DANIEL 10:6 - Biblia Guarani Tumpa Iñee

⁶ Jete jembipeasɨ ita ikavi vae berilo rami, jova jendɨasɨ ama-vera rami, jesa reta tata jendɨ rami, iyɨva jare ipɨ reta jiero iyu vae oyemboembipeasɨ vae rami, jare iñee jɨapu, jeta vae iñee jɨapu oyeendu rami.

DANIEL 10:6 ပူးပေါင်းရင်းမြစ်များ

ÉXODO 28:20

jare irundɨa ñesɨro pe toï metei ita berilo jee vae, metei ónice jee vae jare metei jaspe jee vae. Opaete kuae ita reta toyemoembeɨ oro pe,

CANTARES 5:14

Ipo reta, poapɨ regua oro pegua rami, ita jacinto jee vae pe oñemopöra vae rami; jete, elefante jäimbukugüe oñeova kavi ita zafiro jee vae pe rami;

EZEQUIEL 1:14

Jare jókuae mbae reta, ojo jare ou ye jarembae mbae pegua ama-vera rami.

EZEQUIEL 1:16

Irundɨ reve jókuae ruera reta oyovake, jembipe iyu jësaka ita crisólito rami. Japɨpe ñavo oimeecha ïru ruera.

EZEQUIEL 1:24

Jare aendu ipepo reta jɨapu oguata reta yave, ɨ tuicha vae jɨapu rami, Imbaepuere yae ete vae iñee rami, jeta yae vae reta jɨapu oyeendu rami, sundaro jeta yae vae jɨapu oyeendu rami. Opɨta reta yave, ombogüeyɨ reta ipepo.

EZEQUIEL 1:7

itɨma reta isɨmbi, ipɨ toro taɨrusu vae ipɨ rami, jare jembipeasɨ yae jiero iyu vae oyemoembipeasɨ vae rami.

EZEQUIEL 10:9

Jare aecha irundɨ ruera araɨgua querubín reta iyɨpɨ pe, araɨgua ñavo metei ruera. Ruera reta oyekuaa jembipe, ita crisólito jee vae rami.

EZEQUIEL 40:3

Chereraja joko pe jare aecha metei kuimbae oyemboɨ oï öke pe, jembipe jiero iyu vae rami oyekuaa, jare ipo pe güɨnoi metei tɨmasa raɨ lino pegua jare ɨvɨra omaejäa pɨpe vae.

EZEQUIEL 8:2

Jare aecha metei kuimbaeecha vae; ikúa güi ɨ́vɨkotɨ tata rami, jare ikúa güi ɨvate kotɨ jembipe, jiero iyu vae oyemoembipeasɨ rami.

San Mateo 17:2

Jare joko pe oyemoambuae jae reta jóvai. Jova jembipe kuaraɨ jembipe rami, jare jemimonde tïiasɨ jembipe.

San Mateo 28:3

Jare jova oyekuaa ama-vera rami. Jare jemimonde tïiasɨ iroɨ tïiasɨ vae rami.

San Lucas 9:29

Jare Jesús oyerure ramboeve, jova oyemoambuae jare jemimonde tïiasɨ jare jembipe.

Apocalipsis 10:1

Jare aecha ogüeyɨ ara güi araɨgua imbaepuere yae vae oñeova amapɨtu pe jare iñäka re yɨɨ, jova jembipeasɨ kuaraɨ rami jare itɨma reta tata jɨsɨ vae rami.

Apocalipsis 19:12

Jesa tata jendɨ vae rami ko, jare iñäka re güɨnoi jeta äka-regua reta. Jare oyekuatía oï jese metei tee, mbaetɨ kia oikuaa vae, jaeño etei oikuaa.

Apocalipsis 2:18

Eikuatía Tiatira pegua oporogüɨrovia vae reta iaraɨgua pe: Tumpa Taɨ, jesa tata jendɨ vae rami vae, jare ipɨ jiero iyu vae jembipe vae rami vae, jei kuae:

Apocalipsis 21:20

pandepoa iguapɨka ita ipöra vae ónice jee vae pegua; ovaa iguapɨka ita ipöra vae cornalina jee vae pegua; chiúa iguapɨka ita ipöra vae crisólito jee vae pegua; juría iguapɨka ita ipöra vae berilo jee vae pegua; chaúa iguapɨka ita ipöra vae topacio jee vae pegua; payandepoa iguapɨka ita ipöra vae crisopraso jee vae pegua; oncea iguapɨka ita ipöra vae jacinto jee vae pegua; docea iguapɨka ita ipöra vae amatista jee vae pegua.