DANIEL 2:48 - Biblia Guarani Tumpa Iñee

⁴⁸ Jayave mburuvicha guasu ombotuicha Daniel, omboeteuka yae, jare omee chupe jeta mbota tuichagüe, jare oñono mburuvicharä opaete tëta reta Babilonia pegua re, jare opaete Babilonia pegua yarakuaa katu vae reta juvicha tenondegua eterä.

DANIEL 2:48 ပူးပေါင်းရင်းမြစ်များ

2 SAMUEL 19:32

Barzilai indechi yae ma, güɨnoi ma ochenta año, jae omee jeta mbaembae mburuvicha guasu David pe, ojo oväe tëta Mahanaim pe yave, echa kuimbae oikokatu yae vae ko.

2 REYES 5:1

Mburuvicha guasu Siria pegua isundaro reta itenondegua ete ko Naamán, jae ko tuicha yae juvicha guasu jóvai vae, jare oaɨu yae, echa Naamán rupi yepe yandeYa güeru yeyora Siria peguarä. Kuae kuimbae yepe jëia yae, ërei ipire ókui imbaerasɨ.

JOB 1:3

Güɨnoi siete mil vecha, tres mil camello, quiniento yoayu güeye, jare quiniento mburika, jare jeta yeyé jembiokuai reta; jare jókuae kuimbae oikokatu yae ye opaete kuaraɨ oëa kotɨgua reta güi.

JEREMÍAS 5:5

Taja yarakuaa katu vae reta kotɨ tachemiari chupe reta. Echa jae reta oikuaa yandeYa jemimbota regua, iTumpa iporookuai reta. Ërei opaetei ma yepe oyembopɨapochɨ reta Tumpa kotɨ, ñäteɨ oyapo reta mborookuai jei vae.

DANIEL 2:6

Ërei peikuaauka cheve chepaɨu jare mbae ko oipota jei vae yave, peipɨɨta chegüi mbota reta jare jeta mbaembae jare mboromboete tuicha vae. Jayave peikuaauka cheve chepaɨu jare mbae ko oipota jei vae.

DANIEL 3:1

Mburuvicha guasu Nabucodonosor oyapouka metei mbae iä oro pegua vae, ɨvategüe güɨnoi treinta metro, jare jete ipɨgüe mboapɨ metro; omopüauka ɨvɨpe kavi Dura jee vae pe, ɨvɨ Babilonia pe.

DANIEL 3:12

Mburuvicha guasu, jókuae kuimbae judío reta, ndeɨvɨ iyangarekoarä reñono kuae Babilonia pe vae, jae reta ko: Sadrac, Mesac jare Abed-nego; kuae kuimbae reta mbaetɨ ndemboete; mbaetɨ omboete reta netumpa reta, mbaetɨ ave omboete reta mbae iä oro pegua remopüaukagüe.

DANIEL 3:30

Jayave mburuvicha guasu ombotuicha yae Sadrac, Mesac jare Abed-nego opaete ɨvɨ Babilonia pe.

DANIEL 4:6

Jáeramo aekauka yogüeru vaerä cheróvai yarakuaa katu vae opaete Babilonia pegua reta, oikuaauka reta vaerä cheve mbae ko oipota jei chepaɨu vae.

DANIEL 4:9

Beltsasar, ichoropa vae reta juvicha, aikuaa oime ko nderé Tumpa Iyoambae iespíritu, jare mbaetɨ etei metei ave yaikuaambae vae oñemi ndegüi, eikuaauka cheve chepaɨu pe aecha vae jare mbae ko oipota jei vae.

DANIEL 5:11

Kuae ndeporookuaía pe oime metei kuimbae Tumpa Iyoambae iespíritu oï jese vae; jare neñemuñagüe oikose yave, oñeväe jese arakuaa katu, tumpa reta iyarakuaa katu rami; neñemuñagüe mburuvicha guasu Nabucodonosor oñono opaete ichoropa vae reta, yasɨtata re oyemboe vae reta, Caldeaɨgua reta, jare maratuta vae imombeúa reta juvicharä vae,

DANIEL 5:16

Che aendu nderegua, kërai ndepuere reikuaauka oipotagüe mbae ko oipota jei vae, jare reñono kavi yemboavai reta. Añave ndepuere remongeta cheve kuae oyekuatiagüe jare reikuaauka mbae ko oipota jei vae yave, reyemondeukata temimonde pɨ̈taasɨ vae mburuvicha pegua pe, jare mboɨ oro pegua reñonota ndeayu re, jare reïta mboapɨa mburuvicha guasurä mborookuaía pe.

DANIEL 5:29

Jayave Belsasar omondo omboemimondeuka Daniel temimonde pɨ̈taasɨ vae mburuvicha pegua pe, jare oñonouka iyayu re mboɨ oro pegua, jare omoërakuauka jae ko mboapɨa mburuvicha guasu jókuae mborookuaía pe vae.

DANIEL 5:7

Jayave mburuvicha guasu täta osapúkai oyereru vaerä ichoropa vae reta, Caldeaɨgua reta, maratuta vae imombeúa reta; jare jei yarakuaa katu vae reta Babilonia pegua pe: —Kia nunga vae omongeta yave kuae oyekuatía oï vae, jare oikuaauka cheve mbae ko oipota jei vae yave, oyemondeta temimonde pɨ̈taasɨ vae mburuvicha pegua pe, jare metei mboɨ oro pegua oñonota iyayu re, jare oïta mboapɨa mburuvicha guasurä mborookuaía pe.

DANIEL 8:27

Che, Daniel, ayandu chepɨtu yae aiko, mbovɨ ara rupi chembaerasɨ aiko. Ërei apüa ye yave, amboɨpɨ ye ayangareko mburuvicha guasu iparavɨkɨ re. Ërei che ayemongeta yae aiko jókuae aechagüe re, echa mbaetɨ chepuere aikuaa.

NÚMEROS 24:11

¡Ekua nerëta kotɨ! Amombeu tëi ndeve rombopota vaerä jeta mbaembae pe, ërei Tumpa omboavai ndeve.

1 SAMUEL 17:25

Jare Israel iñemuña reta metei ñavo jei: “¿Peecha pa jókuae kuimbae oë tenonde vae? ¡Jae oë tenonde omboarasɨ vaerä Israel iñemuña reta! Oime kia omoamɨri yave, mburuvicha guasu omeeta mbaeyekou chupe jare omboikokatuta, jare omeeta tayɨ jembirekorä, ngaraa ma jëtara reta omboepɨ mburuvicha peguarä oyekovara vae.”

1 SAMUEL 2:8

Jae güɨnoe paravete vae mbaravete güi, jare jae güɨnoe paravete vae, ɨtɨ oyemomboa pe oyevɨka vae güi, jare omboguapɨ mburuvicha reta ndive omboguapɨ mburuvicha jenda re omboeteuka vaerä; echa yandeYa imbae ko opaete ɨvɨ iguapɨka, jare jese ko omboguapɨ kuae ɨvɨ.

1 SAMUEL 25:2

Oiko tëta Maón pe metei kuimbae güɨnoi mɨmba Carmel pe vae, jae ko oikokatu yae vae, güɨnoi tres mil vecha jare mil kavara, joko pe jae oñapi oï ivecha reta.