DANIEL 3:15 - Biblia Guarani Tumpa Iñee

¹⁵ Añave, peendu oñemoñee mimbɨ vecha kuimbae-räti, jare angúa ipu, arpa, ngitara, zampoña, jare opaete temimbɨ tairari pegua yave, ¿peyetavatɨkata pa pemboete mbae iä amopüaukagüe? Echa mbaetɨ yave pemboete, jupiveiño peyemomboukata metei horno jendɨvuku oï vae japɨpe; ¿jare kia nunga tumpa pa ipuereta pereepɨ chepo güi?

DANIEL 3:15 ပူးပေါင်းရင်းမြစ်များ

2 REYES 18:35

¿Oime pa mbae nunga tumpa reta opaete kuae ɨvɨ pegua oepɨ iɨvɨ chembaepuere güi vae? ¿Maera pa peyemongeta peYa Tumpa ipuere oepɨ chegüi Jerusalén?”

ÉXODO 32:32

Añave romoñera, neɨ̈ro chupe reta iyoa re, jare mbaetɨ yave neɨ̈ro, ¡emboai cheree tembikuatía pe reikuatía vae güi!

ÉXODO 5:2

Ërei Faraón jei: —¿Kia pa jókuae “peYa”, ayeapɨsaka vaerä iñee re jare amaeño vaerä yogüɨraja Israel iñemuña reta? Che mbaetɨ ko aikuaa peYa, ngaraa vi amaeño yogüɨraja Israel iñemuña reta.

ISAÍAS 37:23

Echa Tumpa Iyoambae Israel pegua kotɨ ko rere mbae jasɨ katu vae, ikotɨ ko neñeeäta jare ndepɨayemboete.

DANIEL 2:47

Jare mburuvicha guasu jei Daniel pe: —Añetete yepe peTumpa güɨnoi mbaepuere tumpa reta güi, jare imbaepuere yae mburuvicha guasu reta güi, jare jae oikuaauka yaikuaa rapeä vae, echa ndepuere reikuaauka cheve kuae aikuaa rapeä vae.

DANIEL 2:9

Mbaetɨ yave peikuaauka cheve chepaɨu, oime meteiño yemongeta oï pekotɨ. Echa peñomomiari päve peï peapu vaerä jare pere vaerä cheve jupimbae vae, pemboasauka vaerä ara reta. Pemombeu cheve chepaɨu, jökorai aikuaata pepuere ko peikuaauka cheve vae.

DANIEL 3:17

Oreruvicha guasu, mase, oreTumpa royeokuai chupe vae ipuere ko orereepɨ horno jendɨvuku oï vae güi; jare ndepo güi ave orereepɨta ko.

DANIEL 6:16

Jayave mburuvicha guasu omondo güeruruka Daniel oitɨ reta vaerä yaguapope reta jɨru pe yave, mburuvicha guasu jei Daniel pe: —¡NeTumpa, jókuae reyeokuai avei chupe vae tandereepɨ!

DANIEL 6:20

Jare oya ɨvɨkua re yave osapúkai, ipɨatɨtɨ reve oenɨi Daniel, jei: —Daniel, Tumpa oikove vae jembiokuai, neTumpa reyeokuai avei chupe vae ¿ndereepɨ pa yaguapope reta güi?

San Mateo 10:19

Ërei jae reta pemee yave, agüɨye peyemoambeko mbae ra ani kërai ra pereta mburuvicha reta pe vae re. Echa pemiarita yave oñemeeta peve mbae pere vaerä.

San Mateo 27:43

Oyeko Tumpa re; toepɨ añave oaɨu yave. Echa jae jei: “Che ko jae Tumpa Taɨ.”

San Marcos 13:11

Jare ïru vae reta pereraja yave pemee vaerä mburuvicha reta pe, agüɨye peyemoambeko ani agüɨye ave vi peyemongeta mbae pereta vae re, Tumpa ko oikuaaukata peve mbae pereta vae. Echa Espíritu Santo ko pemborɨta pemiari vaerä, pe retaiñoä ko pemiarita.

San Lucas 12:11

Jare ïru vae reta pereraja yave pemee vaerä judío reta itupao reta pe jare mburuvicha reta pe jare ïru vae reta mbaepuere güɨnoi vae pe, agüɨye peyemoambeko mbae ra ani kërai ra pereta chupe reta vae re.

San Lucas 13:9

Javoi ia yave, ikavi ko. Ërei mbaetɨ ia yave, eyasɨauka.’ ”

Hechos 4:19

Ërei Pedro jare Juan jei chupe reta: —Pemae kavi pe reta. ¿Jupi ra Tumpa jóvai royapo vaerä peporookuai Tumpa iporookuai güi?

Hechos 5:29

Jayave Pedro jare ïru temimondo reta jei chupe reta: —Royapo tai ko Tumpa iporookuai, kuimbae reta iporookuai güi.

Hechos 6:15

Jayave opaete joko pe mburuvicha judío reta oguapɨ ñogüɨnoi vae omae ngatu Esteban re, jare oecha jova araɨgua jovaecha chupe reta.