DANIEL 2:37 - Biblia Guarani Tumpa Iñee

³⁷ Mburuvicha guasu, nde jae ko mburuvicha guasu reta juvicha guasu; echa Tumpa ara pe oï vae ko omee ndeve mborookuaía, mbaepuere, mɨ̈rata jare ndemboetea yae vaerä.

DANIEL 2:37 ပူးပေါင်းရင်းမြစ်များ

1 REYES 4:24

echa Salomón güɨnoi vi mbaepuere Éufrates güi kuaraɨ oikea kotɨgua ɨvɨ re, Tifsa güive Gaza pe, jare opaete joko pegua mburuvicha reta re, jare oime mbɨakatu opaete ɨvɨ iyɨ́vɨri rupigua reta ndive.

2 REYES 25:28

omomiari ñee kavi rupi, jare oñono kavi ïru mburuvicha guasu reta jae ndive yogüɨreko Babilonia pe vae reta güi.

2 CRÓNICAS 36:23

“Ciro mburuvicha guasu Persia pegua jei körai: ‘YandeYa Tumpa ara pegua, omee chepo pe opaete mborookuaía reta ɨvɨ pegua, jare cheokuai amopüa vaerä chupe tupao Jerusalén pe, jae ko ɨvɨ Judá pe. Jayave oipotagüe pegüi reta jókuae ɨvɨ pegua, yandeYa imbae ko vae, yandeYa Tumpa tapemborɨ, pekua jokotɨ.’ ”

ESDRAS 1:2

“Ciro mburuvicha guasu Persia pegua jei körai: ‘PeYa Tumpa ara pe oï vae omee chepo pe opaete mborookuaía reta ɨvɨ pegua, jare cheokuai amopüa vaerä chupe tupao Jerusalén pe, ɨvɨ Judá pe.

ESDRAS 7:12

“Artajerjes mburuvicha guasu reta juvicha guasu, oikuatía sacerdote Esdras pe, oporomboe vae oikuaa katu kavi yae Tumpa ara pe oï vae iporookuai re vae: Mbɨakatu toï nde ndive.

SALMOS 62:11

Mbovɨ ye aendu Tumpa jei, jae imbae ko mbaepuere vae.

PROVERBIOS 8:15

Cherupi oporookuai mburuvicha guasu reta, jare mburuvicha reta jupi rupi mbae oyapo vae.

ISAÍAS 10:8

Echa jae jei: ‘Opaete mburuvicha guasu, chepo pe ko ñogüɨnoi.

ISAÍAS 47:5

“Eguapɨ, nekïrii ngatu Caldeaɨgua, eñeñono pɨtumimbía pe, echa ngaraa ye ma nereenɨi reta: ‘Tëtaguasu reta juvicha kuña’.

JEREMÍAS 28:14

Echa che ndeYa Imbaepuere yae ete vae Israel iTumpa, jae: Añono opaete tëtaguasu reta iyayu re yuvo jiero pegua, oyeokuai reta vaerä Nabucodonosor, mburuvicha guasu Babilonia pegua pe. Mɨmba ñana rupigua reta ave amee ipo pe.”

JEREMÍAS 34:1

Nabucodonosor, mburuvicha guasu Babilonia pegua, opaete isundaro reta jare ïru tëtaguasu pegua reta jae ipo pe ñogüɨnoi vae ndive, oyomboatɨ opüa Jerusalén re jare iyɨvɨrigua tëta guasu reta re yave, yandeYa jei Jeremías pe:

EZEQUIEL 26:7

Echa, che ndeYa Tumpa jae körai: Ɨvɨtuguasu kotɨ güi aruta mburuvicha guasu Nabucodonosor oporepeña Tiro re; jae ko mburuvicha guasu imbaepuere yae vae Babilonia pegua. Yogüeruta kavayu regua reta ikavayu re, jare käretou reta ñeraro pegua ndive, yogüeruta jeta yeyé.

DANIEL 1:2

Jare yandeYa omee ipo pe, Joacim mburuvicha guasu Judá pegua, jare jeta tembiporu reta Tumpa jo pegua; jare güeru ɨvɨ Sinar pe, itumpa jo pe, jare oñono tembiporu reta, mbaembae jepɨ yae vae oñeñovatúa pe, itumpa jo pe.

DANIEL 2:31

Mburuvicha guasu, nde reecha metei kuimbae iä rami vae, tuicha yae vae. Tuicha yae jare jembipeasɨ yae vae, nderóvai oyemboɨ oï jare yavaetegüe.

DANIEL 2:44

Jare kuae mburuvicha guasu reta iara rupi, Tumpa ara pe oï vae omopüata metei mborookuaía mbaetɨ eteita oyemboai vae, jare mbaetɨta kuae mborookuaía oyeeya ïru tëta ipo pe; omonguruvita jare omokañɨteita opaete kuae mborookuaía reta, ërei jae oikota jekuae avei,

DANIEL 4:19

Jayave Daniel, Beltsasar pe ombojee reta vae, ipɨakañɨ yae opɨta metei ora seri rupi, jare yemongeta reta ou chupe vae ombopɨatɨtɨ yae. Jare mburuvicha guasu jei chupe: ‘Beltsasar agüɨye tandembopɨajopa kuae mbaɨu jare mbae ko oipota jei vae.’ Beltsasar jei: ‘¡Cheruvicha guasu, kuae repaɨu vae toiko nderovaicho reta kotɨ, jare mbae ko oipota jei vae, toyembopo ikavimbae oipota ndeve vae reta kotɨ!

