DANIEL 2:47 - Biblia Guarani Tumpa Iñee

⁴⁷ Jare mburuvicha guasu jei Daniel pe: —Añetete yepe peTumpa güɨnoi mbaepuere tumpa reta güi, jare imbaepuere yae mburuvicha guasu reta güi, jare jae oikuaauka yaikuaa rapeä vae, echa ndepuere reikuaauka cheve kuae aikuaa rapeä vae.

DANIEL 2:47 ပူးပေါင်းရင်းမြစ်များ

GÉNESIS 41:39

Faraón jei José pe: —Tumpa etei oikuaauka kuaekuae ndeve, echa mbaetɨ ye kia iyarakuaa katu jare oikatu nde rami vae.

2 REYES 5:15

Jare oyerova ye Tumpa iñeemombeúa kotɨ, jae jare opaete iguataïru reta ndive, jare oyemboɨ jae jóvai, jare jei: —¡Añave aikuaa, mbaetɨ yepe Tumpa opaete ɨvɨ pe, jaeño oime Israel pe! Romoñera reipɨɨ vaerä mbae nunga mbota yepe, kuae che arugüe güi.

JOB 12:19

Jae opɨ̈ro mburuvicha guasu reta güi iporookuai, jare opɨ̈ro sacerdote reta güi iparavɨkɨ.

SALMOS 136:2

Pemboete Tumpa, tumpa-raanga reta güi imbaepuere yae vae, echa iporoparareko jekuae avei vae ko.

SALMOS 136:3

Pemboete yandeYa, imbaepuere yae ete mbaepuere güɨnoi vae reta güi vae, echa iporoparareko jekuae avei vae ko.

SALMOS 72:11

¡Opaete mburuvicha guasu reta toyetavatɨka itindɨasɨ reve jóvai! ¡Opaete tëtaguasu reta toyeokuai chupe!

SALMOS 82:1

Tumpa oï imbaepuere vae reta ipɨte pe, omombeu vaerä ikotɨ reta mbae oikota vae:

SALMOS 96:4

echa yandeYa tuicha yae ko, jupi ko oyemboete yae vaerä; ¡ikɨɨyea yae ko opaete tumpa-raanga reta güi!

EZEQUIEL 26:7

Echa, che ndeYa Tumpa jae körai: Ɨvɨtuguasu kotɨ güi aruta mburuvicha guasu Nabucodonosor oporepeña Tiro re; jae ko mburuvicha guasu imbaepuere yae vae Babilonia pegua. Yogüeruta kavayu regua reta ikavayu re, jare käretou reta ñeraro pegua ndive, yogüeruta jeta yeyé.

DANIEL 11:36

Mburuvicha guasu ɨvɨtuguasu kotɨ oyapota opaete jae jeigüe. Oyererovia katuta imbaepuere yae ete ko opaete tumpa reta güi vae, jare jeita ikavimbae yae vae Tumpa kotɨ; opaete oë kavita chupe, Tumpa oiporarauka chupe regua, echa Tumpa jei oyapota vae, oyapota ko.

DANIEL 2:19

Jókuae pɨ̈tu Tumpa oechauka Daniel pe jókuae yaikuaambae vae, jese Daniel omboete Tumpa ara pe oï vae

DANIEL 2:22

Jae oechauka mbae yavai yae vae jare oyekuaambae vae; jae oikuaa mbae oime oï pɨtumimbi pe vae, echa jae ko oikuaa opaete mbaembae.

DANIEL 2:28

Ërei oime metei Tumpa ara pe, jae oechauka yaikuaambae vae, jae ko oikuaauka nde mburuvicha guasu Nabucodonosor pe mbaembae ko oasata kuri vae. Mase, kuae ko jae ndepaɨu, nderupa pe reï yave reecha vae reta.

DANIEL 2:29

Nde cheruvicha guasu, nderupa pe reï yave, ou ndeve jeta yemongeta reta reikuaa vaerä maratuta ra ko kuri vae; jare yaikuaambae vae oikuaa vae oikuaauka ndeve oikota kuri vae.

DANIEL 2:30

Jare Tumpa oechauka cheve kuae yaikuaambae vae, mbaetɨ ko chearakuaa yae ïru reta güi jeko pegua; jaeño ko nde mburuvicha guasu pe oikuaauka vaerä mbae ko oipota jei ndepaɨu vae, reikuaa vaerä reyemongeta yae jese vae.

DANIEL 2:37

Mburuvicha guasu, nde jae ko mburuvicha guasu reta juvicha guasu; echa Tumpa ara pe oï vae ko omee ndeve mborookuaía, mbaepuere, mɨ̈rata jare ndemboetea yae vaerä.

DANIEL 3:15

Añave, peendu oñemoñee mimbɨ vecha kuimbae-räti, jare angúa ipu, arpa, ngitara, zampoña, jare opaete temimbɨ tairari pegua yave, ¿peyetavatɨkata pa pemboete mbae iä amopüaukagüe? Echa mbaetɨ yave pemboete, jupiveiño peyemomboukata metei horno jendɨvuku oï vae japɨpe; ¿jare kia nunga tumpa pa ipuereta pereepɨ chepo güi?

