DANIEL 11:29 - Biblia Guarani Tumpa Iñee

²⁹ Jare oväe ma jókuae año yave, jekuae ou yeta oporepeña isundaro reta ndive arayevɨ kotɨ; ërei ngaraa ma oporomoamɨri tenonde yave oporomoamɨri rami.

DANIEL 11:29 ပူးပေါင်းရင်းမြစ်များ

ISAÍAS 14:31

¡Neräse tëta guasu jöke, pesapúkai, tëta guasu reta Filistea pegua! Echa ɨvɨtuguasu kotɨ güi outa tätati rami sundaro reta; chugüi reta mbaetɨta metei ave ipɨtu vae.

DANIEL 10:1

Ciro mboapɨa año ma oiko mburuvicha guasurä Persia pe yave, Daniel, Beltsasar jee vae pe ou ñee; jókuae ñee oendu vae añetete vae ko, jare yavai yae vae ko; ërei jae oikuaa mbae ko oipota jei jókuae oecha vae.

DANIEL 11:23

Ombotavɨta vi jae ndive morogüɨrökuavee päve oyapo tëi vae reta, jökorai mbovɨ yae sundaro güɨnoi reve oporomoamɨrita.

DANIEL 11:25

Oyererovia katu yae jeko pegua oporepeñata jeta isundaro ndive mburuvicha guasu arayevɨ kotɨgua re. Ërei jae oyeapo kavita chupe jare oëta jeta sundaro reta ndive oñeraro jae ndive; ërei ngaraa ipuere jese, echa oyembotavɨukata.

DANIEL 11:28

Mburuvicha guasu ɨvɨtuguasu kotɨgua oyerova yeta iɨvɨ kotɨ jeta mbaembae ñeraro pe opɨ̈rogüe ndive; jare oyembopɨapochɨta morogüɨrökuavee päve rupi oñeñono tee vae reta kotɨ, oyapota jae jeigüe, javoi oyerova yeta iɨvɨ kotɨ.

DANIEL 11:30

Echa oporepeñata jese reta barco pe Quitim pegua reta jare okɨɨye retata, javoi opa yeta oyerova reta iɨvɨ kotɨ. Jayave mburuvicha guasu ɨvɨtuguasu kotɨgua iyarasɨta morogüɨrökuavee päve rupi oñeñono tee reta vae kotɨ jare oyapota jae jeigüe, oyomborɨta morogüɨrökuavee päve omboetembae reta ndive.

DANIEL 8:19

jare jei cheve: ‘Chemiarita ndeve mbae ra oasata Tumpa iyarasɨ poita ma yave vae regua, echa kuae reecha vae ko ara reta iyapɨta ma yave vae regua.

Hechos 17:26

Jae oyapo metei kuimbae güi opaete vae reta yogüɨreko vaerä ɨvɨ iárambo. Tumpa etei ko omee ɨvɨ pegua reta pe kërai yave jare kia pe yogüɨreko vaerä.

Gálatas 4:2

Echa imboea reta jare iyangarekoa reta güɨnoi mbaepuere jese, oupitɨ regua iaño tu jei chupe rami.