DANIEL 4:22

jókuae ɨvɨra reecha vae, nde etei ko mburuvicha guasu, rekuakuaa jare tuicha yae reyeapo, echa okuakuaa ndembaepuere jare ojo oya ara re, jare ndembaepuere ojo oväe opaete ɨvɨ jembeɨ kotɨ.

DANIEL 4:25

Ndemombo retata kuimbae reta ipɨte güi, jare reikota mɨmba reta ñana rupigua ndive, jare ñana kaa rupigua reuta guaka reta rami, jare ɨsápɨi pe neäkɨta; jare jökorai reikota chiu año, reikuaa regua Tuichagüe yae ete vae ko güɨnoi mbaepuere kuimbae reta iporookuaía re, jare jae omee mborookuaía kia nunga vae pe oipota omee yave.

DANIEL 4:3

¡Tuicha yae ko mɨakañɨ reta Tumpa oyapogüe, jare imbaepuere yae rupi oyapo! Iporookuaía opambae ko, jare imbaepuere oiko aveita jekuae avei pegua.

DANIEL 4:32

jare kuimbae reta ipɨte güi ndemombo retata, jare mɨmba reta ñana rupigua ndive reikota, jare guaka reta rami ndemongaru retata; jökorai chiu año reikota, reikuaa regua kërai Tuichagüe yae ete vae ko güɨnoi mbaepuere kuimbae reta iporookuaía re jare jae omee mborookuaía kia nunga vae pe oipota omee yave.”

DANIEL 4:34

“Ërei ara reta oyepapa oï vae iyapɨ ma yave, che Nabucodonosor amae ara kotɨ, jare ou akuera ye vaerä; jayave amboete Tuichagüe yae ete vae, jare ambotuicha oikove avei vae körai: ‘Imbaepuere jare iporookuaía opambae vae.

DANIEL 5:18

Tumpa Tuichagüe yae ete vae, omee neñemuñagüe Nabucodonosor pe mborookuaía, yembotuicha jare iyemboetea.

DANIEL 7:14

Jare oñemee chupe mbaepuere, yemboetea jare mborookuaía, jare opaete ketɨgua tëtaguasu reta jare ïru ñee pe imiari vae reta oyeokuai chupe. Imbaepuere jekuae avei ko, jare iporookuaía ngaraai oyemboai.

OSEAS 8:10

Yepe tëi omee mbota reta ïru tëtaguasu reta rupi, ërei opata amboatɨ reta, opa vaerä amoai moai, jare oiporara retata michi pegua, mburuvicha guasu jare imborɨa reta ikovara yae jeko pegua.

San Mateo 6:13

Jare agüɨye emaeño roipota oreyoa vaerä. Orereepɨ ikavimbae güi. Echa ndembae ko jekuae avei pegua mborookuaía, mbaepuere jare yemboetea. Amén.’

San Juan 19:11

Jesús jei chupe: —Ngaraa tëi mbaepuere renoi cheré, Tumpa omaeñoä nderé yave. Jáeramo chemee ndeve vae iyoa yae ma ko.

Apocalipsis 1:5

jare Jesucristo jupi rupi imiari vae, tenonde voi oikove ye omanogüe reta güi vae, mburuvicha guasu reta ɨvɨ pegua juvicha guasu güi. Yanderaɨu jare oyoe jugüɨ pe yandeyoa reta vae,

Apocalipsis 17:14

Kuae reta oñerarota Vecha kuimbae taɨrusu vae ndive; ërei Vecha kuimbae taɨrusu vae omoamɨri retata. Echa Vecha kuimbae taɨrusu vae jae ko Imbaepuere yae ete mbaepuere güɨnoi vae reta güi vae jare mburuvicha guasu reta Juvicha guasu, jare jae ndive ñogüɨnoi vae, oñeenɨi vae reta, oyeparavogüe jare jupi vae reta.”

Apocalipsis 19:16

Jare jemimonde re jare iu re oyekuatía oï metei tee, jae ko: “MBURUVICHA GUASU RETA JUVICHA GUASU JARE IMBAEPUERE YAE ETE MBAEPUERE GÜƗNOI VAE RETA GÜI VAE.”

Apocalipsis 4:11

“OreYa, jupi ko oñemee vaerä ndeve yemboetea, mbaemboete jare mbaepuere, echa nde reyapo opaete mbaembae, jare nderemimbota rupi opaete mbaembae oiko jare oyeapo.”

Apocalipsis 5:12

jare jei reta iñeeäta reve: “Vecha kuimbae taɨrusu vae oyeyukauka vae jupi ko güɨnoi vaerä mbaepuere, mbaeyekou, arakuaa, mɨ̈rata, yemboete, yemboetea jare mbaemboete.”