DANIEL 11:35 - Biblia Guarani Tumpa Iñee

³⁵ Jökoraiño amogüe yarakuaa vae reta oiporarata oyetɨo, oyeyoe jare oñemotïi vaerä, ara iyapɨ Tumpa omoërakua vae oväe regua.

DANIEL 11:35 ပူးပေါင်းရင်းမြစ်များ

2 CRÓNICAS 32:31

Ërei Babilonia pegua mburuvicha reta ombou ñee jerajaa reta opou vaerä ípɨri yave jare oikuaa reta vaerä mɨakañɨ oasa jókuae ɨvɨ pe vae re yave, Tumpa omaeño Ezequías re, ojäa vaerä jare oikuaauka vaerä kërai ko ipɨa pe yemongeta güɨnoi vae.

PROVERBIOS 17:3

Oro jare korepoti, oyetɨ o kavi tata pe; ërei yemongeta reta, ojäa yandeYa.

ISAÍAS 27:9

Jare Jacob iñemuña reta pe iñɨ̈rota iyoa reta re, oiporu chupe reta vae oyapo yave, jae ko: Opa vaerä omonguruvi ita reta, itumpa reta pe mbota omee jese vae, tövati oyemonguruvi vae rami, agüɨye vaerä ma oyapo reta Asera iä, ani kuaraɨ iä reta yepe.

DANIEL 11:27

Jayave jókuae mókoi mburuvicha guasu reta oyemongetata oyapo vaerä oyoupe ikavimbaeño, oguapɨ retata okaru päve metei mesa pe jare imiarita oyoupe apu rupi, ërei mbaetɨta metei pe ave oë kavi, echa ndeiño oväe ara.

DANIEL 11:29

Jare oväe ma jókuae año yave, jekuae ou yeta oporepeña isundaro reta ndive arayevɨ kotɨ; ërei ngaraa ma oporomoamɨri tenonde yave oporomoamɨri rami.

DANIEL 11:33

Tëta guasu pegua yarakuaa vae reta omboeta jeta vae; ërei jaɨkue rupi omano retata kɨsepuku pe, oapɨ retata, opɨ̈rota chugüi reta opaete mbae güɨnoigüe jare opata güɨraja reta tembipɨɨrä ïru ɨvɨ pe. Kuae oikota mbovɨ año rupi.

DANIEL 11:40

Ërei ou ma oväe ara iyapɨ yave, mburuvicha guasu arayevɨ kotɨgua oporepeñata mburuvicha guasu ɨvɨtuguasu kotɨgua re; ërei kuae opüata chupe ama ɨvɨtuai reve rami, käretou reta ndive, kavayu regua reta ndive jare jeta barco reta ndive; omboaita opaetei arayevɨ kotɨgua reta iɨvɨ.

DANIEL 12:3

Yarakuaa katu vae reta omboesapeta, ara jembipe rami; jeta vae omboe jupi re vae reta, omboesapeta yasɨtata rami jekuae avei pegua.

DANIEL 12:4

‘Ërei nde Daniel, kuae ñee reta jare tembikuatía eyokenda toï ou ara iyapɨ oväe regua. Jeta kotɨ kotɨ oeka reta tëita, jare yemboe okuakuaata.’

DANIEL 8:10

Jókuae okuakuaa ojo regua oväe yasɨtata reta pe; jare oitɨ mbovɨ yasɨtata reta jare opa opɨ̈ro pɨ̈ro jese,

DANIEL 8:17

Jayave ou oya cheré. Che akɨɨye jare ayetavatɨka chetindɨasɨ ɨvɨ re, ërei jae jei cheve: ‘Nde kuimbae, kuae reecha vae ko ara reta iyapɨta ma yave vae regua.’

DANIEL 8:19

jare jei cheve: ‘Chemiarita ndeve mbae ra oasata Tumpa iyarasɨ poita ma yave vae regua, echa kuae reecha vae ko ara reta iyapɨta ma yave vae regua.

