DANIEL 11:36 - Biblia Guarani Tumpa Iñee

³⁶ Mburuvicha guasu ɨvɨtuguasu kotɨ oyapota opaete jae jeigüe. Oyererovia katuta imbaepuere yae ete ko opaete tumpa reta güi vae, jare jeita ikavimbae yae vae Tumpa kotɨ; opaete oë kavita chupe, Tumpa oiporarauka chupe regua, echa Tumpa jei oyapota vae, oyapota ko.

DANIEL 11:36 ပူးပေါင်းရင်းမြစ်များ

SALMOS 136:2

Pemboete Tumpa, tumpa-raanga reta güi imbaepuere yae vae, echa iporoparareko jekuae avei vae ko.

SALMOS 33:10

YandeYa güɨrokomegua tëtaguasu reta oyemongeta tëi oyapo vaerä vae, güɨrokomegua tëta reta iyemongeta,

PROVERBIOS 19:21

Kuimbae ipɨa pe jeta iyemongeta, ërei yandeYa jei vaeño ko oyeapota.

ISAÍAS 10:23

Echa yandeYa Tumpa Imbaepuere yae ete vae oyapota kañɨtei oñemoërakua ma kuae tëtaguasu re vae.

ISAÍAS 10:25

Echa köi yae ma oï chearasɨ poi vaerä pekotɨ, jayave opata amokañɨtei tovaicho reta.

ISAÍAS 10:5

Echa Tumpa jei: “¡Tëtaguasu Asiria! Jae ko popoka ɨvɨra pegua aporonupa pɨpe chearasɨ yave vae, ipo pe añono chearasɨ.

ISAÍAS 14:13

Rere yepi ndepɨa pe ndeyeupe: ‘Tayeupi ara kotɨ; tañono cheguapɨka mborookuaía pegua Tumpa iyasɨtata reta iárambo ye; taguapɨ ɨvɨtɨ guasu, tumpa reta ñogüɨnoia pe ɨvɨtuguasu kotɨ.

ISAÍAS 14:14

Tayeupi amapɨtu ɨvate yae vae kutɨ ye; tamboyovake Tuicha yae ete vae.’

ISAÍAS 26:20

Cherëtaɨgua reta, peike pero pe, jare peyokenda öke peike yave. Peñemi räri joko pe, yandeYa iyarasɨ oasa regua.

ISAÍAS 30:33

Echa kuae ɨma ma oyeapo katu oiko Asiria peguarä jare juvicha guasu peguarä, oiporarata pɨpe vae ipɨguasu jare kɨ̈pe, tata oyemoendɨ jeta yepea ndive vae. YandeYa omoendɨta ipɨ̈túe pe, jókuae ko azufre jeta oyepɨyere vae rami.

ISAÍAS 46:10

Che amoërakua mbaembae oasata vae, iyɨpɨ güive voi ma, jare arakae güive voi ma amoërakua mbaembae oasata vae. Che ayemongeta vae, oyeapota ko, ayemongeta ayapo vaerä vae, ayapota ko.

ISAÍAS 57:9

Reo tumpa-raanga kotɨ, reraja reve asaite jare jeta ikäti kavi vae; remondo mombɨrɨ ñee jerajaa reta nderekovia pe, remondo ɨvɨ kotɨ omanogüe reta ñogüɨnoia pe.

EZEQUIEL 28:2

“Nde kuimbae, ere mburuvicha guasu Tiro pegua pe: CheYa Tumpa jei körai: Nde ndepɨayemboete yae, rere ndeyeupe: ‘Che ko jae metei tumpa aguapɨ aï Tumpa iguapɨa pe ɨguasu mbɨte pe vae.’ Ërei nde jaeä ko Tumpa, nde ko metei kuimbaeño. Ndepɨa pe reyemongeta ndearakuaa katu metei tumpa rami.

EZEQUIEL 35:13

Pe reta peyembotuicha chekotɨ peñee rupi, jeta ñee ikavimbae pere chekotɨ. Che aendu ko.

