DANIEL 12:6 - Biblia Guarani Tumpa Iñee

⁶ Jare metei jei kuimbae jemimonde lino pegua vae pe, ɨ re oyemboɨ oï ɨ̈aka pe vae pe: ‘¿Kërai yave pa oyembopota kuae mɨakañɨ guasu reta?’

DANIEL 12:6 ပူးပေါင်းရင်းမြစ်များ

SALMOS 74:9

Mbaetɨ ma roecha romokañɨmaa oreyeupe vae; mbaetɨ ma ñeemombeúa ave, mbaetɨ vi kia orepɨte pe oikuaa kuae kërai yave regua ra oikota vae.

EZEQUIEL 9:2

Jayave aecha, ova kuimbae oike öke ɨvɨtuguasu kotɨ oï vae rupi, jare metei ñavo güeru ipo pe tembiporu oporomokañɨtei vaerä pɨpe. Jae reta ipɨte pe ou metei kuimbae jemimonde tïiasɨ lino pegua vae; kuae güeru ikúa re jembiporu ombaekuatía pɨpe vae. Oike reta, jare yogüeru oyemboɨ mɨmba oyeyuka oyeapɨ jese vae jiero iyu vae pegua iyɨpɨ pe.

DANIEL 12:5

Che, Daniel amae, jare aecha mókoi kuimbae reta oyemboɨ ñogüɨnoi vae; metei oï ɨ̈aka jembeɨ kuae kotɨgua pe, ïru oï ɨ̈aka rovaicho pe.

DANIEL 12:8

Che aendu jeigüe, ërei mbaetɨ chepuere aikuaa, mbae ko oipota jei vae, jare jae: ‘CheYa, ¿maratuta pa kuaekuae reta jaɨkue rupi?’

DANIEL 8:13

Javoi aendu metei araɨgua oparandu ïru araɨgua aendu imiari vae pe, jei: ‘¿Kërai yave pa iyapɨta kuae ara ñavo mɨmba oyeyuka oyeapɨ jese vae re oyekuaa vae? ¿Kërai regua pa oikota mbaeyoa yavaete yae vae yandeYa jo mbaemboetea pe jare jese oporogüɨrovia vae opa vaerä oñemokañɨteiuka?’

DANIEL 8:16

jare aendu metei kuimbae iñee ɨ̈aka Ulai jee vae jembeɨ kotɨ güi, jei: ‘Gabriel, nemiari kuae kuimbae pe oecha vae re.’

San Mateo 24:3

Jesús oguapɨ oï ramboeve ɨvɨtɨ Olivo pe, jemimboe reta oyakatu jese jae retaño ñogüɨnoi yave: —Emombeu oreve, ¿kërai yave pa kuae oyeapota?, jare ¿këraita pa roikuaa reyu yeta ma vae regua jare kañɨtei regua?

San Marcos 13:4

—Emombeu oreve, ¿kërai yave pa kuae oyeapota? Jare opaete kuae oyeapota ma yave, ¿këraita pa roikuaa?

Efesios 3:10

Tumpa iyarakuaa tuichagüe yae vae, oyekuaa vaerä oporogüɨrovia vae reta rupi, mburuvicha reta pe jare imbaepuere vae ara rupigua reta pe.

1 Pedro 1:12

Tumpa oechauka jókuae reta pe vae chupegua retaä ko, yandeveguarä ko, jae reta omombeu añave oñemoërakua oï peve ñee ikavi vae Espíritu Santo rupi ara güi ombou vae, jare araɨgua reta oipota yae tëi omae kuae mbaembae re.

Apocalipsis 15:6

Jare jókuae tupao güi oë chiu araɨgua reta güɨnoi reta chiu mbaesusere vae. Jemimonde lino ikɨambae pegua jare jembipe, oyekuakua reta metei kuakuaa ipeguasu yae vae oro pegua pe.

Apocalipsis 19:14

Jare jeta yae vae araɨgua jemimonde lino ikavigüe vae, tïiasɨ jare ikɨambae vae reta yogüeru jaɨkue kavayu tïi vae reta re.

Apocalipsis 6:10

Jae reta iñeeäta reve jei: “OreYa iyoambae jare añetete vae. ¿Kërai yave pa rejäata jare reiporaraukata ɨvɨ pegua oreyuka vae reta pe?”