DANIEL 4:22 - Biblia Guarani Tumpa Iñee

²² jókuae ɨvɨra reecha vae, nde etei ko mburuvicha guasu, rekuakuaa jare tuicha yae reyeapo, echa okuakuaa ndembaepuere jare ojo oya ara re, jare ndembaepuere ojo oväe opaete ɨvɨ jembeɨ kotɨ.

DANIEL 4:22 ပူးပေါင်းရင်းမြစ်များ

GÉNESIS 11:4

Jayave jei reta: “Yayapo metei tëta guasu jare ñamopüa metei o ɨvate yeyé vae, ojo ara re oya vae; ñanerërakua vaerä güɨramoi opa yave ñañemoai moai ɨvɨ iárambo.”

GÉNESIS 28:12

Jare opaɨu: Ipaɨu pe oecha metei yeupika ɨvɨ güi ojoi ara re oya vae; jare Tumpa iaraɨgua reta jeta oyeupi jare jekuae ogüeyɨ reta jokoropi.

2 SAMUEL 12:7

Jayave Natán jei David pe: —¡Nde ko jókuae kuimbae! Körai jei yandeYa Israel iTumpa: “Che ko roparavo Israel iñemuña reta juvicha guasurä, jare roepɨ Saúl ipo güi;

2 CRÓNICAS 28:9

Jayave rupi oiko joko pe yandeYa iñeemombeúa Obed jee vae, jae oë sundaro reta japerä pe, oike retata ma Samaria pe yave, jei chupe reta: —YandeYa, peñemuñagüe reta iTumpa iyarasɨ Judá pegua reta kotɨ, jókuae jeko pegua omee pepo pe. Ërei pe reta peyukaasɨ katu pearasɨ yae reve.

SALMOS 108:4

Echa, ndeporoparareko tuicha yae ko ara güi. ¡Neñee añetete vae, ojoi ko oya ara re!

SALMOS 36:5

CheYa, ndeporoparareko oupitɨ ara, jare ndembaejupi oupitɨ amapɨtu.

JEREMÍAS 27:5

Che chembaepuere pe ko ayapo ɨvɨ, kuimbae jare mɨmba reta ñogüɨnoi ɨvɨ iárambo vae, jare amee che aipota vae pe.

EZEQUIEL 17:3

Ere chupe reta: ‘YandeYa Tumpa jei körai: Metei güɨraké tuicha vae ou oväe Líbano pe; ipepo reta tuicha jare ipuku yae, jeta jaa jare oipotagüe ipïra; oipɨɨ ɨ̈vɨrare iyapokɨ,

DANIEL 2:21

Jae oipoepɨ ara reta jare año reta; jae oekɨ jare jae oñono mburuvicha guasu reta, arakuaa omee yarakuaa vae reta pe arakuaa katu omee yarakuaa katu vae reta pe.

DANIEL 4:11

Okuakuaa kuae ɨvɨra, jare tuicha yae; jäka iyapɨte oupitɨ ara, jare oyekuaa mombɨrɨ opaete ɨvɨ jembeɨ kotɨ güi.

DANIEL 4:21

jäkagüe ipöra yae vae, jare ia jeta yae vae, güɨnoi tembíu opaete vae peguarä, igüɨ pe yogüɨreko mɨmba reta ñana rupigua, jare jäka re oyemboaitɨ güɨra reta,

DANIEL 4:29

Metei año oasa ma yave, mburuvicha guasu oguata oiko jo Babilonia pegua rupi yave,

DANIEL 4:36

Joko pe voi oñemee cheve akuera ye vaerä, jare mbaepuere anoi cheporookuaía re vae, jare yemboete tuicha vae, jare chetuicha yae vae ou ye cheve, jare cheɨvɨrigua mburuvicha reta jare chemboarakuaa vae reta yogüeru chereeka; jare aja ye mborookuaía pe, jare chetuicha yae ete tenonde yave aikose vae güi.

San Mateo 14:4

Echa tenonde yave Juan jei Herodes pe: “Mbaetɨ ko kavi rereko vaerä nderɨvɨ jembireko.”

Apocalipsis 18:5

echa iyoa oa ojo ara re, jare Tumpa oecha jókuae jeko ikavimbae.