DANIEL 11:16

Jókuae oporepeña jese vae oyapota jae jeigüe, mbaetɨ eteita kia ipuere jese, opɨtata jókuae ɨvɨ ikavi yae vae pe, jare opata omboai.

DANIEL 11:3

Ërei jaɨkue rupi opüata metei mburuvicha guasu jëia yae vae, jae güɨnoita mbaepuere opaete vae re jare oyapota jae jeigüe.

DANIEL 11:37

Kuae mburuvicha guasu mbaetɨta omboete iñemuña reta itumpa, kuña reta itumpa-raanga reta ave mbaetɨta omboete, ïru tumpa reta ave mbaetɨta omboete, echa oyembotuicha yaeta opaete vae güi.

DANIEL 12:7

Jare aendu kuimbae ɨ iárambo oyemboɨ oï vae, jemimonde lino pegua vae iñee, jae omopüa ipo reta ara kotɨ, jare jei oikove avei vae jee re: ‘Mboapɨ año y medio rupi, tëta oñeñono tee vae imbaepuere oyemboai oiko vae iyapɨ ma yave outa oyembopo opaete kuaekuae reta.’

DANIEL 2:47

Jare mburuvicha guasu jei Daniel pe: —Añetete yepe peTumpa güɨnoi mbaepuere tumpa reta güi, jare imbaepuere yae mburuvicha guasu reta güi, jare jae oikuaauka yaikuaa rapeä vae, echa ndepuere reikuaauka cheve kuae aikuaa rapeä vae.

DANIEL 4:35

Opaete ɨvɨ pegua reta mbaeä etei ko. Jae oyapo jemimbota ara pe jare ɨvɨ pegua reta pe. Mbaetɨ kia ipuere oyopia imbaepuere jare jei chupe: ¿Mbae pa reyapo?’

DANIEL 5:19

Jare yembotuicha omee chupe vae rupi, opaete vae tëta reta, jare tëtaguasu reta jare ïru ñee pe imiari vae reta orɨrɨi jare okɨɨye chugüi. Jae oipota oyuka vae oyuka, jare mbaetɨ oipota oyuka vae mbaetɨ oyuka, jare oipota ombotuicha vae ombotuicha ani oipota omomichi vae omomichi.

DANIEL 5:20

Ërei oyembopɨapochɨ jare ipɨa omotäta oyemboete reve yave, oñerenoeuka oyemombo iporookuaía güi jare oyemombouka iyemboetea güi.

DANIEL 7:8

Che amae aï ramboeve jókuae jäti reta re, aecha jókuae reta ipäu güi oë ye ïru jäti ma michi vae, jayave oakɨo reta chugüi mboapɨ jäti jókuae taɨkue oë vae jendarä; kuae oime jesa, kuimbae jesa rami jare imiari jeta mbaembae ikavimbae.

DANIEL 8:19

jare jei cheve: ‘Chemiarita ndeve mbae ra oasata Tumpa iyarasɨ poita ma yave vae regua, echa kuae reecha vae ko ara reta iyapɨta ma yave vae regua.

DANIEL 8:4

Aecha jókuae vecha kuimbae oporombopere jäti pe kuaraɨ oikea kotɨ, ɨvɨtuguasu kotɨ jare arayevɨ kotɨ, jare mbaetɨ mbae nunga mɨmba ave ipuere oñeraro jae ndive, mbaetɨ vi ipuere oasayepe chugüi vae; oyapo jae jeigüeño jare jeieteño oyembotuicha.

ZACARÍAS 11:16

Echa che amopüa kuae ɨvɨ pe metei omaangareko vae mbaetɨta oeka okañɨgüe, mbaetɨta vi oeka ndeigüe ani oipoano ipere vae, ikangɨgüe ave mbaetɨta ovoɨ güɨraja, jaeño jouta ikɨra vae isoo jare ipɨ̈sagüe ave mbaetɨta oeya.