DANIEL 9:27

Metei semana vae re jae oyapota metei morogüɨrökuavee päve jeta vae ndive; ërei semana mbɨte rupi oyopiata agüɨye vaerä ma oyeapo mɨmba oyeyukagüe jare mbota reta oñemee vae. Ikavimbae yae vae oyeapota tupao pe, ou regua oväe kañɨtei ikavimbae yae vae iyapoa re.’ ”

HABACUC 2:3

Ndei vɨteri oväe oyembopo vaerä kuae oyekuaa vae; ërei ngaraa oasa oyembopombae. Nde eäro, yepe tëi ara oväe raiviä, echa ouño täi ko iara pe.

ZACARÍAS 13:9

Jare jókuae jembɨregüe amoingeta tata pe, jare amondɨkuita, korepoti oyemondɨkui rami, jare ambokavita, oro oyembokavi rami. Jayave jae chereenɨita, jare che aenduta chupe, jare jaeta: ‘Tëta chembae’, jare jae jeita: ‘YandeYa ko jae cheTumpa.’ ”

San Mateo 16:17

Jayave Jesús jei Pedro pe: —Reyekou ko Simón, Jonás taɨ. Echa cheRu ara pe oï vae ko oikuaauka ndeve kuae. Mbaetɨ ko kia oikuaauka ndeve.

San Mateo 26:56

Ërei opaete kuae oyeapo oï oyembopo vaerä ñeemombeúa reta jei vae Tumpa Iñee pe oï vae. Jayave opaete jemimboe reta oeya, jare opa otekuarai.

San Juan 15:2

Opaete jäka iambae oï cheré vae cheRu oyasɨata. Jare opaete jäka ia vae reta oitɨota, jeta ia vaerä.

San Juan 20:25

Jare ïru Jesús jemimboe reta jei Tomás pe: —Roecha yandeYa. Ërei Tomás jei: —Aecha yave oyekutu rendagüe ipo re jare amoingeä yave chepoäka clavo jendagüe pe jare amoingeä yave chepo iyɨke pe, ngaraa arovia.

Hechos 13:13

Jayave Pablo jare iñeïru reta yogüɨraja barco pe Pafos güi, yogüɨraja oväe tëta guasu Perge ɨvɨ Panfilia pegua pe. Ërei Juan oeya reta ye ojo Jerusalén kotɨ.

DEUTERONOMIO 8:16

pemongaru ñuu rupi maná pe, tembíu peñemuñagüe reta mbaetɨ oikuaa vae pe, pemoñemomichi jare pejäa, jökorai peapo kavi peiko kavi vaerä.

Santiago 1:2

Cherɨvɨ reta, jeieteño peyerovia oime yave opaño mbae nunga mbaemboavai ou peve.

Apocalipsis 14:15

Jare tupao güi oë ïru araɨgua jare iñeeäta reve jei amapɨtu re oguapɨ oï vae pe: “¡Eiporu jókuae hoz jare embaarɨvo! Echa mbaarɨvo iara ou ma oväe, echa mbaagüɨye ma ɨvɨ pe.”

Apocalipsis 17:17

echa Tumpa oñono ipɨa reta pe oyapo reta vaerä jae jemimbota, omometei vaerä iyemongeta jare omeeta iporookuaía reta mbaemɨmba guasu pe, oyembopo regua Tumpa jei vae.

Apocalipsis 2:10

Agüɨye etei ekɨɨye reiporarata vae güi. Mase, aña guasu peñoñaukata amogüe pe reta tembipɨɨrɨru pe, oyekuaa vaerä peporogüɨrovia añetete ra; jare peiporarata payandepo ara pegua. Nepɨ̈rata ndeporogüɨrovia pe remano regua, jare ameeta ndeve tekove opambae vae.

Apocalipsis 7:14

Jare che jae chupe: “Cheru, nde ko reikuaa.” Jayave jae jei cheve: “Kuae reta ko jae yogüeru tembiporara guasu güi vae. Oputuka jemimonde jare omotïi Vecha kuimbae taɨrusu vae jugüɨ pe vae.