DANIEL 5:23 - Biblia Guarani Tumpa Iñee

²³ ërei cheYa ara pe oï vae kotɨ reyembopɨapochɨ, jare reruruka nderóvai vaso reta Tumpa jo pegua, nde jare ndeɨvɨrigua mburuvicha reta, nderembireko reta jare kuña rerekoiño vae reta ndive rekau pɨpe; jare kuae güire, remboete tumpa reta korepoti pegua, oro pegua, jiero iyu vae pegua, jiero pegua, ɨvɨra pegua jare ita pegua; jókuae omaembae reta, oendumbae reta, yarakuaambae reta; jare Tumpa jae ipo pe nderekove oï vae jare opaete reyapogüe reta jese oiko vae mbaetɨ remboete.

DANIEL 5:23 ပူးပေါင်းရင်းမြစ်များ

GÉNESIS 14:19

Jare jei Abram pe körai: “Tumpa Tuichagüe yae ete vae ara jare ɨvɨ iyapoa tiporerekua nderé.

GÉNESIS 2:7

Jayave yandeYa Tumpa oyapo kuimbae ɨvɨkúi güi, jare oipeyu iñäpɨgua pe tekove. Jökorai omboɨpɨ oikove kuimbae.

2 REYES 14:10

Añete, remoamɨri ko Edom iñemuña reta jare jókuae pe reyembotuicha. Eyembotuicha, ërei epɨta ndero pe. ¿Maera pa reyemoingeta mbaesusere pe, nde jare Judá pegua reta?”

JOB 12:10

Jae ipo pe ko oï opaete mbaembae jekove, jare opaete kuimbae reta jekove.

JOB 31:4

Jae oikuaa opaete chereko, jare opaete ayapogüe.

SALMOS 104:29

ërei, nde resɨrɨ chugüi reta yave, jae reta okɨɨye; reekɨ ipɨ̈túe yave, jae reta omano, opa ojo ye ɨvɨkuirä.

SALMOS 115:16

Ara reta yandeYa imbae ko, jare ɨvɨ omee kuimbae reta pe.

SALMOS 139:3

Reikuaa opaete kërai aiko vae, ¡reikuaa opaete ayapogüe!

SALMOS 146:4

Echa omano yave ojo ye ɨvɨkuirä, jare jókuae ara voi opa iyemongeta reta.

PROVERBIOS 20:24

YandeYa re ko oï kuimbae kërai oiko vaerä; metei ave kuimbae mbaetɨ oikuaa iyegua.

ISAÍAS 13:11

YandeYa jei: “Aiporaraukata kuae ɨvɨ pegua reta pe iyoa jeko pegua, jare iTumpa potambae reta pe ikavimbae oyapo jeko pegua. Amboapɨta iyemboete iyé vae reta güi iyemboete, amomichita ipɨayemboete vae reta.

ISAÍAS 14:13

Rere yepi ndepɨa pe ndeyeupe: ‘Tayeupi ara kotɨ; tañono cheguapɨka mborookuaía pegua Tumpa iyasɨtata reta iárambo ye; taguapɨ ɨvɨtɨ guasu, tumpa reta ñogüɨnoia pe ɨvɨtuguasu kotɨ.

ISAÍAS 2:12

echa yandeYa Imbaepuere yae ete vae ojäa yave jókuae ara, opaete kuimbae ipɨapochɨ vae reta, ipɨayemboete vae reta, ipɨa ombotuicha vae reta, omoñemomichita;

ISAÍAS 33:10

YandeYa jei: “Añave apüata; añave aechaukata chembaepuere tuicha yae vae.

ISAÍAS 37:19

jare opa jókuae tëtaguasu reta itumpa-raanga reta oapɨ oeya, echa tumpa eteä, kuimbae reta ipo pe oyapogüeño, ɨvɨra jare ita peguaño ko. Jáeramo ko opa reta omboai.

ISAÍAS 37:23

Echa Tumpa Iyoambae Israel pegua kotɨ ko rere mbae jasɨ katu vae, ikotɨ ko neñeeäta jare ndepɨayemboete.

ISAÍAS 42:5

Körai jei yandeYa Tumpa, ara Iyapoa, jae oyapo ara; jae oyapo ɨvɨ jare mbaembae oñemuña pɨpe vae; jae omee ɨvɨ ipo reta pe ipɨ̈túe vaerä, jare tekove, ɨvɨ iárambo yogüɨreko vae reta pe vae:

JEREMÍAS 10:23

CheYa, aikuaa ko metei ave mbaetɨ jekove jae imbaei, mbaetɨ mbaepuere güɨnoi tenonde kotɨ oikota oiko vae re.

JEREMÍAS 48:26

Pembosavaɨpo Moab, echa oyembopɨapochɨ yandeYa kotɨ. Jayave Moab oyapayereta igüëegüe pe, jare opaete opukata jese vae.

JEREMÍAS 50:28

Babilonia güi otekuaraigüe reta yogüeru oväe Sión pe vae imiari, kërai yandeYa Tumpa oiporarauka Babilonia pe, itupao pe oyapogüe re.