San Juan 5:30

Cheyeugüi aeño mbaetɨ chepuere mbae ayapo. Che aporojäa aendu rupi. Jáeramo aporojäa jupi rupi. Echa mbaetɨ ayapo cheremimbotaño. Ayapo ko cheRu chembou vae jemimbotaño.

San Juan 6:38

Echa agüeyɨ ara güi ayapo vaerä chembou vae jemimbota. Mbaetɨ ayu ayapo vaerä cheremimbota.

Hechos 4:28

Ombopo reta vaerä ndembaepuere rupi arakae voi ma rere oyeapo vaerä vae.

DEUTERONOMIO 10:17

echa yandeYa Tumpa güɨnoi mbaepuere tumpa-raanga reta güi, jare imbaepuere yae ete mbaepuere güɨnoi vae reta güi, Tumpa tuicha yae vae jare imbaepuere yae vae, mbaetɨ oporomboyoavɨ jare mbaetɨ oipɨɨ vɨari mbae oyemboepɨ vɨarigüe;

2 Tesalonicenses 2:3

Ërei agüɨye pemaeño kia re kërai ave yepe tapembotavɨ. Echa jókuae ara, ngaraa ou ndei ou mbove yembopɨapochɨ Tumpa kotɨ vae iara, jare kuimbae mbaeyoa pegua oyekuaata vae, okañɨteita vae.

2 Tesalonicenses 2:4

Jae oñemopüata Tumpa kotɨ jare opaete mbaemboete oñemee chupe vae reta kotɨ, jare jae etei oguapɨta tupao pe jare jeita iyeupe: “Che Tumpa ko.”

2 Tesalonicenses 2:8

Jayave oyekuaata jókuae ikavimbae vae iyapoa. Jókuae yandeYa oyukata ipɨ̈túe pe vae, jare omboaita ko, ou yave jembipeasɨ reve.

JOSUÉ 22:22

—YandeYa Tumpa, opaete tumpa reta güi imbaepuere vae oikuaa mbaetɨ ko royapo orepɨapochɨ güi vae ani rosɨrɨ vaerä chugüi. Jae oikuaa jare toikuaauka peve opaete; agüɨye tiñɨ̈ro oreve mbaetɨ ko jaekavi royapo yave.

Apocalipsis 10:7

echa araɨgua chiúa omboɨpɨ ma omoñee mimbɨguasu yave, opata oyembopo Tumpa iyemongeta yaikuaa rapembae vae, jae oikuaauka jembiokuai iñeemombeúa reta rupi vae.”

Apocalipsis 12:14

Ërei oñemee kuña pe mókoi güɨraké tuicha vae ipepo, ipuere vaerä oveve ñuu kotɨ mboi güi. Jare joko pe omongaru retata kuña mboapɨ año y medio.

Apocalipsis 13:1

Ayemboɨ ɨguasu jembeɨ pe ɨvɨkuitï pe, jare aecha mbaemɨmba guasu oë ɨguasu güi, güɨnoi chiu iñäka, payandepo jäti jare jókuae jäti ñavo re güɨnoi äka-regua. Jare iñäka re güɨnoi tee ikavimbae Tumpa kotɨ vae.

Apocalipsis 17:17

echa Tumpa oñono ipɨa reta pe oyapo reta vaerä jae jemimbota, omometei vaerä iyemongeta jare omeeta iporookuaía reta mbaemɨmba guasu pe, oyembopo regua Tumpa jei vae.

Apocalipsis 17:3

Jayave araɨgua chereraja Espíritu Santo imbaepuere pe ñuu kotɨ. Jare joko pe aecha metei kuña oguapɨ oï metei mbaemɨmba guasu pɨ̈ta vae chiu iñäka vae jare payandepo jäti vae re. Jare jókuae mbaemɨmba guasu re oyekuatía oï jeta tee jare jókuae tee reta rupi jei ikavimbae vae Tumpa kotɨ.