DANIEL 4:1 - Biblia Guarani Tumpa Iñee

¹ “Che Nabucodonosor, mburuvicha guasu opaete tëta re, tëtaguasu reta re, jare opaete ïru ñee pe imiari vae reta, ɨvɨ pe yogüɨreko vae reta re vae jae: Mbɨakatu toñemoïru peve.

DANIEL 4:1 ပူးပေါင်းရင်းမြစ်များ

1 CRÓNICAS 12:18

Jayave Tumpa iEspíritu ou Amasai re, jae ko treinta vae reta itenondegua, jare jei: “¡Mbɨakatu toime ndeve David, Isaí taɨ! ¡Mbɨakatu toiko nde ndive! ¡Mbɨakatu toime ndeve jare ndemborɨ vae reta pe, echa neTumpa ndemborɨ!” David omboresive jare oñono reta isundaro ruvicha reta ipɨte pe.

ESDRAS 4:17

Jayave mburuvicha guasu Artajerjes omboyevɨ jókuae tupapire pe jei vae körai: “Mburuvicha Rehum jare ombaekuatía vae Simsai, jare opaete peïru reta Samaria pe peiko vae, jare ɨ̈aka Éufrates jovaicho pe peiko vae: ‘Pepɨakatuño.’

ESDRAS 5:7

Jókuae tupapire pe jei körai: “Mburuvicha guasu Darío, mbɨakatu toï nde ndive,

ESTER 3:12

Jayave oenɨi mburuvicha guasu pe ombaekuatía vae reta, tenondegua yasɨ ara trecea pe, jare oikuatía reta Amán oyókuai rami, ɨvɨ re oyangareko mburuvicha guasu pe vae reta pe, sundaro ruvicha reta ñogüɨnoi ɨvɨ ñavo rupi vae pe, jare tëta ruvicha ñavo pe; tëta ñavo imbaekuatía ae rupi jare iñee ae pe; mburuvicha guasu Asuero jee re oyekuatía, jare ipoäka-vera omboyeɨ jese oñemoañete vaerä.

ESTER 8:9

Jayave oenɨiuka mburuvicha guasu pe ombaekuatía vae reta, veintitré ara mboapɨa yasɨ pe, jae ko Siván, jare oyekuatía Judáɨgua reta pe Mardoqueo oporookuai rami, ɨvɨ iyangarekoa reta pe, sundaro ruvicha reta pe, mburuvicha tenondegua tëta ñavo ñogüɨnoia pe, tëtaguasu India güive tëtaguasu Etiopía kotɨ, ciento veintisiete ɨvɨ oyemboyao vae reta; tëta ñavo imbaekuatía ae pe, jare iñee ae pe, jökoraiño vi Judáɨgua reta pe imbaekuatía ae pe jare iñee ae pe.

DANIEL 3:29

Jáeramo amee mborookuai, opaete tëta reta, tëtaguasu reta, ïru ñee pe imiari vae reta iñee nguru yave Sadrac, Mesac jare Abed-nego iTumpa kotɨ, toyembojaɨ jaɨ jare jo topɨta ɨtɨapɨrä; echa mbaetɨ ïru tumpa ipuere oporoepɨ kuae rami vae.”

DANIEL 3:4

Jare ñee imombeúa osapúkai reve jei körai: “Opaete peveguarä oï kuae mborookuai, tëta reta, tëta guasu reta, jare ïru ñee pe imiari vae reta.

DANIEL 6:25

Jayave mburuvicha guasu Darío oikuatía opaete vae tëta reta pe jare tëtaguasu reta pe jare ïru ñee pe imiari vae reta opaete ɨvɨ rupi ñogüɨnoi vae reta pe; oikuatía körai: “Mbɨakatu toñemoïru avei peve.

DANIEL 6:27

Jae oporogüɨroasayepe jare oporoepɨ, jae oyapo mɨakañɨ reta ara re jare ɨvɨ pe. Jae ko oepɨ Daniel yaguapope reta iyuru güi.”

DANIEL 7:14

Jare oñemee chupe mbaepuere, yemboetea jare mborookuaía, jare opaete ketɨgua tëtaguasu reta jare ïru ñee pe imiari vae reta oyeokuai chupe. Imbaepuere jekuae avei ko, jare iporookuaía ngaraai oyemboai.

ZACARÍAS 8:23

YandeYa Imbaepuere yae ete vae jei körai: Jókuae ara payandepo kuimbae reta ïru tëtaguasu pegua reta oipɨɨ retata metei judío jemimonde, jei reve: ‘¡Torojo perupíe, echa roendu Tumpa oiko pe ndive!’ ”

Hechos 2:6

Jare jókuae jɨapu vae oyeendu yave, oyemboatɨ jeta vae; jare opaete vae ipɨakañɨ, echa oporogüɨrovia vae reta imiari ñogüɨnoi metei ñavo yatɨ vae reta iñee ae pe.

Romanos 1:7

Aikuatía kuae tupapire opaete Roma pe peiko vae pe. Tumpa peraɨu jare peñono tee iyeupeguarä vae. YandeRu Tumpa jare yandeYa Jesucristo ipɨakavi jare ipɨakatu toï pe ndive.

Efesios 1:2

YandeRu Tumpa jare yandeYa Jesucristo ipɨakavi jare ipɨakatu toï pe ndive.

1 Timoteo 1:2

Aikuatía kuae tupapire ndeve Timoteo, cheraɨ añetete vae mborogüɨrovia rupi. YandeRu Tumpa jare yandeYa Jesucristo ipɨakavi jare iporoparareko jare ipɨakatu toï nde ndive.

1 Pedro 1:2

yandeRu Tumpa peparavo, ndei ɨvɨ oyeapo mbove oikuaa voi pe reta peyeapota ko taɨ retarä. Espíritu Santo peñono tee Tumpa peguarä, peñeereendu katu vaerä jare peyeyoe vaerä Jesucristo jugüɨ pe. Tumpa ipɨakavi jare ipɨakatu toï jeta pe reta ndive.