DANIEL 10:19 - Biblia Guarani Tumpa Iñee

¹⁹ jare jei cheve: ‘Agüɨye ekɨɨye, agüɨye ndepɨatɨtɨ. Tumpa jembiaɨu; ¡eñemoäta ngatu jare agüɨye eyembopɨtu!’ Chemomiari ramboeve, ayandu chetäta ye jare jae: ‘Nemiari cheya, echa chemomɨ̈rata ye ma.’

DANIEL 10:19 ပူးပေါင်းရင်းမြစ်များ

SALMOS 138:3

Roenɨi yave, nde reendu cheve, jare chemopɨ̈rata.

ISAÍAS 35:4

Pere okɨɨye vae reta pe: “¡Peñemoäta ngatu, agüɨye pekɨɨye! ¡Mase, ko oï peTumpa pereepɨ vaerä, oiporaraukata tovaicho reta pe, jeko reta oï rupi; Tumpa etei outa pereepɨ vaerä!”

ISAÍAS 41:10

Agüɨye ekɨɨye, che ko aï nde ndive; agüɨye ndepɨtu, che ko neTumpa romomɨ̈rata vae, romborɨ aveita, chembaepuere pe roñovatu aveita.

ISAÍAS 41:14

YandeYa jei: “Israel, Jacob iñemuña reta, yepe tëi mbovɨ yae peiko ani ndepɨtu yae, ërei agüɨye ekɨɨye; che ko romborɨ. Che, Tumpa Iyoambae Israel pegua ko jae ndeReepɨ vae.

DANIEL 10:18

Jókuae kuimbaeecha vae jekuae cheätai ye, chemomɨ̈rata pɨau ye,

DANIEL 9:23

Remboɨpɨ reyerure rupive Tumpa oendu, jare chembou aikuaauka vaerä ndeve, echa jae nderaɨu yae. Añave eyeapɨsaka kavi, reikuaa kavi vaerä kuae reecha vae regua:

HAGEO 2:4

Ërei yandeYa jei: ¡Añave eñemomɨ̈rata Zorobabel! ¡Eñemomɨ̈rata Josué sacerdote tenondegua, ete Josadac taɨ! Peñemoäta ngatu opaete vae kuae ɨvɨ pe peiko vae jare peparavɨkɨ; echa che aï pe ndive, jei yandeYa Imbaepuere yae ete vae.

ZACARÍAS 8:13

Jare peiko yepopeyurä ïru tëtaguasu reta ipɨte rupi, pe Judá jare Israel pegua reta, jökorai pogüɨroasayepeta jare peïta mborerekuarä. Agüɨye peyembopɨtu ¡Agüɨye pekɨɨye! ¡Jaeño peñemomɨ̈rata yae!”

ZACARÍAS 8:9

YandeYa Imbaepuere yae ete vae jei körai: “Peñemomɨ̈rata pe reta peendu ñee kuae ara rupi ñeemombeúa reta rupi vae, jókuae ara oyemboɨpɨ güive oñeñono o iguapɨka oñemopüa vaerä yave yandeYa Imbaepuere yae ete vae jo.

San Juan 11:3

Jare Lázaro jeindɨ reta omondo omombeu Jesús pe, körai: —OreYa, ko imbaerasɨ oï kuae reaɨu vae.

San Juan 11:36

Jayave judío reta jei: —Mase, oaɨu yae yepe.

San Juan 11:5

Jesús oaɨu Marta, ipɨkɨɨ jare ikɨvɨ Lázaro.

San Juan 14:27

Mbɨakatu aeya pe ndive. Mbɨakatu che anoi vae amee peve. Che ameeä peve ɨvɨ pegua reta omee rami. Agüɨye peyembopɨajopa, agüɨye vi pekɨɨye.

San Juan 16:33

Kuaekuae jae ma peve penoi vaerä mbɨakatu cheré. Kuae ɨvɨ pe peiko ramboeve, peiporarata ko. Ërei peyeko cheré, echa che amoamɨri tovaicho ɨvɨ pegua.

San Juan 19:26

Jesús oecha ichɨ jare jemimboe jae oaɨu vae oyemboɨ ñogüɨnoi köiño chugüi. Jayave jei ichɨ pe: —Chesɨ, joko oï nemembɨraɨe.

San Juan 21:20

Pedro oyerova yave, oecha jókuae temimboe Jesús oaɨu vae ou jaɨkue. Jókuae temimboe ko jae tenonde yave okaru pɨ̈tu yave ñogüɨnoi yave oï Jesús iyɨpɨ pe jare: “¿Kia pa ndemboeterengata cheYa?” Jei chupe vae.

1 Corintios 16:13

Peïndaivi, pepɨ̈rata peporogüɨrovia pe; peyembokuimbae, peñemoäta ngatu.

2 Corintios 12:9

ërei yandeYa jei cheve körai: “Chepɨakavi oï nde ndive vae jaekavi ma ko. Echa chembaepuere oyekuaa ko ipɨ̈ratambae re.” Jáeramo, ayerovia reve ayembotuichata chepɨ̈ratambae re, Cristo imbaepuere oyekuaa vaerä cheré.

Efesios 6:10

Jare añave cherɨvɨ reta, peñemomɨ̈rata yandeYa re, imbaepuere yae rupi.

2 Timoteo 2:1

Cheraɨ, eñemomɨ̈rata mbɨakavi Cristo Jesús omee yandeve vae rupi.

JOSUÉ 1:9

Mase, royókuai reñemomïrata vaerä jare reñemoäta ngatu vaerä; agüɨye ekɨɨye jare agüɨye eyembopɨtu, echa che ndeYa Tumpa aïta nde ndive oipota rupi reoa rupi.”

Apocalipsis 1:17

Jare aecha yave, aa jóvai omano vae rami. Jayave jae oñono ipo iyakatu cheré jare jei cheve: “Agüɨye ekɨɨye. Che ko jae tenondegua ete jare taɨkuegua ete,

JUECES 6:23

Ërei yandeYa jei chupe: —Agüɨye ekɨɨye ngaraa remano. Ndepɨakatuño.