DANIEL 12:1 - Biblia Guarani Tumpa Iñee

¹ Jókuae ara opüata araɨgua Miguel mburuvicha tenondegua ete, nerëtara Israel iñemuña reta iyangarekoa. Outa mbɨatɨtɨ iara, mbaetɨi jókuae nunga, arakae kuimbae oyeapo ramo güive vae. Ërei jókuae ara oasayepeta nerëtaɨgua reta, opaete jee oyekuatía oï tupapire pe vae.

DANIEL 12:1 ပူးပေါင်းရင်းမြစ်များ

SALMOS 56:8

Nde reikuaa kërai ko che atekuarai aiko vae; nde remboɨru cheresaɨ reta ndeɨakua pe. ¿Oimeä yera oyekuatía oï nderembikuatía pe?

SALMOS 69:28

Opa vi emboai oikove vae reta jee oyekuatía ñogüɨnoia güi, jare agüɨye toyekuatía jupi vae reta jee ipɨte pe.

ISAÍAS 4:3

Sión pe jembɨre vae reta, jae ko Jerusalén pe jembɨre vae reta, ombojee retata, “Oñeñono tee Tumpa peguarä vae reta”. Opaete Jerusalén pe oikove vɨteri vae reta, jee oñemoapɨta ñogüɨnoi rami,

ISAÍAS 9:7

Iporookuaía tuicha yaeta, jare mbɨakatu mbaetɨta opa David iguapɨa re jare iporookuaía re, oñono kavita ñejäa jupi rupi, jare isɨmbi rupi añave güive oiko avei vaerä. YandeYa imbaepuere yae vae jägüɨro rupi oyapota kuae.

JEREMÍAS 30:10

YandeYa jei: “Cherembiokuai Jacob iñemuña reta, agüɨye pekɨɨye; Israel iñemuña reta, agüɨye pekɨɨye, echa nde jare neñemuña reta ayorata jókuae mombɨrɨ oyererajaa güi. Yogüɨreko yeta mbɨakatu pe, mbaetɨta kia omongɨɨye, yogüɨreko pɨagüiveta.

JEREMÍAS 30:7

¡Oyearo ma ara yavaetegüe, mbaetɨi jókuae nunga ara tenonde rupi! Ara mbɨatɨtɨ pegua ko Jacob iñemuña reta pe, ërei che aroasayepe retata.

EZEQUIEL 13:9

Aiporaraukata jókuae ñeemombeúa jei raangaiño vae pe, jare imbaekuaa rupi maratuta vae omombeu rami iyapu reve vae pe. Kuae reta ngaraa ma ñogüɨnoi chembae vae reta ipɨte pe, ngaraa jee oñemoapɨta Israel iñemuña reta jee oïa pe, jare ngaraa vi yogüeru ye Israel iɨvɨ pe. Jayave pe reta chekuaata che ko jae peYa vae.

EZEQUIEL 34:24

Che peYa aikota peTumparä jare cherembiokuai David rami vae peruvicharä. Che peYa Tumpa jae kuae.

EZEQUIEL 5:9

mbaetɨi ayapo vae ayapota ndeve jare ngaraa ye ayapo jökorai, echa ikavimbae yae ko opaete reyapogüe.

DANIEL 10:13

Ërei ɨvɨ Persia re mburuvicha oyangareko vae cheopia veintiuno ara rupi; ërei araɨgua Miguel, metei mburuvicha tenondegua ete ou chemborɨ vaerä; jökorai aiko mburuvicha guasu reta Persia pegua ñogüɨnoia pe.

DANIEL 10:21

Añave amombeu kavita ndeve tembikuatía añetete vae pe oyekuatía oï vae: Jae reta ndive añeraro yave jaeño chemborɨ araɨgua Miguel, mburuvicha tenondegua ete ɨvɨ Israel pegua.

DANIEL 11:45

omopüata jeyupa ɨguasu jare ɨvɨtɨ guasu iyemboetea yae vae jare oñeñono tee vae ipäu pe. Ërei joko pe oväeta omano vaerä, jare mbaetɨta kia omborɨ vae.

DANIEL 7:10

Jare tata oë jóvai güi ɨ osɨrɨ rami. Jeta yae oyeokuai chupe vae, jare jeta yeyé oyemboɨ ñogüɨnoi jóvai. Oporojäa vae oguapɨ, jare tembikuatía reta oyepea.

DANIEL 9:12

Nde, rembou ikavimbae yae vae oreré vae rupi, rembopo jókuae reñererökuavee rembou vaerä oreve vae jare oreruvicha reta re vae; echa mbaetɨi rembou mbaeporara ɨvɨ re, Jerusalén re rembou rami.

JOEL 2:2

Pɨtumimbi yaeta jókuae ara, oyeasoita jare jüu yaeta jókuae ara. Köe jembipe oyekuaa ou ɨvɨtɨ re vae rami, jökoraita ou metei tëta tuichagüe jare imbaepuere yae vae, jókuae nunga mbaetɨi oyekuaa jare ngaraa ye ma oime kuri.

