DANIEL 12:10 - Biblia Guarani Tumpa Iñee

¹⁰ Jeta vae reta oyetɨota, oñemotïiasɨta jare oñeñono teeta; jare iyoa vae reta jeieteñota oyapo mbaeyoa, metei ave iyoa vae reta ngaraa oikuaa, ërei yarakuaa katu vae reta oikuaata.

DANIEL 12:10 ပူးပေါင်းရင်းမြစ်များ

SALMOS 107:43

Yarakuaa katu vae, ngaraa ñakañɨ kuae güi, jare oikuaa katuta yandeYa iporoparareko reta.

SALMOS 51:7

Chetɨo ñana hisopo pe, jare taiko chekɨambae; cheyoe, jare taiko iroɨ tïiasɨ vae rami;

PROVERBIOS 1:5

Yarakuaa katu vae oenduta, jare oñemoïru yé chupe iyarakuaa katu, yarakuaa katu vae omoïru iyarakuaa katu.

ISAÍAS 1:18

YandeYa jei: “Peyu yayoaka. Yepe tëi peyoa reta pɨ̈taasɨ yae, ërei amotïasɨta iroɨ rami; ani temimonderä vae pɨ̈taasɨ vae rami yave, vecharaa tïi vae rami amotïasɨta;

EZEQUIEL 36:25

Poyoeta ɨ ikɨambae vae yetɨo pegua pe rami, jare ikɨambae pepɨtata cheróvai opaete peyemongɨa pɨpe vae güi; potɨota opaete petumpa-raanga reta güi.

EZEQUIEL 47:11

Ërei iɨvɨasuru reta jare iɨupa reta ngaraa opɨta ɨ kavirä; opɨtata yukɨ jendarä.

DANIEL 11:33

Tëta guasu pegua yarakuaa vae reta omboeta jeta vae; ërei jaɨkue rupi omano retata kɨsepuku pe, oapɨ retata, opɨ̈rota chugüi reta opaete mbae güɨnoigüe jare opata güɨraja reta tembipɨɨrä ïru ɨvɨ pe. Kuae oikota mbovɨ año rupi.

DANIEL 11:35

Jökoraiño amogüe yarakuaa vae reta oiporarata oyetɨo, oyeyoe jare oñemotïi vaerä, ara iyapɨ Tumpa omoërakua vae oväe regua.

DANIEL 12:3

Yarakuaa katu vae reta omboesapeta, ara jembipe rami; jeta vae omboe jupi re vae reta, omboesapeta yasɨtata rami jekuae avei pegua.

OSEAS 14:9

Yarakuaa katu vae jare oyeandu katu vae reta toikuaa kuae ñee: YandeYa jemimbota sɨmbi ko, jupi vae reta oguatata jokoropi, ërei ipɨapochɨ vae reta, oyepɨakata jokoropi.

ZACARÍAS 13:9

Jare jókuae jembɨregüe amoingeta tata pe, jare amondɨkuita, korepoti oyemondɨkui rami, jare ambokavita, oro oyembokavi rami. Jayave jae chereenɨita, jare che aenduta chupe, jare jaeta: ‘Tëta chembae’, jare jae jeita: ‘YandeYa ko jae cheTumpa.’ ”

MALAQUÍAS 3:3

Jare oguapɨta ombokavi jare oitɨo korepoti, jökoraita oitɨo Leví iñemuña reta; ombokavita oro jare korepoti rami; jare güeru retata mbota yandeYa pe jupi rupi.

San Marcos 4:11

Jayave Jesús jei chupe reta: “Amombeu ma peve Tumpa iporookuaía regua peikuaambae vae. Ërei ïru vae reta amboe ambojaanga reve.

San Lucas 24:25

Jayave Jesús jei chupe reta: —¡Yarakuaambae reta! Mbegüe rupi yae perovia opaete ñeemombeúa reta jei vae.

