DANIEL 11:7 - Biblia Guarani Tumpa Iñee

⁷ Ërei ngatu metei iñemuña pegua oguapɨta jekovia pe, jae oporepeñata mburuvicha guasu ɨvɨtuguasu kotɨgua re, opɨ̈rota mburuvicha guasu jo kavi jare jupiegua reta oyemombaeta jae jeigüe re.

DANIEL 11:7 ပူးပေါင်းရင်းမြစ်များ

JOB 14:7

Metei ɨvɨra oyeasɨagüe, ipuereño jokɨ ye, jeñɨi yeta iyɨpɨgüe jare oiko yeta.

SALMOS 109:8

Agüɨye toiko puku; ambuae vae topɨta jekovia pe.

SALMOS 55:23

CheRu Tumpa, nde remondota kañɨtei pe jókuae oporoyuka jare iyapu vae, ngaraa kërai ave ɨma oikove oiko, ërei che ndereño ayeko.

ISAÍAS 11:1

Ɨvɨraɨpɨ rami vae Isaí güi oëta metei jokɨ, iyɨpɨasɨ güi jeñɨita.

ISAÍAS 9:14

Jáeramo, yandeYa oyasɨata tëtaguasu Israel iñäka jare juguai, kia nunga vae oyasɨa mɨmba iñäka jare juguai rami, ani kia nunga vae oyasɨa karandaɨ ani käipepe metei ara peño rami.

JEREMÍAS 12:2

Reñotɨ reta temitɨ rami ɨvɨ pe, japo reta oyepota, okuakuaa reta jare ia reta. Iyuru peño ndemboete yae reta, ërei ipɨa pe mombɨrɨ ñogüɨnoi ndegüi.

EZEQUIEL 17:18

Echa mbaetɨ ombopo iñee jare omboeteä morogüɨrökuavee päve; jae yepe oñererökuavee tëi, ërei oyapo ye kuae mbaembae reta. Jáeramo ngaraa oasayepe.

DANIEL 11:40

Ërei ou ma oväe ara iyapɨ yave, mburuvicha guasu arayevɨ kotɨgua oporepeñata mburuvicha guasu ɨvɨtuguasu kotɨgua re; ërei kuae opüata chupe ama ɨvɨtuai reve rami, käretou reta ndive, kavayu regua reta ndive jare jeta barco reta ndive; omboaita opaetei arayevɨ kotɨgua reta iɨvɨ.

DANIEL 11:6

Ërei oväeta año oñomoïru reta vaerä: Mburuvicha guasu arayevɨ kotɨgua omeeta tayɨ mburuvicha guasu ɨvɨtuguasu kotɨgua pe jembirekorä, jökorai oyapo reta vaerä oyoupe mbɨakatu. Ërei jókuae mbɨakatu ngaraa oyeapo chupe, echa jae jare imembɨ reta, ime jare imoïrúa reta opata oyeyukauka.

MALAQUÍAS 4:1

YandeYa Imbaepuere yae ete vae jei: “Ko ma ou ara jaku rai yae horno rami vae. Opaete oyembopɨa pochɨ vae reta jare opaete ikavimbae iyapoa reta okaita kapii jendɨ rami. Jókuae ara outa oï vae oapɨ retata, jare ngaraa jembɨre jäka jare japo ave chugüi reta.

San Lucas 12:20

Ërei Tumpa jei jókuae kuimbae pe: ‘Yarakuaambae, kuae pɨ̈tu remanota. Jayave opaete mbaembae reñovatu vae ¿kia peguarä pa?’ ”