DANIEL 12:8 - Biblia Guarani Tumpa Iñee

⁸ Che aendu jeigüe, ërei mbaetɨ chepuere aikuaa, mbae ko oipota jei vae, jare jae: ‘CheYa, ¿maratuta pa kuaekuae reta jaɨkue rupi?’

DANIEL 12:8 ပူးပေါင်းရင်းမြစ်များ

DANIEL 10:14

Ayu aikuaauka vaerä ndeve kërai nerëta oasata kuri vae; echa jókuae reecha vae, jókuae ara rupi oyeapo vaerä ko.’

DANIEL 12:6

Jare metei jei kuimbae jemimonde lino pegua vae pe, ɨ re oyemboɨ oï ɨ̈aka pe vae pe: ‘¿Kërai yave pa oyembopota kuae mɨakañɨ guasu reta?’

DANIEL 12:7

Jare aendu kuimbae ɨ iárambo oyemboɨ oï vae, jemimonde lino pegua vae iñee, jae omopüa ipo reta ara kotɨ, jare jei oikove avei vae jee re: ‘Mboapɨ año y medio rupi, tëta oñeñono tee vae imbaepuere oyemboai oiko vae iyapɨ ma yave outa oyembopo opaete kuaekuae reta.’

DANIEL 12:9

Jae jei cheve: ‘Mbaetɨta ndepuere reikuaa Daniel, echa kuae ñee reta oyeokenda opɨta ou ara iyapɨ oväe regua.

DANIEL 8:13

Javoi aendu metei araɨgua oparandu ïru araɨgua aendu imiari vae pe, jei: ‘¿Kërai yave pa iyapɨta kuae ara ñavo mɨmba oyeyuka oyeapɨ jese vae re oyekuaa vae? ¿Kërai regua pa oikota mbaeyoa yavaete yae vae yandeYa jo mbaemboetea pe jare jese oporogüɨrovia vae opa vaerä oñemokañɨteiuka?’

San Lucas 18:34

Ërei jemimboe reta mbaetɨ etei oikuaa mbae ra oipota jei chupe reta vae. Echa jókuae ñee reta oñeomi oï chugüi reta. Yavai yae chupe reta oikuaa vaerä mbae ra oipota jei vae.

San Juan 12:16

Jókuae ara Jesús jemimboe reta oikuaa kaviä kuae regua. Ërei Jesús oyemboeteuka ma yave, imaendúa reta kuae re. Echa jökorai Tumpa iñee pe oyekuatía oï jesegua, jare jökorai oyeapo chupe.

Hechos 1:7

Jesús jei chupe reta: —Mbaetɨ ko peve reta oñemee jókuae peikuaa vaerä. Jaeño cheRu oikuaa jókuae re.

1 Pedro 1:11

oyemboe reve kia jare kërai yave ra oasata Cristo iEspíritu oiko jese reta vae oikuaauka voi chupe reta vae; kërai Cristo oiporarata jare kërai taɨkue rupi oyemboeteukata vae.