DANIEL 4:19 - Biblia Guarani Tumpa Iñee

¹⁹ Jayave Daniel, Beltsasar pe ombojee reta vae, ipɨakañɨ yae opɨta metei ora seri rupi, jare yemongeta reta ou chupe vae ombopɨatɨtɨ yae. Jare mburuvicha guasu jei chupe: ‘Beltsasar agüɨye tandembopɨajopa kuae mbaɨu jare mbae ko oipota jei vae.’ Beltsasar jei: ‘¡Cheruvicha guasu, kuae repaɨu vae toiko nderovaicho reta kotɨ, jare mbae ko oipota jei vae, toyembopo ikavimbae oipota ndeve vae reta kotɨ!

DANIEL 4:19 ပူးပေါင်းရင်းမြစ်များ

GÉNESIS 31:35

Jare Raquel jei tu pe: —Cheru, agüɨye ndepochɨ mbaetɨ apüa vae re, echa yasɨ ñavo roiporara vae aiporara aï. Labán oeka tëi itumpa reta, jare mbaetɨ ipuere oväe chupe,

GÉNESIS 32:18

nde rereta chupe: “Jae ko nderembiokuai Jacob ombou mbota ndeveguarä vae, cheya Esaú, jare jae oime ou oreraɨkue.”

GÉNESIS 40:12

Jayave José jei chupe: —Kuae ko jae ndepaɨu oipota jei vae: Jókuae mboapɨ uva jäka reta mboapɨ ara ko,

1 REYES 18:7

Jare tape Abdías ojoa rupi, oñoväe Elías ndive, jare oikuaa yave oyetavatɨka itindɨasɨ, jare jei: —¡Cheru Elías yepe nde!

ÉXODO 32:32

Añave romoñera, neɨ̈ro chupe reta iyoa re, jare mbaetɨ yave neɨ̈ro, ¡emboai cheree tembikuatía pe reikuatía vae güi!

JEREMÍAS 29:7

Peiko kavi jókuae tëta guasu pogüɨrajauka pɨpea pe, jare peyerure cheve jese, echa ikavi oiko yave, pe reta peiko kavita vi.

JEREMÍAS 4:19

¡Chepɨa jasɨ chepɨatɨtɨ güi! ¡Chepɨa ikaviä yae! ¡Mbaetɨ chepuere chekïrii! Aendu mimbɨguasu iñee, jare täsémbai sapúkai ñeraro pegua vae.

DANIEL 1:7

Kuae reta, eunuco reta juvicha ombojee körai: Daniel ombojee Beltsasar, Ananías ombojee Sadrac, Misael ombojee Mesac jare Azarías ombojee Abed-nego.

DANIEL 2:26

Jare mburuvicha guasu jei Daniel pe, jókuae Beltsasar pe ombojee vae pe: —¿Ndepuere pa nde reikuaauka cheve chepaɨu, jare mbae ko oipota jei vae?

DANIEL 2:37

Mburuvicha guasu, nde jae ko mburuvicha guasu reta juvicha guasu; echa Tumpa ara pe oï vae ko omee ndeve mborookuaía, mbaepuere, mɨ̈rata jare ndemboetea yae vaerä.

DANIEL 4:24

Cheruvicha guasu, kuae jae oipota jei vae; Tuichagüe yae ete vae ko jei kuae oyeapo vaerä ndeve mburuvicha guasu:

DANIEL 5:12

oñeväe ramo jese espíritu tuicha yae vae jare arakuaa katu mbaɨu oikuaauka vaerä mbae ko oipota jei vae, yemongeta reta jare mbae yavai yae vae; jae ko Daniel, mburuvicha guasu ombojee Beltsasar pe vae. Eenɨi añave Daniel, jare jae oikuaaukata ndeve mbae ko oipota jei kuae reecha vae.

DANIEL 5:18

Tumpa Tuichagüe yae ete vae, omee neñemuñagüe Nabucodonosor pe mborookuaía, yembotuicha jare iyemboetea.

DANIEL 5:19

Jare yembotuicha omee chupe vae rupi, opaete vae tëta reta, jare tëtaguasu reta jare ïru ñee pe imiari vae reta orɨrɨi jare okɨɨye chugüi. Jae oipota oyuka vae oyuka, jare mbaetɨ oipota oyuka vae mbaetɨ oyuka, jare oipota ombotuicha vae ombotuicha ani oipota omomichi vae omomichi.

DANIEL 7:15

Che Daniel, ayandu akɨɨye yae; jare chemboyemongeta yae opaete jókuae aechagüe,

DANIEL 7:28

Körai opa imiari cheve. Jare che Daniel, cheyemongeta chembopɨaä yae jare cherova iyu yae; ërei mbaetɨ etei kia pe chemiari kuaekuae regua.”

DANIEL 8:27

Che, Daniel, ayandu chepɨtu yae aiko, mbovɨ ara rupi chembaerasɨ aiko. Ërei apüa ye yave, amboɨpɨ ye ayangareko mburuvicha guasu iparavɨkɨ re. Ërei che ayemongeta yae aiko jókuae aechagüe re, echa mbaetɨ chepuere aikuaa.

HABACUC 3:10

Ɨvɨtɨ reta okana ndereecha yave, ara güi oa ama tuichagüe, ɨguasu tɨpɨ vae jɨapu ɨaparúa reta opüa ramboeve.

1 SAMUEL 1:15

Jare Ana jei chupe: —Mbaetɨ ko jökorai cheru. Che jae ko metei kuña oiporara yae oiko vae; mbaetɨ jau vino ani mbae oporombosavaɨpo vae ave, yandeYa jóvai ko aru amboyekuaa chepɨatɨtɨ.

1 SAMUEL 24:8

Kuae jaɨkue rupi David opüa vi jare oë ɨvɨkuarusu güi jare osapúkai omondo iñee Saúl pe, jei reve: —¡Cheruvicha guasu! ¡Cheruvicha guasu! Jare Saúl oyerova omae jaɨkue kotɨ yave, oecha David oyetavatɨka jare itindɨasɨ ɨvɨ re, jare omboete.

1 SAMUEL 26:15

Jare David jei Abner pe: —¿Jaeä pa nde metei kuimbae mbaetɨ kia ipuere ndemboyovake Israel pe vae? ¿Maratuagua pa mbaetɨ reyangareko nderuvicha guasu re? Echa oike kia oyuka vaerä nderuvicha guasu.

1 SAMUEL 3:17

Jare Elí jei: —¿Mbae pa jei yandeYa ndeve? Romoñera agüɨye vaerä reikuaku chegüi. ¡Tumpa täta toiporarauka ndeve, reikuaku yave chegüi opaete mbaembae jei ndeve vae!