DANIEL 11:27 - Biblia Guarani Tumpa Iñee

²⁷ Jayave jókuae mókoi mburuvicha guasu reta oyemongetata oyapo vaerä oyoupe ikavimbaeño, oguapɨ retata okaru päve metei mesa pe jare imiarita oyoupe apu rupi, ërei mbaetɨta metei pe ave oë kavi, echa ndeiño oväe ara.

DANIEL 11:27 ပူးပေါင်းရင်းမြစ်များ

2 SAMUEL 13:26

Jayave Absalón jei: —Mbaetɨta jökorai yave, emaeño tojo orerupíe cherɨkeɨ Amnón. Jayave mburuvicha guasu jei: —¿Maera pa reipota ojo nderupíe nderɨkeɨ Amnón?

SALMOS 12:2

Iyapu päve oyoupe reta; omboyukɨ imiari reta oyoupe, iyemongeta ambuaeyee reve.

SALMOS 52:1

¿Maera pa reyembotuicha ndereko kavimbae re, nde imbaepuere yae vae? ¡Tumpa iporoaɨu opambae ko!

SALMOS 58:2

¡Mbaetɨ! Pepɨa pe peyemongeta peyapo vaerä ikavimbae; jeieteño peyapo ikavimbae ɨvɨ pe.

SALMOS 62:9

Añetete, kuimbae reta mbaeä etei ko, paravete vae ani oikokatu vae; mbaejäaka pe oñejäa reta yave, mbaetɨ etei oñejäa ramiñota ko.

SALMOS 64:6

Oyemongeta reta mbaetɨta kia oikuaa chugüi reta ikavimbae oyapo vae. Ërei Tumpa ipuere oikuaa kuimbae iyemongeta vae, jae oikuaa kavita.

PROVERBIOS 12:20

Iyemongeta kavimbae reta ipɨa pe, oime mborombotavɨ; ërei iyemongeta kavi vae reta ipɨa pe, oime yerovia katu.

PROVERBIOS 19:21

Kuimbae ipɨa pe jeta iyemongeta, ërei yandeYa jei vaeño ko oyeapota.

PROVERBIOS 26:23

Yapepo ñaeu pegua oñeova korepoti pe rami ko, iñee yeaeä ipɨapochɨ reve vae.

EZEQUIEL 17:9

Ere chupe reta: ‘YandeYa Tumpa jei Körai: Kuae uva ngaraa oiko. Tenondegua güɨraké oapomondorota, jare opata osururu ia reta, jare opata yɨpi; yavaimbae etei jare mbovɨ vae ndiveño oapomondorota.

DANIEL 10:1

Ciro mboapɨa año ma oiko mburuvicha guasurä Persia pe yave, Daniel, Beltsasar jee vae pe ou ñee; jókuae ñee oendu vae añetete vae ko, jare yavai yae vae ko; ërei jae oikuaa mbae ko oipota jei jókuae oecha vae.

DANIEL 11:28

Mburuvicha guasu ɨvɨtuguasu kotɨgua oyerova yeta iɨvɨ kotɨ jeta mbaembae ñeraro pe opɨ̈rogüe ndive; jare oyembopɨapochɨta morogüɨrökuavee päve rupi oñeñono tee vae reta kotɨ, oyapota jae jeigüe, javoi oyerova yeta iɨvɨ kotɨ.

DANIEL 11:29

Jare oväe ma jókuae año yave, jekuae ou yeta oporepeña isundaro reta ndive arayevɨ kotɨ; ërei ngaraa ma oporomoamɨri tenonde yave oporomoamɨri rami.

DANIEL 11:35

Jökoraiño amogüe yarakuaa vae reta oiporarata oyetɨo, oyeyoe jare oñemotïi vaerä, ara iyapɨ Tumpa omoërakua vae oväe regua.

DANIEL 11:40

Ërei ou ma oväe ara iyapɨ yave, mburuvicha guasu arayevɨ kotɨgua oporepeñata mburuvicha guasu ɨvɨtuguasu kotɨgua re; ërei kuae opüata chupe ama ɨvɨtuai reve rami, käretou reta ndive, kavayu regua reta ndive jare jeta barco reta ndive; omboaita opaetei arayevɨ kotɨgua reta iɨvɨ.

DANIEL 8:17

Jayave ou oya cheré. Che akɨɨye jare ayetavatɨka chetindɨasɨ ɨvɨ re, ërei jae jei cheve: ‘Nde kuimbae, kuae reecha vae ko ara reta iyapɨta ma yave vae regua.’

DANIEL 8:19

jare jei cheve: ‘Chemiarita ndeve mbae ra oasata Tumpa iyarasɨ poita ma yave vae regua, echa kuae reecha vae ko ara reta iyapɨta ma yave vae regua.

HABACUC 2:3

Ndei vɨteri oväe oyembopo vaerä kuae oyekuaa vae; ërei ngaraa oasa oyembopombae. Nde eäro, yepe tëi ara oväe raiviä, echa ouño täi ko iara pe.

Hechos 1:7

Jesús jei chupe reta: —Mbaetɨ ko peve reta oñemee jókuae peikuaa vaerä. Jaeño cheRu oikuaa jókuae re.

Hechos 17:31

Echa jae oiparavo ma metei ara ojäauka vaerä jupi rupi ɨvɨ pegua reta, jókuae kuimbae jae oiparavo vae rupi. Jare jókuae oechauka opaete ɨvɨ pegua reta pe, jae omoingove ye yave omanogüe reta ipɨte güi.”

1 Tesalonicenses 5:1

Ërei kuae kërai yave oasata vae regua, aecha mbaetɨ jupi aikuatía vaerä peve cherɨvɨ reta.