DANIEL 2:30 - Biblia Guarani Tumpa Iñee

³⁰ Jare Tumpa oechauka cheve kuae yaikuaambae vae, mbaetɨ ko chearakuaa yae ïru reta güi jeko pegua; jaeño ko nde mburuvicha guasu pe oikuaauka vaerä mbae ko oipota jei ndepaɨu vae, reikuaa vaerä reyemongeta yae jese vae.

DANIEL 2:30 ပူးပေါင်းရင်းမြစ်များ

GÉNESIS 41:16

Jayave José jei Faraón pe: —Che aeño mbaetɨ ko anoi mbae cheyé; Tumpa etei ko oikuaauka kavita Faraón pe.

SALMOS 139:2

nde reikuaa kavi opaete ayapogüe, mombɨrɨ güi nde reikuaa cheyemongeta.

ISAÍAS 45:4

Aaɨu ramo cherembiokuai Jacob, cherembiparavo, Israel iñemuña reta, che roenɨi nderee pe, jare amee ndeve tee yemboete pegua, yepe tëi nde mbaetɨ chekuaa.

DANIEL 1:17

Jökorai kuae irundɨ kunumi reta pe Tumpa omee jeta mbae oikuaa reta vaerä jare iyarakuaa katu yae reta vaerä opaete yemboe reta rupi; jare Daniel oikuaa katu opaete mbaɨu reta regua jare Tumpa mbae oechauka vae rupi.

DANIEL 2:47

Jare mburuvicha guasu jei Daniel pe: —Añetete yepe peTumpa güɨnoi mbaepuere tumpa reta güi, jare imbaepuere yae mburuvicha guasu reta güi, jare jae oikuaauka yaikuaa rapeä vae, echa ndepuere reikuaauka cheve kuae aikuaa rapeä vae.

DANIEL 2:49

Jayave Daniel oiporu mburuvicha guasu pe, omee vaerä chupe oñono vaerä Sadrac, Mesac, jare Abed-nego mburuvicharä Babilonia pe tëta reta re. Jare Daniel oiko mburuvicha guasu iporookuaía pe.

AMÓS 4:13

Echa, ko oï ɨvɨtɨ reta iyapoa, kuimbae reta pe omombeu iyemongeta vae, pɨtumimbi oyapo tembiperä vae, ɨvɨtɨ guasu rupi oguata vae, jae ko jee yandeYa Tumpa Imbaepuere yae ete vae.

San Mateo 24:22

Jare yandeYa mbaetɨ omboapɨ jókuae ara reta yave, ngaraa etei oime oasayepe vae. Ërei jembiparavo reta jeko pegua omboapɨta jókuae ara reta.

San Marcos 13:20

Jare yandeYa mbaetɨ omboapɨ jókuae ara reta yave, ngaraa etei oime oasayepe vae. Ërei jembiparavo reta jeko pegua omboapɨta jókuae ara reta.

Hechos 3:12

Jayave Pedro oecha jókuae yave, jei opaete vae reta pe: “Kuimbae Israel iñemuña reta, ¿maera pa pepɨakañɨ kuae re? ¿Maera pa pemae ngatu oreré, oreiño orembaepuere rupi ani jupigüe roiko vae rupi rombogüera kuae kuimbae rami?

Romanos 8:28

Yaikuaa ko Tumpa omborɨ opaete mbaembae rupi, oaɨu Tumpa ramo, jae jemimbota rupi oyeparavo vae reta,

2 Corintios 4:15

Opaete kuaekuae roiporara, ore poaɨu vae jeko pegua, Tumpa ipɨakavi oï vaerä jeta vae ndive. Jökorai jeta vae omeeta yasoropai Tumpa pe, jare oyemboeteukata.