DANIEL 11:40 - Biblia Guarani Tumpa Iñee

⁴⁰ Ërei ou ma oväe ara iyapɨ yave, mburuvicha guasu arayevɨ kotɨgua oporepeñata mburuvicha guasu ɨvɨtuguasu kotɨgua re; ërei kuae opüata chupe ama ɨvɨtuai reve rami, käretou reta ndive, kavayu regua reta ndive jare jeta barco reta ndive; omboaita opaetei arayevɨ kotɨgua reta iɨvɨ.

DANIEL 11:40 ပူးပေါင်းရင်းမြစ်များ

ISAÍAS 21:1

Ɨguasu iyɨ́vɨri ñuu oï vae maratuta vae regua: Kusumirou Neguev kotɨ güi ou vae rami, jökorai ou ñuu kotɨ güi ɨvɨ yavaete vae kotɨ güi.

ISAÍAS 5:28

Juvɨ reta jakuaroviasɨta, igüɨrapa oñemoataasɨta, ikavayu reta ipɨ ita ramita täta, ikäretou reta iruera kusumirou ramita;

ISAÍAS 66:15

Echa, ko yandeYa outa tata re, jare ikäretou reta kusumirou rami, oitɨ vaerä iyarasɨ jare iporonupa, tata jendɨ rami.

JEREMÍAS 4:13

Mase, ko tovaicho reta yogüeru amapɨtu rami, ikäretou ñeraro pegua kusumirou rami, ikavayu reta iñäkua yae güɨraké güi. ¡Atataɨ, jaema ñakañɨtei!

EZEQUIEL 38:4

Romoamɨrita, añonota tɨ̈ai peyuru pe, jare rogüɨnoeta nde jare opaete ndesundaro reta, kavayu reta, kavayu regua reta, opaete oyemboemimonde kavi ñeraro pegua jare yeopiaka pe vae reta, opaete jae reta güɨnoi kɨsepuku.

EZEQUIEL 38:9

Reyuta nde ama ɨvɨtuai reve vae rami, amapɨtu ɨvɨ oyasoi ramita reñova ɨvɨ opaete ndesundaro reta ndive jare jeta oñemoïru nde ndive vae reta ndive.’

DANIEL 11:10

Ërei mburuvicha guasu ɨvɨtuguasu kotɨgua taɨ reta iyarasɨ yaeta jare omboatɨ retata jetagüe sundaro reta. Metei vae chugüi reta oporepeñata isundaro reta ndive mburuvicha guasu arayevɨ kotɨgua re, opaeteita omboai, ɨporu oporomboai rami; jaɨkue rupi jekuae oporepeña reta yeta oväe reta regua mburuvicha guasu arayevɨ kotɨgua iñepɨ̈roka pe.

DANIEL 11:11

Kuae jeko pegua mburuvicha guasu arayevɨ kotɨgua iyarasɨ yaeta jare oëta oñeraro mburuvicha guasu ɨvɨtuguasu kotɨgua ndive, jókuae jetagüe isundaro ndive oporepeña vae ndive, jare opaeteita omoamɨri.

DANIEL 11:13

Ërei mburuvicha guasu ɨvɨtuguasu kotɨgua omboatɨ yeta jeta yeyé sundaro tenonde yave vae güi, jókuae güi mbovɨ año rupi oporepeña yeta arayevɨ kotɨgua mburuvicha guasu re, jetagüe isundaro reta ndive jare jetagüe tembiporu ñeraro pegua ndive.

DANIEL 11:22

Opaeteita oyuka ikotɨ oyovaicho vae reta, ɨporu jeta oporoyuka rami; opaeteita omokañɨtei mburuvicha morogüɨrökuavee päve iyapoa ave.

DANIEL 11:25

Oyererovia katu yae jeko pegua oporepeñata jeta isundaro ndive mburuvicha guasu arayevɨ kotɨgua re. Ërei jae oyeapo kavita chupe jare oëta jeta sundaro reta ndive oñeraro jae ndive; ërei ngaraa ipuere jese, echa oyembotavɨukata.

DANIEL 11:35

Jökoraiño amogüe yarakuaa vae reta oiporarata oyetɨo, oyeyoe jare oñemotïi vaerä, ara iyapɨ Tumpa omoërakua vae oväe regua.

DANIEL 11:39

Jëta guasu ikësea oepɨ reta vaerä güɨnoita kuimbae reta omboete tumpa ambuae reta vae; opaete mbaemboete omee mburuvicha guasu pe vae reta, jae ombotuicha yaeta vi, omeeta chupe reta mbaepuere jare omboyaota chupe reta ɨvɨ.

DANIEL 11:7

Ërei ngatu metei iñemuña pegua oguapɨta jekovia pe, jae oporepeñata mburuvicha guasu ɨvɨtuguasu kotɨgua re, opɨ̈rota mburuvicha guasu jo kavi jare jupiegua reta oyemombaeta jae jeigüe re.

DANIEL 12:4

‘Ërei nde Daniel, kuae ñee reta jare tembikuatía eyokenda toï ou ara iyapɨ oväe regua. Jeta kotɨ kotɨ oeka reta tëita, jare yemboe okuakuaata.’

DANIEL 12:9

Jae jei cheve: ‘Mbaetɨta ndepuere reikuaa Daniel, echa kuae ñee reta oyeokenda opɨta ou ara iyapɨ oväe regua.

DANIEL 8:17

Jayave ou oya cheré. Che akɨɨye jare ayetavatɨka chetindɨasɨ ɨvɨ re, ërei jae jei cheve: ‘Nde kuimbae, kuae reecha vae ko ara reta iyapɨta ma yave vae regua.’

HABACUC 3:14

Itenondegua reyuka imii raɨ pe ae, ama ɨvɨtuai reve rami yavaete oporepeña yave ikavayu regua reta opa vaerä omoai moai ipuerembae vae reta, omboai vaerä paravete vae reta oikuaambae reve.

ZACARÍAS 9:14

YandeYa oyekuaaukata jese reta, imbae vae reta rupi juvɨ oëta ama-vera rami. YandeYa Tumpa omoñeeta mimbɨguasu, jare ojota ɨvɨtuai arayevɨ pegua ndive.

Apocalipsis 16:12

Jare araɨgua ovaa opɨyere kopa güɨnoi vae ɨ̈aka guasu Éufrates re. Jare tɨpa, oñemokätɨro mburuvicha guasu reta kuaraɨ oëa kotɨgua oasa vaerä.

Apocalipsis 9:16

Jare oyepapa sundaro kavayu regua reta yave aendu dosciento millone ñogüɨnoi.