyeyukauka jókuae Satanás oikoa pe ave.