DANIEL 11:15 - Biblia Guarani Tumpa Iñee

¹⁵ Mburuvicha guasu ɨvɨtuguasu kotɨgua outa jare omopüata iyeupikarä tëta guasu ikësea ikupe rupi jare opɨ̈rota. Arayevɨ kotɨgua mburuvicha guasu isundaro reta ngaraa ipuere jare sundaro jëia yae vae reta ave ngaraa ipuere jovaicho reta re.

DANIEL 11:15 ပူးပေါင်းရင်းမြစ်များ

JEREMÍAS 33:4

Che ndeYa, Israel iTumpa, amombeu ndeve Jerusalén jare mburuvicha guasu reta jëta Judá pegua regua, jókuae oyemboaita tembiporu ñeraro pegua jare yɨɨ pe oï vae. Ñogüɨnoe oñeraro vaerä jókuae Caldeaɨgua reta oporepeña tëta re vae ndive yave, omano vaeräño ko ñogüɨnoeta. Echa chearasɨ yae jeko pegua ameeta omano reta vaerä, echa kuae tëta güi ayembosɨrɨ, ikavimbae yae vae oyapo reta jeko pegua.

JEREMÍAS 5:10

¡Toike tovaicho reta chupe, jare topa tomboai reta, uvarupa tomboai reta, ërei agüɨye opaetei tomboai! ¡Jäka topa toakɨo reta, echa chembaeä ma ko!

JEREMÍAS 52:4

Sedequías chau año ma oiko mburuvicha guasurä yave, payandepoa yasɨ, payandepo araa pe, Nabucodonosor mburuvicha guasu Babilonia pegua ou opaete isundaro reta ndive oporepeña Jerusalén re jare opa oñova. Oyembojeyupa reta jare omopüa reta ɨvɨ yeupikarä jókuae tëta guasu iyɨ́vɨri rupi.

JEREMÍAS 6:6

Echa yandeYa Imbaepuere yae ete vae jei körai: “¡Peyasɨa ɨvɨra reta jare pemopüa yeupika, Jerusalén pe peike vaerä! Kuae tëta guasu oiporara vaerä etei ko oï, echa tɨnɨe oï ikavimbae pe.

EZEQUIEL 17:17

Faraón ngaraa etei omborɨ sundaro jëia vae reta pe ani jeta vae reta pe, mburuvicha guasu Babilonia pegua opüa yave jese, oñono kavi yave yeupika reta ñeraro pegua, omokañɨtei reta vaerä jeta vae.

EZEQUIEL 4:2

Javoi eroyere jese sundaro reta iä jare tembiporu ñeraro pegua, emopüa tëta ikësea iyɨ́vɨri rupi yeupika, eñono tembiporu tëta ikësea imbosururúa; eñono jóvai teyupa iä, tëta oñeova oï vae rami toï.

DANIEL 11:14

Jókuae ara rupi jeta yaeta vae oyovaicho arayevɨ kotɨgua mburuvicha guasu re. Jókuae reta ipɨte pe oñemopüata vi kuimbae ipɨarai vae reta Israel pegua, jókuae oyekuaa vae oyembopo vaerä, ërei ñamɨri retata.

DANIEL 11:6

Ërei oväeta año oñomoïru reta vaerä: Mburuvicha guasu arayevɨ kotɨgua omeeta tayɨ mburuvicha guasu ɨvɨtuguasu kotɨgua pe jembirekorä, jökorai oyapo reta vaerä oyoupe mbɨakatu. Ërei jókuae mbɨakatu ngaraa oyeapo chupe, echa jae jare imembɨ reta, ime jare imoïrúa reta opata oyeyukauka.

DANIEL 8:7

Jare oakɨo chugüi mókoi reve jäti, jare vecha kuimbae mbaetɨ ipuere oñeraro jae ndive. Javoi kavara kuimbae oipɨaka jókuae vecha kuimbae, jare opɨ̈ro pɨ̈ro jese, mbaetɨ etei kia ipuere oepɨ chugüi.

JOSUÉ 1:5

Ngaraa etei kia ipuere nemoamɨri reikove reiko ramboeve; Moisés ndive aiko rami aikota nde ndive; ngaraa roeya, ngaraa roeya ndeangarekoambae.