DANIEL 2:25 - Biblia Guarani Tumpa Iñee

²⁵ Jayave Arioc iyandeko voi güɨraja Daniel mburuvicha guasu jóvai, jare jei chupe körai: —Aväe metei kuimbae Judá güi oyererugüe reta ipɨte pe, jae oikuaaukata ndeve cheruvicha guasu, mbae ko oipota jei ndepaɨu vae.

DANIEL 2:25 ပူးပေါင်းရင်းမြစ်များ

GÉNESIS 41:14

Jayave Faraón omondo oenɨiuka José; jare güɨnoe reta ɨmambae pegua tembipɨɨrɨru güi, jare José oñapi jendɨvaa, oipoepɨ jemimonde jare ou Faraón jóvai.

NEHEMÍAS 7:6

“Jae kuae Israel iñemuña reta ɨvɨ Judá pegua, mburuvicha guasu Nabucodonosor güɨraja Babilonia pe vae, jare añave amogüe oyerova reta ye Jerusalén pe jare Judá pe jëta jëta ae rupi vae.

PROVERBIOS 24:11

Eroasayepe kuimbae oyeyuka vaerä ma ñogüɨnoi vae; eepɨ mano peguarä ma ñogüɨnoi vae.

ECLESIASTÉS 9:10

Opaete mbae renoi reyapo vaerä vae, eyapo ndepuere rupi; echa omanogüe reta ñogüɨnoia pe, jókuae reotaa pe, mbaetɨ etei mbae oyeapo, mbaetɨ mbaravɨkɨ, mbaetɨ yemboe tuichagüe, mbaetɨ arakuaa ave.

DANIEL 1:6

Kuae reta ipɨte pe ñogüɨnoi Daniel, Ananías, Misael jare Azarías; jae ko Judá iñemuña pegua reta.

DANIEL 5:13

Jayave güeru reta Daniel mburuvicha guasu jóvai. Jare mburuvicha guasu jei Daniel pe: —¿Jae pa nde jókuae Daniel, Judea güi cheñemuñagüe güeru tembipɨɨrä vae reta taɨgüe?

DANIEL 6:13

Jayave jei reta mburuvicha guasu pe: —Daniel, tembipɨɨ reta Judá pegua iñemuña mbaetɨ ndemboete mburuvicha guasu, mbaetɨ omboete mborookuai reyapogüe; mase mboapɨ ye metei ara pe oyerure.