DANIEL 5:11 - Biblia Guarani Tumpa Iñee

¹¹ Kuae ndeporookuaía pe oime metei kuimbae Tumpa Iyoambae iespíritu oï jese vae; jare neñemuñagüe oikose yave, oñeväe jese arakuaa katu, tumpa reta iyarakuaa katu rami; neñemuñagüe mburuvicha guasu Nabucodonosor oñono opaete ichoropa vae reta, yasɨtata re oyemboe vae reta, Caldeaɨgua reta, jare maratuta vae imombeúa reta juvicharä vae,

DANIEL 5:11 ပူးပေါင်းရင်းမြစ်များ

GÉNESIS 41:38

Jayave Faraón jei iyɨvɨrigua reta pe: —¿Kia pe ye pa ñaväeta kuae kuimbae rami vae, Tumpa iespíritu oï jese vae?

2 SAMUEL 14:17

Jayave kuae nderembiokuai oäro mburuvicha guasu jei vae ikavi yaeta, echa nde metei araɨgua rami ko, reikuaa mbae ko ikavi vae jare mbae ko ikavimbae vae. ¡YandeYa Tumpa toï nde ndive!

EZEQUIEL 28:3

¿Ndearakuaa katu yae pa Daniel güi? ¿Mbaetɨ etei pa mbae yavai vae oñemi ndegüi?

EZEQUIEL 28:4

Ndearakuaa rupi jare ndepoki rupi remboatɨ jeta mbaeyekou, jare renoi jeta oro jare korepoti ndembaembae reñovatúa pe.

DANIEL 1:4

kunumi reta jete kavi vae, kunumi kavi, opaete arakuaa reta re oyemboe vae, opaete yemboe reta pe iyarakuaa katu vae, ikavi yae oyeokuai reta vaerä mburuvicha guasu jo pe vae. Jare oyókuai vi omboe vaerä Caldeaɨgua reta iñee jare iyemboe reta re.

DANIEL 2:11

Echa kuae nde mburuvicha guasu reparandu vae yavai ko, jare ngaraa kia ipuere omombeu ndeve; jaeño tumpa reta ipuereta; ¡ërei jae reta mbaetɨ ko yogüɨreko kuimbae reta ipɨte rupi!

DANIEL 2:22

Jae oechauka mbae yavai yae vae jare oyekuaambae vae; jae oikuaa mbae oime oï pɨtumimbi pe vae, echa jae ko oikuaa opaete mbaembae.

DANIEL 4:18

Che, mburuvicha guasu Nabucodonosor, aecha kuae mbaɨu. Nde Beltsasar eikuaauka cheve mbae ko oipota jei vae, echa opaete cheporookuaía pe yarakuaa katu vae reta mbaetɨ ipuere oikuaauka cheve mbae ko oipota jei chepaɨu vae; ërei nde ndepuere ko, echa Tumpa Iyoambae iespíritu oï nderé.

DANIEL 4:5

Ërei metei pɨ̈tu cherupa pe aï yave apaɨu, jare chemongɨɨye yae; chemboyemongeta jókuae chepaɨu jare chembopɨatɨtɨ yae.

DANIEL 4:6

Jáeramo aekauka yogüeru vaerä cheróvai yarakuaa katu vae opaete Babilonia pegua reta, oikuaauka reta vaerä cheve mbae ko oipota jei chepaɨu vae.

DANIEL 5:14

Che aendu nderegua, kërai oime oï nderé Tumpa Iyoambae iespíritu, jare oñeväe nderé arakuaa katu tuicha yae vae.

DANIEL 5:7

Jayave mburuvicha guasu täta osapúkai oyereru vaerä ichoropa vae reta, Caldeaɨgua reta, maratuta vae imombeúa reta; jare jei yarakuaa katu vae reta Babilonia pegua pe: —Kia nunga vae omongeta yave kuae oyekuatía oï vae, jare oikuaauka cheve mbae ko oipota jei vae yave, oyemondeta temimonde pɨ̈taasɨ vae mburuvicha pegua pe, jare metei mboɨ oro pegua oñonota iyayu re, jare oïta mboapɨa mburuvicha guasurä mborookuaía pe.

Hechos 12:22

Jare jae reta osapúkai reve jei: “¡Tumpa iñee ko, kuimbae iñeeä ko kuae!”

Hechos 14:11

Jayave yatɨ vae reta oecha yave Pablo oyapo vae, jei reta Licaonia pegua ñee pe iñeeäta reve: —¡Tumpa reta ogüeyɨ yandepɨte pe kuimbae rami!

Hechos 16:16

Jare metei ara rojo ye yave yerurea pe, orerövaiti metei kuñatai aña imbaepuere rupi mbae maratuta vae re oikuaa vae. Kuae kuñatai iya reta omongana jeta korepoti jese.

Apocalipsis 3:9

Mase, aruta nderóvai oyetavatɨka vaerä Satanás imbae reta, jókuae judío jei iyeupe vae reta, ërei mbaetɨ ko, iyapu reta ko. Toikuaa reta che poaɨu ko vae.