DANIEL 10:16 - Biblia Guarani Tumpa Iñee

¹⁶ Güɨramoiño metei kuimbaeecha vae opoko cheyuru re. Jayave jae jókuae cheróvai oyemboɨ oï vae pe: ‘Cheya, kuae aecha vae chembopɨatɨtɨ yae jare mbaetɨ etei chepuere.

DANIEL 10:16 ပူးပေါင်းရင်းမြစ်များ

ÉXODO 4:10

Jayave Moisés jei yandeYa pe: —¡Atataɨ cheYa! Mbaetɨi ko che kuimbae iñee ngatu vae tenonde güive, ani nde nemiari che nderembiokuai ndive yave ramoä ko; echa ɨma ɨma yave aväe cheñeerä jare chekü ipoɨ.

ÉXODO 4:13

Moisés jei ye: —¡Atataɨ cheYa, romoñera remondo vaerä ïru vaeño!

ECLESIASTÉS 1:18

Echa jeta yae arakuaa ñanoi yave, jeta yae vi yemoambeko, jökorai vi jeta mbaembae re oikuaa vae, jeta vi mbɨatɨtɨ oñeväe chupe.

ISAÍAS 6:7

jare pɨpe cherembe oñátai reve jei: “Mase, kuae tätapɨi oñátai nderembe. Oyeekɨ ndegüi ndereko, jare oyetɨo ndeyoa.”

JEREMÍAS 1:9

Jayave yandeYa ombou ipo jare opoko cheyuru re, jei cheve: “Mase, ko añono cheñee reta ndeyuru pe.

EZEQUIEL 1:26

Jókuae oasavi vae iárambo aecha metei mburuvicha iguapɨa, ita zafiro jee vae rami vae, jare jókuae mburuvicha iguapɨa rami vae re oguapɨ oï metei kuimbaeecha vae.

EZEQUIEL 3:27

Ërei che romomiari yave, neñee yeta, jayave rereta chupe reta: ‘Körai jei yandeYa Tumpa’. Kia ikɨ̈reɨ oendu vae toendu, jare kia mbaetɨ ikɨ̈reɨ oendu vae agüɨye toendu. Echa jae reta ko ipɨapochɨ vae reta.

EZEQUIEL 33:22

Ërei jókuae pɨare, ndei ou oväe mbove otekuarai vae, yandeYa ipo oñono cheré; jare ndeimbove jókuae kuimbae ou oväe yave, yandeYa omee ye chemiari vaerä, jare mbaetɨ ma cheñeembae aiko.

DANIEL 12:8

Che aendu jeigüe, ërei mbaetɨ chepuere aikuaa, mbae ko oipota jei vae, jare jae: ‘CheYa, ¿maratuta pa kuaekuae reta jaɨkue rupi?’

DANIEL 4:19

Jayave Daniel, Beltsasar pe ombojee reta vae, ipɨakañɨ yae opɨta metei ora seri rupi, jare yemongeta reta ou chupe vae ombopɨatɨtɨ yae. Jare mburuvicha guasu jei chupe: ‘Beltsasar agüɨye tandembopɨajopa kuae mbaɨu jare mbae ko oipota jei vae.’ Beltsasar jei: ‘¡Cheruvicha guasu, kuae repaɨu vae toiko nderovaicho reta kotɨ, jare mbae ko oipota jei vae, toyembopo ikavimbae oipota ndeve vae reta kotɨ!

DANIEL 7:15

Che Daniel, ayandu akɨɨye yae; jare chemboyemongeta yae opaete jókuae aechagüe,

DANIEL 7:28

Körai opa imiari cheve. Jare che Daniel, cheyemongeta chembopɨaä yae jare cherova iyu yae; ërei mbaetɨ etei kia pe chemiari kuaekuae regua.”

DANIEL 8:15

Che, Daniel ayemongeta ramboeve kuae aecha vae re, mbae ko oipota jei vae yave, güɨramoiño oyekuaa cheróvai metei kuimbaeecha vae,

DANIEL 8:17

Jayave ou oya cheré. Che akɨɨye jare ayetavatɨka chetindɨasɨ ɨvɨ re, ërei jae jei cheve: ‘Nde kuimbae, kuae reecha vae ko ara reta iyapɨta ma yave vae regua.’

DANIEL 8:18

Jae chemomiari oï ramboeve, che amano tëi jare ayepɨso aï joko pe; ërei jae cheätai, jare chemboyemboɨ ye,

DANIEL 8:27

Che, Daniel, ayandu chepɨtu yae aiko, mbovɨ ara rupi chembaerasɨ aiko. Ërei apüa ye yave, amboɨpɨ ye ayangareko mburuvicha guasu iparavɨkɨ re. Ërei che ayemongeta yae aiko jókuae aechagüe re, echa mbaetɨ chepuere aikuaa.

DANIEL 9:21

Che ayerure aï ramboeve, araɨgua Gabriel, tenonde yave oyekuaa cheve vae, jarembae pegua oveve ou oväe che aïa pe. Kaaru yave Tumpa pe mɨmba oyuka oñemee vae iorata ma yave.

San Lucas 1:64

Jare jupiveiño Zacarías ipuere omoë ye iñee. Jare imiari chupe reta omboete reve Tumpa.

San Lucas 21:15

Echa che ameeta peve ñee jare arakuaa, metei ave perovaicho reta mbaetɨta ipuere peré ani peaka.

San Juan 20:28

Jayave Tomás jei: —¡CheYa jare cheTumpa!

JOSUÉ 5:14

Jókuae kuimbae jei chupe: —Mbaetɨ metei peguarä ave; yandeYa isundaro reta Juvicha ko ayu añave. Jayave Josué oyetavatɨka jare itindɨasɨ ɨvɨ re omboete, jare jei chupe: —¿Mbae pa rereta cheve cheYa, che nderembiokuai pe?

Apocalipsis 1:13

jare aecha jókuae chiu mechero jenda reta ipɨte pe metei Kuimbaerä oyeapo vaeecha vae, jemimondo puku ojoi oa ipɨ re vae, jare aecha oyekuakua metei kuakuaa ipeguasu yae vae oro pegua pe.

JUECES 13:8

Jayave Manoa oyerure yandeYa pe jei: “CheYa, romoñera rembou ye vaerä jókuae kuimbae rembou vae, oremboe vaerä kërai rogüɨreko jókuae michia raɨ oata vae.”

JUECES 6:13

Jare Gedeón jei: —Atataɨ cheya, oreYa oime oiko ore ndive yave ¿maera pa oasa ore ndive opaete kuae mbaembae? ¿Jama pa jókuae mɨakañɨ reta oreñemuñagüe reta imiari oreve jese vae, orerenoe ɨvɨ Egipto güi yave vae? Jare añave orereeya oremee Madián iñemuña reta ipo pe.

JUECES 6:15

Ërei Gedeón jekuae jei ye: —Atataɨ cheya, ¿këraita pa aepɨ Israel iñemuña reta? Mase, ko cherëtara reta paravete vae ko Manasés iñemuña reta ipɨte pe, jare che ko taɨkuegua ete cherëtara reta ipɨte pe.