DANIEL 2:45 - Biblia Guarani Tumpa Iñee

⁴⁵ jókuae ɨvɨtɨ güi reecha oa metei ita vae rami, mbaetɨ kia ipo pe oyoka reve, jókuae omonguruvi jiero, jiero iyu vae, ñaeu, korepoti jare oro. Tumpa tuicha yae vae oechauka ndeve mburuvicha guasu, maratuta oasa kuri vae; kuae mbaɨu añetete ko, jare mbae oipota jei vae jupigüe ko.

DANIEL 2:45 ပူးပေါင်းရင်းမြစ်များ

GÉNESIS 41:26

Jókuae chiu guaka ipöra vae, chiu año ko; jare jókuae trigo chiu jäka ipöra vae, chiu año vi ko; kuae mbaɨu reta metei vaeño tëi ko.

GÉNESIS 41:28

Kuae ko jae amombeu añave Faraón pe vae; Tumpa oyapota vae ko oechauka Faraón pe.

GÉNESIS 41:32

Jare Faraón opaɨu mókoi ye ramo; Tumpa jei vae añetete oasata ko, jare Tumpa jaɨai yae oï oyapo vaerä kuaekuae reta.

2 SAMUEL 7:22

jáeramo, nde cheYa Tumpa: ¡Tuichagüe yae ko nde! Echa mbaetɨ ko kia nde rami vae, jare mbaetɨ yé ïru Tumpa ndegüi, echa ore etei ko roendu jókuae.

1 CRÓNICAS 16:25

echa yandeYa tuicha yae ko, jupi ko oyemboete vaerä, jare kɨɨyea yae ko opaete tumpa-raanga reta güi.

NEHEMÍAS 4:14

Jare aecha okɨɨye reta ramo, apüa jare jae imboetea vae reta pe, sundaro ruvicha reta pe jare opaete vae reta pe: “Agüɨye pekɨɨye chugüi reta, pemaendúa yandeYa re, tuicha jare kɨɨyea yae vae ko, jare peñeraro perëtara reta re, peraɨ reta re, perayɨ reta re, jare perembireko reta re jare pero reta re.”

NEHEMÍAS 9:32

Jáeramo, oreTumpa, Tumpa tuicha yae vae, imbaepuere yae vae, kɨɨyea yae vae, iporoparareko avei vae, jare ombopo iñee oñererökuavee mbae oyapo vaerä yave vae, agüɨye emaeiño oreruvicha guasu reta, oreruvicha reta, oresacerdote reta, neñeemombeúa reta, oreñemuñagüe reta jare opaete vae oiporara vae re, arakae mburuvicha guasu Asiria pegua reta yogüɨreko güive añave regua.

JOB 36:26

Tumpa tuicha yae ko, mbaetɨ yandepuere yaikuaa opaete jesegua, mbaetɨ vi yandepuere yaipapa iaño.

SALMOS 135:5

Echa che aikuaa yandeYa tuicha yae ko, yandeYa tuicha yae ko opaete tumpa-raanga reta güi.

SALMOS 145:3

CheYa, ndembaepuere yae ko, jupi ko reyemboeteuka yae vaerä, ndembaepuere roipapa rapeä ko.

SALMOS 2:9

Remoamɨrita mbaepuere yae rupi, ¡mbaerɨru ñaeu pegua rami remonguruvita!”

SALMOS 48:1

¡YandeYa ko tuichagüe yae! ¡Jupi ko oyemboete yae vaerä jëta guasu pe, iɨvɨtɨ oñeñono teea pe!

SALMOS 96:4

echa yandeYa tuicha yae ko, jupi ko oyemboete yae vaerä; ¡ikɨɨyea yae ko opaete tumpa-raanga reta güi!

ISAÍAS 28:16

Jáeramo yandeYa jei: “Mase, ko añonota Sión pe metei ita, ita oyeparavogüe, ikavi yae vae, o ekina iguapɨka, o iguapɨka okúembae, jese güɨrovia vae toiko pɨagüive.

DANIEL 2:24

Kuae jaɨkue rupi Daniel ojo Arioc pɨri, jae ko mburuvicha guasu oñono opa vaerä oyuka Babilonia pegua yarakuaa katu vae reta vae, jare jei chupe körai: —Agüɨye eyuka Babilonia pegua yarakuaa katu vae reta; chereraja mburuvicha guasu jóvai, jare che aikuaaukata chupe mbae ko oipota jei ipaɨu vae.

