DANIEL 4:18 - Biblia Guarani Tumpa Iñee

¹⁸ Che, mburuvicha guasu Nabucodonosor, aecha kuae mbaɨu. Nde Beltsasar eikuaauka cheve mbae ko oipota jei vae, echa opaete cheporookuaía pe yarakuaa katu vae reta mbaetɨ ipuere oikuaauka cheve mbae ko oipota jei chepaɨu vae; ërei nde ndepuere ko, echa Tumpa Iyoambae iespíritu oï nderé.

DANIEL 4:18 ပူးပေါင်းရင်းမြစ်များ

GÉNESIS 40:12

Jayave José jei chupe: —Kuae ko jae ndepaɨu oipota jei vae: Jókuae mboapɨ uva jäka reta mboapɨ ara ko,

GÉNESIS 41:15

Jare Faraón jei José pe: —Che apaɨu, ërei mbaetɨ kia ipuere omombeu cheve mbae ra oipota jei chepaɨu vae; ërei aendu nderegua, kërai reendu yave mbaɨu, ndepuere reikuaa jare remombeu mbae ko oipota jei vae.

GÉNESIS 41:8

Jare pɨareve pe ndeimbove yave Faraón ipɨakaviä yae, jare omondo oenɨiuka opaete ichoropa vae Egipto pegua, jare iyarakuaa katu vae reta, chupe oyeokuai vae reta; jayave omombeu chupe reta ipaɨu, ërei mbaetɨ kia ipuere oikuaauka chupe mbae ra Faraón ipaɨu oipota jei vae.

ISAÍAS 19:3

Amombokereta, arokomeguata iyemongeta chugüi. Jare oparanduta itumpa-raanga reta pe, jare imbaekuaa vae reta pe, omano ma vae jekovegüe reta pe, jare mbae maratuta vae imombeúa reta pe.

DANIEL 1:20

Opaete yemboe arakuaa pegua re mburuvicha guasu oparandu chupe reta vae pe iyarakuaa katu yae reta, oyapɨraa ye payandepo pe opaete ichoropa vae reta jare yasɨ pɨau re jare yasɨtata re güɨrovia vae reta, opaete iporookuaía pe yogüɨreko vae reta.

DANIEL 2:38

Jare oipota rupi oime ñogüɨnoi kuimbae reta vae, mɨmba reta ñana rupigua, güɨra reta, jae ko omee ndepo pe, jare omee ndeve opaete vae re renoi vaerä mbaepuere; nde ko jae jókuae kuimbae iä rami vae iñäka oro oyeambae vae.

DANIEL 2:7

Jare jei reta ye chupe mokoía ma: —Oreruvicha guasu, emombeu ndepaɨu ore nderembiokuai reta pe, jare roikuaaukata ndeve mbae ko oipota jei vae.

DANIEL 5:15

Jare añave oyereru tëi cheróvai yarakuaa katu vae reta, yasɨtata re oyemboe vae reta, omongeta reta vaerä cheve kuae oyekuatiagüe, jare oikuaauka reta vaerä cheve mbae ko oipota jei vae; ërei mbaetɨ ipuere oikuaauka reta cheve.

DANIEL 5:8

Jayave opaete yarakuaa katu vae reta, mburuvicha guasu pe oyeokuai vae reta güɨroike jóvai, ërei mbaetɨ ipuere reta omongeta oyekuatía oï vae jare mbaetɨ vi ipuere oikuaauka mburuvicha guasu pe mbae ko oipota jei vae.

AMÓS 3:7

Echa ngaraa etei yandeYa Tumpa oyapo mbaesusere, omombeumbae reve jembiokuai ñeemombeúa reta pe.