DANIEL 11:37 - Biblia Guarani Tumpa Iñee

³⁷ Kuae mburuvicha guasu mbaetɨta omboete iñemuña reta itumpa, kuña reta itumpa-raanga reta ave mbaetɨta omboete, ïru tumpa reta ave mbaetɨta omboete, echa oyembotuicha yaeta opaete vae güi.

DANIEL 11:37 ပူးပေါင်းရင်းမြစ်များ

GÉNESIS 3:16

Kuña pe jei: —Ndepurúa yave ambojetata ndeve mbae jasɨ; membɨrasɨ reiporarata reiko; ndepɨa jemimbota neme jeia re oikota, jare jae ipo igüɨ pe reikota.

GÉNESIS 3:5

Echa Tumpa oikuaa katu ko jókuae ara peu ko yave, oyepeata peresa, jare peikota Tumpa rami, peikuaata ikavi vae jare ikavimbae vae.

CANTARES 7:10

Aaɨu vae imbae ko che; che ndive ko oyerovia katu.

ISAÍAS 14:13

Rere yepi ndepɨa pe ndeyeupe: ‘Tayeupi ara kotɨ; tañono cheguapɨka mborookuaía pegua Tumpa iyasɨtata reta iárambo ye; taguapɨ ɨvɨtɨ guasu, tumpa reta ñogüɨnoia pe ɨvɨtuguasu kotɨ.

ISAÍAS 14:14

Tayeupi amapɨtu ɨvate yae vae kutɨ ye; tamboyovake Tuicha yae ete vae.’

EZEQUIEL 24:16

“Nde kuimbae, aekɨta ndegüi nderembireko güɨramoi peguaño. Ërei agüɨye eäpiro, agüɨye eyaeo, agüɨye epɨyere nderesaɨ.

EZEQUIEL 28:2

“Nde kuimbae, ere mburuvicha guasu Tiro pegua pe: CheYa Tumpa jei körai: Nde ndepɨayemboete yae, rere ndeyeupe: ‘Che ko jae metei tumpa aguapɨ aï Tumpa iguapɨa pe ɨguasu mbɨte pe vae.’ Ërei nde jaeä ko Tumpa, nde ko metei kuimbaeño. Ndepɨa pe reyemongeta ndearakuaa katu metei tumpa rami.

DANIEL 11:36

Mburuvicha guasu ɨvɨtuguasu kotɨ oyapota opaete jae jeigüe. Oyererovia katuta imbaepuere yae ete ko opaete tumpa reta güi vae, jare jeita ikavimbae yae vae Tumpa kotɨ; opaete oë kavita chupe, Tumpa oiporarauka chupe regua, echa Tumpa jei oyapota vae, oyapota ko.

DANIEL 11:38

Ërei ngatu omboeteta mbaepuere ñeraro pegua; omboeteta jókuae iñemuñagüe reta mbaetɨ omboete vae; omboeteta oro pe, korepoti pe, ita reta ipöra yae vae jare mbaembae jepɨ yae vae pe.

DANIEL 8:11

jare jókuae yasɨtata reta Iyapoa pe ave oyembotuicha; oyopia mɨmba reta oyeyuka oñemee Tumpa pe ara ñavo vae jare omboeteä o mbaemboetea.

DEUTERONOMIO 21:11

jare jókuae tembipɨɨ reta ipɨte pe peecha yave kuña maepöra yae vae, jare peporopota pemae jese jare peipɨɨ perembirekorä,

DEUTERONOMIO 5:21

Agüɨye peipotarai perapicha jembireko, jo ave agüɨye peipota, iɨvɨ jare jembiokuai kuimbae ani jembiokuai kuña, igüeye ani imburika ani oipotagüe mbae perapicha imbae.’

2 Tesalonicenses 2:4

Jae oñemopüata Tumpa kotɨ jare opaete mbaemboete oñemee chupe vae reta kotɨ, jare jae etei oguapɨta tupao pe jare jeita iyeupe: “Che Tumpa ko.”

1 Timoteo 4:3

Oyopia retata omenda, jare oyopia retata tembíu Tumpa oyapo vae, jókuae oporogüɨrovia vae reta jare añete vae oikuaa vae reta ipuere vaerä jou omee reve yasoropai jese vae.