Colosenses 3:12 - Biblia Guarani Tumpa Iñee

¹² Peyemonde Tumpa jembiparavo, jae oñono tee iyeupeguarä jare jembiaɨu reta rami: Peporoparareko ete kavi, pepɨakavi oyoupe, peñemomichi, pepɨaguasu oyoupe,

Nuevo Testamento Guaraní Pe

¹² Tumpa peraɨu, jare peparavo peñono tee vaera iyeupeguara. Jae rambue peico cavi. Peyoparareco. Pepɨacavi oyoupe. Peñemomichi oyoupe. Pepɨaguasu oyoupe.

Colosenses 3:12 ပူးပေါင်းရင်းမြစ်များ

ISAÍAS 42:1

“Mase, ko oï cherembiokuai, che ayangarekota jese vae; cherembiparavo, chepɨa oyerovia jese vae; jese añono cheEspíritu; jae güeruta jupi vae opaete tëtaguasu reta peguarä.

ISAÍAS 45:4

Aaɨu ramo cherembiokuai Jacob, cherembiparavo, Israel iñemuña reta, che roenɨi nderee pe, jare amee ndeve tee yemboete pegua, yepe tëi nde mbaetɨ chekuaa.

ISAÍAS 63:15

Emae ara güi, jókuae ikɨambaea jare iyemboetea yaea pe reikoa güi. ¿Ketɨ pa oime nerägüɨro, ndembaepuere, ndepɨaä jare ndeporoaɨu orekotɨ vae? ¿Opa ma pa rembosɨrɨ oregüi?

ISAÍAS 65:22

Ngaraa oyapo reta o, ïru vae oiko vaerä pɨpe, ngaraa vi omaetɨiño kia jou vaerä; echa ɨvɨra reta yogüɨreko puku vae rami ko, chembae vae reta yogüɨreko pukuta, jare cherembiparavo reta oyekouta iparavɨkɨ re.

ISAÍAS 65:9

Amoñemuñata Jacob, Judá amoñemuñata yogüɨreko vaerä ɨvɨtɨ re. Cherembiparavo reta oiketa yogüɨreko jókuae ɨvɨ pe, joko pe yogüɨrekota cherembiokuai reta.

JEREMÍAS 31:20

Tëta Efraín, jae ko cheraɨ aaɨu yae vae, jae ko cheraɨ chepɨa oyerovia yae jese vae. Añeengata chupe tëi reve, mbaetɨi cheakañɨ chugüi; chepɨa pe chemaendúa avei jese jare aiparareko yae. Che ndeYa ko jae kuae.

JEREMÍAS 31:3

Ɨma yae ma che ayekuaa chupe reta jae reve: Che roaɨu yae mboroaɨu opambae ndive; jáeramo jekuae aveiño cheporoparareko pekotɨ.

EZEQUIEL 16:8

Aasa ye ndeɨpɨ rupi yave, roecha rekuakuaa ma jare reñemokuña ma; jare cheñeapevaka pe roñova nenandi reï vae; añererökuavee ndeve jare ayapo morogüɨrökuavee päve nde ndive, jökorai reiko chembaerä. Che ndeYa Tumpa jae.

San Mateo 24:22

Jare yandeYa mbaetɨ omboapɨ jókuae ara reta yave, ngaraa etei oime oasayepe vae. Ërei jembiparavo reta jeko pegua omboapɨta jókuae ara reta.

San Mateo 24:24

Echa opüata jeta Cristo jaanga reta, jare ñeemombeúa jaanga reta. Jare jae reta oyapota jeta mɨakañɨ reta tuichagüe, oporombotavɨ vaerä, jare ipuereta vi ombotavɨ Tumpa jembiparavo reta ave.

San Mateo 24:31

Jare amondota chearaɨgua reta jemimbɨguasu omoñee reve güeru vaerä aiparavogüe reta opaete ketɨ ketɨ güi.

San Marcos 13:20

Jare yandeYa mbaetɨ omboapɨ jókuae ara reta yave, ngaraa etei oime oasayepe vae. Ërei jembiparavo reta jeko pegua omboapɨta jókuae ara reta.

San Marcos 13:22

Echa opüata jeta Cristo jaanga reta, jare ñeemombeúa jaanga reta. Jare jae reta oyapota jeta mɨakañɨ reta, oporombotavɨ vaerä, jare ipuereta vi ombotavɨ Tumpa jembiparavo reta ave.

San Marcos 13:27

Jayave amondota araɨgua reta omboatɨ vaerä aiparavogüe reta opaete ketɨ ketɨ güi.

San Lucas 1:78

Körai Tumpa oyapo, yandeparareko ramo, ombou yandeve ɨvate güi ara ipɨau vae;

San Lucas 18:7

Ërei Tumpa, ¿Ngaraa pa oepɨ jembiparavo reta ara rupi jare pɨ̈tu rupi oyerure chupe vae? ¿Ipɨaguasuta ra oepɨ vaerä?

