DANIEL 1:17 - Biblia Guarani Tumpa Iñee

¹⁷ Jökorai kuae irundɨ kunumi reta pe Tumpa omee jeta mbae oikuaa reta vaerä jare iyarakuaa katu yae reta vaerä opaete yemboe reta rupi; jare Daniel oikuaa katu opaete mbaɨu reta regua jare Tumpa mbae oechauka vae rupi.

DANIEL 1:17 ပူးပေါင်းရင်းမြစ်များ

1 REYES 3:12

mase, ko ayapo ndeve reiporu rami: Ko amee ndeve arakuaa katu, mbaetɨi nde rami vae nde ndei reiko mbove, jare ngaraa ye kia opüa nderaɨkue rupi nde rami vae.

1 REYES 3:28

Jare opaete Israel oendu jókuae mburuvicha guasu oyapo morojäa vae regua; jare okɨɨye reta mburuvicha guasu güi, echa oecha reta oime ko jese Tumpa iyarakuaa oporojäa vaerä.

2 CRÓNICAS 1:10

Añave emee cheve arakuaa katu, kërai aroguata kavi vaerä kuae tëta; echa, ¿kia pa ipuereta güɨroata kuae tëta ndembae vae, jeta yae vae?”

2 CRÓNICAS 1:12

Arakuaa katu tamee ndeve jare ameeta vi ndeve mbaeyekou reta jare yemboete, mbaetɨ etei kuae nunga güɨnoi mburuvicha guasu reta yogüɨreko tenonde ndegüi vae, mbaetɨta vi jökorai nderaɨkue rupi yogüɨreko vae.”

2 CRÓNICAS 26:5

Oyeko Tumpa kotɨño Zacarías oikove oiko ramboeve, echa jae omboe oipoɨu vaerä Tumpa güiño; yandeYa reño oyeko ramboeve, oë kavi chupe opaete mbaembae.

JOB 32:8

Añete, opaete kuimbae oime güɨnoi arakuaa, echa Imbaepuere yae ete vae oikuaauka chupe.

PROVERBIOS 2:6

Echa yandeYa ko omee arakuaa katu; mbae yaikuaa vae jare arakuaa katu chugüiño ko ou.

ECLESIASTÉS 2:26

Echa Tumpa ko omee arakuaa katu, yemboe tuichagüe, jare yerovia katu jae ipɨakatu omae jese vae pe; ërei iyoa vae pe omee mbaravɨkɨ, jeta mbae oeka jare omboatɨ vaerä, jaɨkue rupi jae omee vaerä ombopɨakatu vae pe. ¡Kuae mbaeä etei vi, yayemoambekoiño ma ko jese!

ISAÍAS 28:26

Echa Tumpa ko omboe kavi kërai oyapo vaerä.

EZEQUIEL 28:3

¿Ndearakuaa katu yae pa Daniel güi? ¿Mbaetɨ etei pa mbae yavai vae oñemi ndegüi?

DANIEL 1:18

Oasa ma ara reta yave, eunuco juvicha güeru mburuvicha guasu Nabucodonosor jóvai, jae oyókuai jese rami.

DANIEL 1:20

Opaete yemboe arakuaa pegua re mburuvicha guasu oparandu chupe reta vae pe iyarakuaa katu yae reta, oyapɨraa ye payandepo pe opaete ichoropa vae reta jare yasɨ pɨau re jare yasɨtata re güɨrovia vae reta, opaete iporookuaía pe yogüɨreko vae reta.

DANIEL 1:4

kunumi reta jete kavi vae, kunumi kavi, opaete arakuaa reta re oyemboe vae, opaete yemboe reta pe iyarakuaa katu vae, ikavi yae oyeokuai reta vaerä mburuvicha guasu jo pe vae. Jare oyókuai vi omboe vaerä Caldeaɨgua reta iñee jare iyemboe reta re.