San Juan 18:37

Jayave Pilato jei chupe: —¿Jayave, nde pa ko jae mburuvicha guasu? Jesús jei chupe: —Rere ma ko nde etei che mburuvicha guasu vae. Kuaerä aa. Kuaerä ayu ɨvɨ pe. Ayu amombeu vaerä añete vae. Opaete añete vae güɨrovia vae reta oyeapɨsaka cheñee re.

San Juan 7:17

Oipotagüe ikɨ̈reɨ oyapo Tumpa jemimbota vae, oikuaata cheporomboe Tumpa iporomboe ra ko, ani cheyeugüi aeño ra chemiari vae.

San Juan 8:47

Tumpa taɨ reta oyeapɨsaka jae iñee re. Pe reta Tumpa taɨä ko. Jáeramo peipotaä peyeapɨsaka jese.

1 Corintios 6:11

Jökorai ko pe reta yepi. Ërei peyetɨouka ma, peñeñono teeuka ma, peyembojupiuka ma yandeYa Jesús jee re jare yandeRu Tumpa iEspíritu rupi.

2 Corintios 7:1

Jáeramo, cherɨvɨ reta, ñanoi ramboeve kuae morogüɨrökuavee reta. Yayetɨo opaete mbae ikavimbae vae yanderete pegua güi jare yandepɨa pegua güi. Jekuaeño ñañeñono tee Tumpa peguarä yaipoɨu reve chugüi.

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.

Hebreos 12:10

Echa yanderu ɨvɨ pegua yandembosɨmbi michi peguaño jae oipota vae rupi. Ërei yandeRu ara pegua yandembosɨmbi ikavi vaerä yandeve, yaiko vaerä ikɨambae jae rami.

1 Pedro 1:22

Perovia añete vae ramo pepɨa oyetɨo Espíritu Santo rupi, añetete peyoaɨu yae vaerä. Peyoaɨu opaete vae pepɨa jupi reve.

1 Pedro 1:7

Echa peporogüɨrovia oñejäa güire, ikavi yaeta oro güi, echa oro yepe tëi opata, ërei oyetɨo tata rupi; jökorai peporogüɨrovia oñejäa güire imboetea yae vaerä Jesucristo oyekuaa ye yave.

1 Juan 5:20

Jaeramiño vi yaikuaa ko Tumpa Taɨ ou kuae ɨvɨ pe jare omee yandeve yaikuaa vaerä Tumpa añetete vae; jare ñaï ma añetete vae re, jae ko Jesucristo Tumpa Taɨ re. Jae ko kuae Tumpa añetete vae jare tekove opambae.

Apocalipsis 16:11

Jare jei reta ñee ikavimbae vae Tumpa ara pe oï vae kotɨ, oiporara yae güi jare ipere jemɨi jasɨ yae güi, jare mbaetɨ oeya reta jembiapo ikavimbae vae.

Apocalipsis 19:14

Jare jeta yae vae araɨgua jemimonde lino ikavigüe vae, tïiasɨ jare ikɨambae vae reta yogüeru jaɨkue kavayu tïi vae reta re.

Apocalipsis 19:8

Jembirekorä vae pe oñemee ma temimonde lino ikavigüe, ikɨambae jare jembipe vae. Echa lino ikavi vae ko jae oporogüɨrovia vae reta jeko jupi vae.”

Apocalipsis 22:11

Jupimbae oyapo vae tijeiete toyapo jupimbae. Ikɨa Tumpa jóvai vae tijeiete tikɨa Tumpa jóvai. Jupi vae jeiete tijupi. Jare oñeñono tee vae jeiete toñeñono tee Tumpa peguarä.”

Apocalipsis 3:18

Jáeramo, romboarakuaa regua vaerä chegüi oro ikɨambae tata pe oyetɨo vae, reikokatu vaerä, jare temimonde tïi vae remonde vaerä, agüɨye vaerä nenandi oyekuaa. Romboarakuaa vi reñono vaerä moa peresa pe, reecha vaerä.

1 SAMUEL 24:13

Ndechi reta iñee arakuaa pegua jei rami: ‘Jeko kavimbae reta güi oë mbae ikavimbae.’ Jayave che ngaraai amopüa chepo nderé.