JEREMÍAS 50:29

¡Pemboatɨ opaete uvɨ oikatu ojäa vae reta, oporepeña reta vaerä Babilonia re! ¡Peyembojeyupa opaetei tëta guasu ikupe rupi, agüɨye etei vaerä metei ave oasayepe! ¡Peiporarauka chupe reta, jeko reta oï rupi! ¡Peyapo chupe reta, jae reta oporoapo rami! Echa jae reta ipɨapochɨ chekotɨ, che Tumpa, iYoambae Israel pegua kotɨ.

EZEQUIEL 28:17

Nepöra yae jeko pegua ndepɨayemboete, ndeyemboetea yae jeko pegua ndearakuaa rerokomegua. Che roitɨ ɨvɨ re, romomaraiukata mburuvicha guasu reta jóvai.

EZEQUIEL 28:2

“Nde kuimbae, ere mburuvicha guasu Tiro pegua pe: CheYa Tumpa jei körai: Nde ndepɨayemboete yae, rere ndeyeupe: ‘Che ko jae metei tumpa aguapɨ aï Tumpa iguapɨa pe ɨguasu mbɨte pe vae.’ Ërei nde jaeä ko Tumpa, nde ko metei kuimbaeño. Ndepɨa pe reyemongeta ndearakuaa katu metei tumpa rami.

EZEQUIEL 28:5

Ndepoki yae remaemee vae rupi jeta remoïru ndembaeyekou; jare ndembaeyekou reta jeko pegua ndepɨayemboete.

EZEQUIEL 31:10

Jáeramo, yandeYa Tumpa jei körai: Jókuae ɨvɨra ɨvate yae oyeapo vae, oupitɨ amapɨtu vae jeko pegua, ipɨa pe oyembotuicha yae.

DANIEL 11:12

Jare oporomoamɨri jare jeta yae oporoyuka jeko pegua oyembotuichata, ërei imbaepuere ngaraa ɨma oiko.

DANIEL 4:37

Añave che Nabucodonosor, amboete jare ambotuicha Mburuvicha guasu ara pegua, echa opaete jembiapo reta añete vae ko, jare jemimbota reta jupi vae ko; jare jae ipuere omomichi ipɨayemboete oiko vae.”

DANIEL 8:11

jare jókuae yasɨtata reta Iyapoa pe ave oyembotuicha; oyopia mɨmba reta oyeyuka oñemee Tumpa pe ara ñavo vae jare omboeteä o mbaemboetea.

HABACUC 2:4

Eikuatía, mase, jeko kavimbae reta oyembotuicha, ërei jupi vae reta oikoveta jupi rupi yogüɨreko vae re.”

Hechos 17:25

Jae mbaetɨ etei oeka ɨvɨ pegua reta omee vaerä mbae chupe. Echa jae ko omee yandeve tekove jare ñanepɨ̈túe, jare opaete mbaembae.

1 Corintios 8:4

Jayave soo oñemee tumpa-raanga reta pe vae, yaikuaa ko tumpa-raanga mbaeä etei kuae ɨvɨ pe. Jare yaikuaa Tumpa meteiño ko.

1 Timoteo 3:6

Jare agüɨye toyeparavo oporogüɨrovia ramo vae, echa güɨramoi oyembotuichata, jare oa aña guasu oa vae pe.

Hebreos 4:13

Oyapo mbaembae Tumpa oyapo vae mbaetɨ ipuere oñemi chugüi. Echa opaetei ko mbaembae oyekuaa oï jókuae ñanejäata vae jóvai.

Apocalipsis 9:20

Jare opaete ɨvɨ pegua reta mbaetɨ omano kuae mbaembae rupi vae, mbaetɨ oyepoepɨ jembiapo reta ikavimbae güi, mbaetɨ vi oeya mbaemboete aña reta pegua jare tumpa-raanga oro pegua, korepoti pegua, jiero iyu vae pegua, ita pegua jare ɨvɨra pegua; yepe tëi jókuae tumpa-raanga reta mbaetɨ omae, mbaetɨ oendu ani oguata;

JUECES 16:23

Jayave filisteo reta juvicha reta oyomboatɨ omee vaerä mɨmba oyeyukagüe itumpa Dagón pe, jare otairari reta: “Ñanetumpa ko omee yandepo pe yanderovaicho Sansón.”

1 SAMUEL 17:26

Jayave David oparandu jae ndive ñogüɨnoi vae reta pe: —¿Mbae pa oñemeeta jókuae kuimbae omoamɨri kuae filisteo vae pe, jare omokañɨ kuae ñeeasɨ katu Israel iñemuña reta güi vae? Echa, ¿mbae nunga mbatee pa kuae filisteo itumpa-raanga pota vae oyovaicho vaerä Tumpa oikove vae isundaro reta re?

1 SAMUEL 17:36

Yaguapope ani oso viña pa ayuka; vɨtei pa kuae filisteo itumpa-raanga pota vae, echa iñeeasɨ katu Tumpa oikove vae isundaro reta kotɨ.