DANIEL 3:28

Jayave Nabucodonosor jei: “Toyemboete Sadrac, Mesac jare Abed-nego iTumpa, echa ombou iaraɨgua oepɨ jembiokuai reta oyeko jese ramo, jare mbaetɨ oyapo reta cheporookuai, oñeñono reta oiporara vaerä, omboete äragüe ïru tumpa iTumpa güi.

DANIEL 3:29

Jáeramo amee mborookuai, opaete tëta reta, tëtaguasu reta, ïru ñee pe imiari vae reta iñee nguru yave Sadrac, Mesac jare Abed-nego iTumpa kotɨ, toyembojaɨ jaɨ jare jo topɨta ɨtɨapɨrä; echa mbaetɨ ïru tumpa ipuere oporoepɨ kuae rami vae.”

DANIEL 4:17

Kuae yemongeta oë ikotɨ vae araɨgua omaangareko vae reta güi ko, jókuae iyoambae reta güi, opaete oikove vae reta oikuaa vaerä Tuichagüe yae ete vae ko güɨnoi mbaepuere kuimbae reta iporookuaía re, echa jae omee kia nunga vae pe oipota omee yave, oñono mburuvicharä mbaeä etei kuimbae reta ipɨte pe vae.

DANIEL 4:25

Ndemombo retata kuimbae reta ipɨte güi, jare reikota mɨmba reta ñana rupigua ndive, jare ñana kaa rupigua reuta guaka reta rami, jare ɨsápɨi pe neäkɨta; jare jökorai reikota chiu año, reikuaa regua Tuichagüe yae ete vae ko güɨnoi mbaepuere kuimbae reta iporookuaía re, jare jae omee mborookuaía kia nunga vae pe oipota omee yave.

DANIEL 4:32

jare kuimbae reta ipɨte güi ndemombo retata, jare mɨmba reta ñana rupigua ndive reikota, jare guaka reta rami ndemongaru retata; jökorai chiu año reikota, reikuaa regua kërai Tuichagüe yae ete vae ko güɨnoi mbaepuere kuimbae reta iporookuaía re jare jae omee mborookuaía kia nunga vae pe oipota omee yave.”

DANIEL 5:11

Kuae ndeporookuaía pe oime metei kuimbae Tumpa Iyoambae iespíritu oï jese vae; jare neñemuñagüe oikose yave, oñeväe jese arakuaa katu, tumpa reta iyarakuaa katu rami; neñemuñagüe mburuvicha guasu Nabucodonosor oñono opaete ichoropa vae reta, yasɨtata re oyemboe vae reta, Caldeaɨgua reta, jare maratuta vae imombeúa reta juvicharä vae,

AMÓS 3:7

Echa ngaraa etei yandeYa Tumpa oyapo mbaesusere, omombeumbae reve jembiokuai ñeemombeúa reta pe.

1 Corintios 14:25

jökorai oyekuaata chupe opaete ipɨa pe oï vae, jare oyetavatɨkata omboete reve Tumpa, jare jeita kërai añetete Tumpa oiko pepɨte pe.

DEUTERONOMIO 10:17

echa yandeYa Tumpa güɨnoi mbaepuere tumpa-raanga reta güi, jare imbaepuere yae ete mbaepuere güɨnoi vae reta güi, Tumpa tuicha yae vae jare imbaepuere yae vae, mbaetɨ oporomboyoavɨ jare mbaetɨ oipɨɨ vɨari mbae oyemboepɨ vɨarigüe;

1 Timoteo 6:15

Echa jókuae ara oväe yave, Tumpa oechaukata ko yandeYa Jesucristo. Jaeño ko mbaepuere iYa, mburuvicha guasu reta Juvicha guasu, Imbaepuere yae ete mbaepuere güɨnoi vae reta güi vae,

JOSUÉ 22:22

—YandeYa Tumpa, opaete tumpa reta güi imbaepuere vae oikuaa mbaetɨ ko royapo orepɨapochɨ güi vae ani rosɨrɨ vaerä chugüi. Jae oikuaa jare toikuaauka peve opaete; agüɨye tiñɨ̈ro oreve mbaetɨ ko jaekavi royapo yave.

Apocalipsis 1:5

jare Jesucristo jupi rupi imiari vae, tenonde voi oikove ye omanogüe reta güi vae, mburuvicha guasu reta ɨvɨ pegua juvicha guasu güi. Yanderaɨu jare oyoe jugüɨ pe yandeyoa reta vae,

Apocalipsis 17:14

Kuae reta oñerarota Vecha kuimbae taɨrusu vae ndive; ërei Vecha kuimbae taɨrusu vae omoamɨri retata. Echa Vecha kuimbae taɨrusu vae jae ko Imbaepuere yae ete mbaepuere güɨnoi vae reta güi vae jare mburuvicha guasu reta Juvicha guasu, jare jae ndive ñogüɨnoi vae, oñeenɨi vae reta, oyeparavogüe jare jupi vae reta.”

Apocalipsis 19:16

Jare jemimonde re jare iu re oyekuatía oï metei tee, jae ko: “MBURUVICHA GUASU RETA JUVICHA GUASU JARE IMBAEPUERE YAE ETE MBAEPUERE GÜƗNOI VAE RETA GÜI VAE.”