DANIEL 10:1

Ciro mboapɨa año ma oiko mburuvicha guasurä Persia pe yave, Daniel, Beltsasar jee vae pe ou ñee; jókuae ñee oendu vae añetete vae ko, jare yavai yae vae ko; ërei jae oikuaa mbae ko oipota jei jókuae oecha vae.

DANIEL 2:19

Jókuae pɨ̈tu Tumpa oechauka Daniel pe jókuae yaikuaambae vae, jese Daniel omboete Tumpa ara pe oï vae

DANIEL 2:21

Jae oipoepɨ ara reta jare año reta; jae oekɨ jare jae oñono mburuvicha guasu reta, arakuaa omee yarakuaa vae reta pe arakuaa katu omee yarakuaa katu vae reta pe.

DANIEL 2:23

Ndeve, cheñemuñagüe reta iTumpa, amee yasoropai ndeve jare romboete, echa chemboarakuaa jare chemomɨ̈rata; añave reikuaauka cheve roeka ndeve vae, reikuaauka cheve mburuvicha guasu omoambeko yae güɨnoi vae.”

DANIEL 2:30

Jare Tumpa oechauka cheve kuae yaikuaambae vae, mbaetɨ ko chearakuaa yae ïru reta güi jeko pegua; jaeño ko nde mburuvicha guasu pe oikuaauka vaerä mbae ko oipota jei ndepaɨu vae, reikuaa vaerä reyemongeta yae jese vae.

DANIEL 4:6

Jáeramo aekauka yogüeru vaerä cheróvai yarakuaa katu vae opaete Babilonia pegua reta, oikuaauka reta vaerä cheve mbae ko oipota jei chepaɨu vae.

DANIEL 5:14

Che aendu nderegua, kërai oime oï nderé Tumpa Iyoambae iespíritu, jare oñeväe nderé arakuaa katu tuicha yae vae.

DANIEL 7:1

Meteia año ma Belsasar oï mburuvicha guasurä Babilonia pe yave, Daniel ipaɨu pe oecha mbae jupa pe oï ramboeve. Jare osareko yave oikuatía jókuae ipaɨu regua.

DANIEL 8:1

“Mboapɨa año re ma Belsasar oiko mburuvicha guasurä yave, che, Daniel aecha ïru mbae, jókuae tenonde yave oyekuaa ma cheve vae güi.

NÚMEROS 12:6

Jare jae jei chupe reta: “Peyeapɨsaka añave cheñee re: Oime yave pepɨte pe cheñeemombeúa, ayeechaukata chupe, ipaɨu pe chemiarita jae ndive;

San Lucas 21:15

Echa che ameeta peve ñee jare arakuaa, metei ave perovaicho reta mbaetɨta ipuere peré ani peaka.

Hechos 6:10

Ërei jae reta mbaetɨ ipuere omoamɨri Esteban. Echa Esteban imiari iyarakuaa katu reve Espíritu Santo rupi.

Hechos 7:10

jare oepɨ opaete tembiporara reta güi. Jare jae omee chupe mbɨakavi jare arakuaa mburuvicha guasu Egipto pegua Faraón jóvai. Jáeramo Faraón oyapo mburuvicharä, opaete Egipto pegua reta re jare Faraón jo re.

Hechos 7:22

Jare Moisés oyemboe opaete arakuaa Egipto pegua re, jare iyarakuaa katu yae jare jäta ngatu.

Colosenses 1:9

Jáeramo ore vi kuae roendu güive, royerure avei peré Tumpa pe, jae oikuaauka kavi vaerä peve jemimbota opaete Espíritu pegua rupi.

Santiago 1:17

Opaete mbaembae ikavi yae oñemee yandeve vae ara güi ko ou, yandeRu tembipe reta iyapoa güi, jae ko mbaetɨi oyepoepɨ vae.

Santiago 1:5

Oime yave pegüi reta pe oata arakuaa vae, toiporu Tumpa pe. Jae omeeta opaete pe jeta rupi jare iñeengetambae reve.