Romanos 1:7

Aikuatía kuae tupapire opaete Roma pe peiko vae pe. Tumpa peraɨu jare peñono tee iyeupeguarä vae. YandeRu Tumpa jare yandeYa Jesucristo ipɨakavi jare ipɨakatu toï pe ndive.

Romanos 13:14

Ërei peyemonde etei yandeYa Jesucristo pe. Agüɨye peñemee pesoo jemimbota pe.

Romanos 9:11

Ërei ndeiño oa chaguakiri reta. Jare ndeiño oyapo ikavi vae ani ikavimbae vae mbove (kuae ko Tumpa oiparavo jae jemimbota rupi oiko vaerä; mbaetɨ oiparavo jembiapo rupi, jaeño jae jemimbota rupi),

1 Corintios 13:4

Mboroaɨu jae ko yaiporara vae, yandepɨakavi vae, mbaetɨ ko ñemoägüɨro, mbaetɨ ko yembotuicha, mbaetɨ ko pɨayemboete,

2 Corintios 6:6

jare vi teko ikɨambae rupi, arakuaa reta, rogüɨropɨa vae rupi, mbɨakavi rupi, Espíritu Santo rupi, añetete vae mboroaɨu rupi,

Gálatas 5:6

Echa Cristo Jesús re, mbaeä ko oyembocircuncida vae, ani oyembocircuncidaukambae vae. Ikavi vae jae ñanoi yave mborogüɨrovia mboroaɨu reve vae.

Efesios 1:4

jae yandeparavo jese ndei ɨvɨ oyeapo mbove, ñañeñono tee yaiko vaerä ikɨambae jae jóvai;

Efesios 4:2

Peñemomichi reve, pepɨaguasu oyoupe peyoaɨu reve,

Efesios 4:24

Peyemonde teko ipɨau vae pe, Tumpa jae rami oyapo vae pe, jupi vae pegua pe, oñeñono tee añetete pegua vae.

Efesios 4:32

Ërei pepɨakavi oyoupe, peyoparareko, peɨ̈ro oyoupe, Tumpa iñɨ̈ro peve Cristo rupi rami.

Filipenses 1:8

Echa Tumpa oikuaa kërai che poaɨu yae ko, Jesucristo iporoaɨu rupi etei.

Colosenses 3:10

jare peyemonde ma teko ipɨau vae pe. Echa kuae teko ipɨau vae oyembopɨau aveita ojo oiko oyekuaa regua iyapoa rami, oikuaa kavi regua.

1 Tesalonicenses 5:15

Peyeandu, agüɨye ikavimbae vae oyapo peve vae pe, pemboekovia ikavimbae pe. Ërei peiko kavi avei oyoupi, jare opaete vae ndive.

2 Timoteo 1:9

Jae yandemboasa jare yandeparavo ñaneñono tee vaerä iyeupeguarä. Mbaetɨ ko yandeparavo mbae ikavi vae yande yayapo vae rupi. Yandeparavo ko jae iyemongeta rupi jare ipɨakavi yandeve Cristo Jesús rupi ndei ɨvɨ oyeapo güive.

2 Timoteo 2:10

Jáeramo, aropɨa aaɨu ramo Tumpa oiparavo vae reta, jae reta vi güɨnoi vaerä yemboasa Cristo Jesús rupi, mbaemboete opambae.

Tito 1:1

Che Pablo, Tumpa jembiokuai jare Jesucristo jemimondo. Jae chemondo Tumpa oiparavo vae reta pe güɨrovia vaerä jese, jare oikuaa vaerä añete vae, omboete vaerä Tumpa,

1 Pedro 1:2

yandeRu Tumpa peparavo, ndei ɨvɨ oyeapo mbove oikuaa voi pe reta peyeapota ko taɨ retarä. Espíritu Santo peñono tee Tumpa peguarä, peñeereendu katu vaerä jare peyeyoe vaerä Jesucristo jugüɨ pe. Tumpa ipɨakavi jare ipɨakatu toï jeta pe reta ndive.

2 Pedro 1:10

Jáeramo cherɨvɨ reta, jeieteño peñemomɨ̈rata Tumpa pereenɨi jare peparavo vae re, echa jökorai peyapo yave, ngaraa etei pegüɨapi.

1 Juan 4:19

Yande yaaɨu Tumpa, echa jae räri yanderaɨu.

2 Juan 1:13

Ïru oporogüɨrovia vae Tumpa oiparavo vae reta omondo vi tamaraeme peve. ¡Amén!

Apocalipsis 17:14

Kuae reta oñerarota Vecha kuimbae taɨrusu vae ndive; ërei Vecha kuimbae taɨrusu vae omoamɨri retata. Echa Vecha kuimbae taɨrusu vae jae ko Imbaepuere yae ete mbaepuere güɨnoi vae reta güi vae jare mburuvicha guasu reta Juvicha guasu, jare jae ndive ñogüɨnoi vae, oñeenɨi vae reta, oyeparavogüe jare jupi vae reta.”