DANIEL 2:28

Ërei oime metei Tumpa ara pe, jae oechauka yaikuaambae vae, jae ko oikuaauka nde mburuvicha guasu Nabucodonosor pe mbaembae ko oasata kuri vae. Mase, kuae ko jae ndepaɨu, nderupa pe reï yave reecha vae reta.

DANIEL 2:29

Nde cheruvicha guasu, nderupa pe reï yave, ou ndeve jeta yemongeta reta reikuaa vaerä maratuta ra ko kuri vae; jare yaikuaambae vae oikuaa vae oikuaauka ndeve oikota kuri vae.

DANIEL 2:44

Jare kuae mburuvicha guasu reta iara rupi, Tumpa ara pe oï vae omopüata metei mborookuaía mbaetɨ eteita oyemboai vae, jare mbaetɨta kuae mborookuaía oyeeya ïru tëta ipo pe; omonguruvita jare omokañɨteita opaete kuae mborookuaía reta, ërei jae oikota jekuae avei,

DANIEL 8:25

Ipoki yae oporombotavɨ vae rupi oë kavi aveita chupe mbaembae. Oyembotuicha yaeta, jare jeta kuimbae yogüɨreko pɨagüive vae oyukata iparanoe. Oñemopüata mburuvicha reta Juvicha re, ërei oñemoamɨriukata chupe.

HAGEO 2:22

opata arokomegua mburuvicha guasu reta iguapɨa mborookuaía pegua jare amboaita tëtaguasu rupi mburuvicha guasu reta imbaepuere; amboyaparata käretou reta pɨpe oguata vae reta ndive jare opata kavayu reta oyepɨaka opo jese vae reta ndive, metei vae ñavo omanota jëtara ikɨsepuku pe.

ZACARÍAS 12:3

Jókuae ara che añonota Jerusalén metei ita ipoɨ yae vae rami, opaete tëta reta pe; opaete ovoɨ tëi vae reta opata oyeakɨouka. Opaete tëtaguasu reta ɨvɨ pegua yatɨ yatɨta Jerusalén re,

MALAQUÍAS 1:11

Opaete tëtaguasu ñavo rupi chemboete, jare oipota rupi kuae ɨvɨ pe oapɨ reta ikäti kavi vae incienso cheree re jare omee reta mbota ikavi vae cheve, echa cheree jërakua opaete tëtaguasu reta rupi.

San Mateo 21:24

Jayave Jesús jei chupe reta: —Che vi taparandu peve. Pemombeu yave cheve, amombeuta peve mbae nunga mbaepuere ndive ko ayapo kuae mbaembae.

San Mateo 24:35

Ara jare ɨvɨ opata ko, ërei cheñee reta ngaraa opa.

San Lucas 17:20

Jare fariseo reta oparandu Jesús pe kërai yave ra outa Tumpa iporookuaía vae. Jayave Jesús jei chupe reta: —Tumpa iporookuaía ngaraa oyekuaa ou.

DEUTERONOMIO 10:17

echa yandeYa Tumpa güɨnoi mbaepuere tumpa-raanga reta güi, jare imbaepuere yae ete mbaepuere güɨnoi vae reta güi, Tumpa tuicha yae vae jare imbaepuere yae vae, mbaetɨ oporomboyoavɨ jare mbaetɨ oipɨɨ vɨari mbae oyemboepɨ vɨarigüe;

Apocalipsis 1:19

Eikuatía opaete mbaembae reecha vae regua, añave pegua jare oikota kuri vae.

Apocalipsis 19:17

Jare aecha metei araɨgua oyemboɨ oï kuaraɨ re. Jae iñeeäta reve jei opaete güɨra oveve ñogüɨnoi vae reta pe: “¡Peyu peyemboatɨ, karu guasu Tumpa oyapo vae pe,

Apocalipsis 4:1

Kuae jaɨkue rupi amae jare aecha metei öke oyepea oï ara pe. Jare ñee tenonde yave aendu mimbɨguasu iñee rami vae imiari cheve vae jei cheve: “Eyeupi kuae pe jare aechaukata ndeve mbaembae oasata kuae jaɨkue rupi vae.”