MALAQUÍAS 3:16

(Jayave yandeYa güi oipoɨu vae reta imiari oyoupe; yandeYa oyeapɨsaka jese jare oendu. Kuae reta jee oyemboguapɨ yandeYa jóvai metei tupapire pe, yandeYa güi oipoɨu vae reta jare omboete vae reta regua.)

San Mateo 24:21

Echa jókuae ara reta pe oimeta tembiporara guasu yavaetegüe ɨvɨ pegua reta pe. Mbaetɨi jókuae nunga iyɨpɨ güive añave regua vae, jare ngaraai oime ye jókuae nunga.

San Marcos 13:19

Echa jókuae ara reta pe oimeta tembiporara guasu. Mbaetɨi jókuae nunga Tumpa ɨvɨ oyapo güive, añave regua, jare ngaraai oime ye jókuae nunga.

San Lucas 10:20

Ërei agüɨye peyerovia mbaepuere aña reta re penoi vae re. Ërei peyerovia peree oyekuatía ma oï ara pe vae re.

Romanos 11:15

Echa Tumpa omombo vae rupi ɨvɨ pegua reta güɨnoi mbɨakatu Tumpa ndive. Vɨtei pa Tumpa omboresive reta ye yave, güeruta tekove omano vae reta pe.

Romanos 11:26

kuae oyeapo güire, opaete Israel pegua reta omboasata, oyekuatía oï rami, echa jei: “Sión güi outa Oporoepɨ vae, jae ombosɨrɨta Jacob iñemuña reta güi imbaeyoa reta.

Efesios 1:21

güɨnoi vaerä mbaepuere opaete mburuvicha reta ara pegua, ɨvɨ pegua jare oipotagüe mbaepuere güɨnoi vae re, jare opaete tuichagüe yae vae reta, añave pegua reta jare oikota vae reta re;

Filipenses 4:3

Jare che romoñera, nde cheparavɨkɨ ïru ete, remborɨ vaerä kuae kuña reta. Echa jae reta oparavɨkɨ täta che ndive, romombeu vaerä ñee ikavi vae. Oparavɨkɨ reta Clemente ndive jare ïru che ndive oparavɨkɨ vae reta ndive vi. Kuae reta jee oñemoapɨta ma tupapire tekove pegua pe.

Judas 1:9

Ërei araɨgua tenondegua Miguel etei oñoraro yave aña guasu ndive oyoaka reve Moisés jetegüe re, oipoɨu omboeko vaerä aña guasu. Jaeño jei chupe: “YandeYa toñeengata ndeve.”

Apocalipsis 1:5

jare Jesucristo jupi rupi imiari vae, tenonde voi oikove ye omanogüe reta güi vae, mburuvicha guasu reta ɨvɨ pegua juvicha guasu güi. Yanderaɨu jare oyoe jugüɨ pe yandeyoa reta vae,

Apocalipsis 12:7

Javoi Miguel jare iaraɨgua reta ndive täta oñeraro ara pe jókuae mbaeporou ndive. Mbaeporou jare iaraɨgua oñeraro,

Apocalipsis 13:8

Jare omboete opaete ɨvɨ pegua reta jee mbaetɨ oyekuatía oï Vecha kuimbae taɨrusu vae jembikuatía tekove opambae vae pegua pe vae. Vecha kuimbae taɨrusu vae oyeyukauka ko ndei ɨvɨ oyeapo mbove.

Apocalipsis 17:14

Kuae reta oñerarota Vecha kuimbae taɨrusu vae ndive; ërei Vecha kuimbae taɨrusu vae omoamɨri retata. Echa Vecha kuimbae taɨrusu vae jae ko Imbaepuere yae ete mbaepuere güɨnoi vae reta güi vae jare mburuvicha guasu reta Juvicha guasu, jare jae ndive ñogüɨnoi vae, oñeenɨi vae reta, oyeparavogüe jare jupi vae reta.”

Apocalipsis 20:12

Jare aecha omanogüe reta oyemboɨ ñogüɨnoi Tumpa jóvai, okuakuaa vae reta jare michia reta. Jare tembikuatía reta oyepea, jare oyepea ïru tembikuatía, jae ko tembikuatía tekove pegua. Jare omanogüe reta oñejäauka jembiapo reta tembikuatía reta pe oyekuatía oï rupi.

Apocalipsis 20:15

Jare jee mbaetɨ oyekuatía jókuae tembikuatía tekove pegua pe vae oyemombouka tata guasu pe.

Apocalipsis 3:5

Oporomoamɨri vae pe ameeta temimonde tïi vae omonde, jare ngaraa amboai jee tembikuatía tekove pegua güi, aikuaaukata cheRu jóvai jare iaraɨgua reta jóvai.

Apocalipsis 7:14

Jare che jae chupe: “Cheru, nde ko reikuaa.” Jayave jae jei cheve: “Kuae reta ko jae yogüeru tembiporara guasu güi vae. Oputuka jemimonde jare omotïi Vecha kuimbae taɨrusu vae jugüɨ pe vae.