DANIEL 2:9 - Biblia Guarani Tumpa Iñee

⁹ Mbaetɨ yave peikuaauka cheve chepaɨu, oime meteiño yemongeta oï pekotɨ. Echa peñomomiari päve peï peapu vaerä jare pere vaerä cheve jupimbae vae, pemboasauka vaerä ara reta. Pemombeu cheve chepaɨu, jökorai aikuaata pepuere ko peikuaauka cheve vae.

DANIEL 2:9 ပူးပေါင်းရင်းမြစ်များ

1 REYES 22:22

jare jókuae espíritu jei, jae omee vaerä iyapu opaete ñeemombeúa reta mburuvicha guasu pe. Jayave yandeYa jei, jókuae rupi oyapota vae, jare omee ojo oyapo.

1 REYES 22:6

Mburuvicha guasu Israel pegua omboatɨ opaete ñeemombeúa reta, oupitɨ cuatrociento rupi, jare oparandu chupe reta: —¿Jaekavi pa aporepeña vaerä tëta Ramot re ɨvɨ Galaad pe ani mbaetɨ pa? Jayave jae reta jei: —Eporepeña jese, echa yandeYa omeeta ndepo pe.

ESTER 4:11

“Opaete oyeokuai mburuvicha guasu pe vae, jare opaete ɨvɨ oyemboyao yaoa rupigua reta oikuaa ko meteiño mborookuai oï vae. Kërai oipotagüe kuimbae ani kuña oike yave mburuvicha guasu joka pe, omae vaerä jese oenɨiukambae reve vae yave omanota ko. Jaeño mburuvicha guasu güɨropövee ikotɨ popoka oro pegua yave oasayepeta; jare che mbaetɨ etei chereenɨi aecha vaerä mburuvicha guasu treinta ara rupi ma.”

PROVERBIOS 12:19

Añetete rupi imiari vae, oiko aveita, ërei yapu yae vae, ngaraa etei ɨma oiko.

ISAÍAS 41:23

pemombeu oreve mbaembae ko outa kuri vae, roikuaa vaerä añetete ko pe reta jae tumpa reta vae. Peechauka oreve ikavi vae ani ikavimbae vae yepe, oremiari vaerä jese jare orepɨakañɨ vaerä.

ISAÍAS 44:25

Mbaetɨ amaeño oyembopo vaerä maratuta vae imombeúa reta omombeu vae, amombokere susere oimeta vae imombeúa reta. Yarakuaa katu vae reta iñee amboyopɨndekua oyougüi, opaete iyarakuaa katu arokomegua chugüi reta.

EZEQUIEL 13:17

Nde kuimbae, añave emboeta kuña reta nerëtaɨgua iyeugüi aeño mbae omoërakua vae reta pe, emombeu maratuta vae ikotɨ reta.

EZEQUIEL 13:19

Pe reta metei poagua cebada re jare mbovɨ mbɨyape re chemboeteä chembae vae reta jóvai; peyuka kia mbaetɨta tëi omano vae, jare pemaeño oikove jókuae mbaetɨta tëi ma oiko vae. Jökorai pembotavɨ chembae vae reta oyeapɨsaka apu re vae.’

EZEQUIEL 13:6

Oecha reta añetembae, jare mbaekuaa rupi mbae maratuta vae re omoërakua vae reta ramiño ko. Jei reta: ‘Körai jei yandeYa.’ Ërei che mbaetɨ ko ayókuai reta. ¡Jare güɨrovia tëi iñee reta oyembopo vaerä!

DANIEL 2:16

Javoi Daniel ojo omoñera mburuvicha guasu pe, oäro vaerä, jare jae oikuaauka vaerä chupe mbae ko oipota jei ipaɨu vae.

DANIEL 2:21

Jae oipoepɨ ara reta jare año reta; jae oekɨ jare jae oñono mburuvicha guasu reta, arakuaa omee yarakuaa vae reta pe arakuaa katu omee yarakuaa katu vae reta pe.

DANIEL 2:8

Jare mburuvicha guasu jei ye chupe reta: —Añetete che aikuaa ko pe reta peyapo kuae, ara pembopuku vaeräño; echa peecha peï cheakañɨ ko chugüi vae.

DANIEL 3:15

Añave, peendu oñemoñee mimbɨ vecha kuimbae-räti, jare angúa ipu, arpa, ngitara, zampoña, jare opaete temimbɨ tairari pegua yave, ¿peyetavatɨkata pa pemboete mbae iä amopüaukagüe? Echa mbaetɨ yave pemboete, jupiveiño peyemomboukata metei horno jendɨvuku oï vae japɨpe; ¿jare kia nunga tumpa pa ipuereta pereepɨ chepo güi?

DANIEL 5:28

PERES: Ndeporookuaía oyemboyao ma, jare oñemee Media jare Persia pegua reta pe.

DANIEL 5:31

Jare Darío, Media pegua sesenta y dos año güɨnoi oguapɨ mburuvicha guasurä yave.

DANIEL 7:25

Jeita mbae ikavimbae Tumpa Tuichagüe yae ete vae kotɨ, jare Tumpa pe oñeñono tee vae reta pe oiporaraukata; oekata kërai oipoepɨ vaerä Tumpa iporookuai jare arete reta oyeapo Tumpa pe vae, jare Tumpa pe oñeñono tee vae reta ñogüɨnoita ipo pe mboapɨ año y medio rupi.

2 Corintios 2:17

Ore reta mbaetɨ Tumpa iñee re romongana, jeta ïru vae reta oyapo rami. Romoërakua ko jupi rupi Tumpa jóvai, jae oreokuai rami, Cristo re roï ramo.