DANIEL 11:21 - Biblia Guarani Tumpa Iñee

²¹ Jae jaɨkue rupi oguapɨta mburuvicha guasurä metei kuimbae jeko kavimbae yae vae, oiko potaä tëi mburuvicha guasurä vae; jae mbaetɨta oechauka ikavimbae oyapota vae, ërei oguapɨta mburuvicha guasurä yembotavɨ rupi.

DANIEL 11:21 ပူးပေါင်းရင်းမြစ်များ

SALMOS 12:8

Oreöva jeko kavimbae vae reta, opaete vae reta omboete ikavimbae.

SALMOS 15:4

omotareɨ omae, oñemotareɨuka vae re vae, ërei güɨnoi mboromboete jókuae Tumpa güi oipoɨu vae re; ombopo avei iñee, yepe tëi yavai, mbaetɨ oipoepɨ iyemongeta.

SALMOS 55:21

Ñee oë iyuru güi vae, neche kɨra ipɨuasɨ kavi rami, ërei ngatu ipɨa pe oï ñeraro. Iñee kaviasɨ, asaite iïchɨi kavi rami, ërei ngatu jae ko kɨse oyeimbee kavi vae rami.

ISAÍAS 32:5

Ngaraa ye ma omboete reta kuimbae jeko kavimbae vae, jeko kavi vae rami, ngaraa ye ma omboete reta kuimbae jeko pɨ̈chɨi vae, imboetea vae rami.

DANIEL 11:20

Jekovia pe oguapɨta ïru mburuvicha guasu; jae oñonota okovara vae oyemboikokatu yae vaerä; ërei mbovɨ añoa peño oyuka retata, mbaetɨta arasɨ rupi ani ñeraro pe.

DANIEL 11:32

Mburuvicha guasu iñee-yukɨ rupi omokɨ̈reɨ morogüɨrökuavee päve omboetembae reta, ërei Tumpa kotɨ iporogüɨrovia vae reta yogüɨrekota jupi rupi jare oeka retata kërai yogüɨreko vaerä mbaemboavai pɨte rupi.

DANIEL 11:34

Mbaesusere rupi ma yogüɨreko yave, omboresive retata mbovɨ yemborɨ, jare jeta oñemoïruta jae reta ndive, ërei mbae oipota reta jeko peguaño.

DANIEL 11:7

Ërei ngatu metei iñemuña pegua oguapɨta jekovia pe, jae oporepeñata mburuvicha guasu ɨvɨtuguasu kotɨgua re, opɨ̈rota mburuvicha guasu jo kavi jare jupiegua reta oyemombaeta jae jeigüe re.

DANIEL 4:17

Kuae yemongeta oë ikotɨ vae araɨgua omaangareko vae reta güi ko, jókuae iyoambae reta güi, opaete oikove vae reta oikuaa vaerä Tuichagüe yae ete vae ko güɨnoi mbaepuere kuimbae reta iporookuaía re, echa jae omee kia nunga vae pe oipota omee yave, oñono mburuvicharä mbaeä etei kuimbae reta ipɨte pe vae.

DANIEL 7:8

Che amae aï ramboeve jókuae jäti reta re, aecha jókuae reta ipäu güi oë ye ïru jäti ma michi vae, jayave oakɨo reta chugüi mboapɨ jäti jókuae taɨkue oë vae jendarä; kuae oime jesa, kuimbae jesa rami jare imiari jeta mbaembae ikavimbae.

DANIEL 8:23

Kuae mburuvicha guasu reta iporookuaía opa ma iyapɨ imbaepuere yave, jare teko ikavimbae reta jeiete yae ma yave, metei mburuvicha guasu iporomboetembae vae, ipoki yae mbae yavai yae oyapo kavi vae oguapɨta mburuvicharä.

DANIEL 8:25

Ipoki yae oporombotavɨ vae rupi oë kavi aveita chupe mbaembae. Oyembotuicha yaeta, jare jeta kuimbae yogüɨreko pɨagüive vae oyukata iparanoe. Oñemopüata mburuvicha reta Juvicha re, ërei oñemoamɨriukata chupe.

DANIEL 8:9

Jókuae jäti reta güi metei vae re oë ye ïru michi vae, kuae okuakuaa arayevɨ kotɨ, kuaraɨ oëa kotɨ jare ɨvɨ ikavi yae vae kotɨ.

NAHUM 1:14

Ërei ngatu Tumpa oporookuai ndekotɨ, mburuvicha guasu Nínive pegua: “Mbaetɨta neñemuña, nderee agüɨye vaerä ma jërakua; netumpa reta jo güi amboaita mbae iä reta, joko pe opata roñotɨ, echa oñereröɨrogüe ma ko nde.”

1 SAMUEL 3:13

Che amombeu chupe aiporarauka vaerä iñemuña reta pe jekuae avei pegua, mbaeyoa jae oikuaa oï vae re; echa taɨ reta cheangao, jare jae mbaetɨ oyopia taɨ reta.