Colosenses 3:11 - Biblia Guarani Tumpa Iñee

¹¹ Jare kuae teko ipɨau vae pe mbaetɨ ma oyemboyoavɨ judiombae judío güi, oyembocircuncida vae oyembocircuncidambae güi, yaikuaambae ani ketɨgua, oyeokuai vae jare oyeokuaimbae vae, jaeño ko Cristo oiko jare oï opaete pe.

Nuevo Testamento Guaraní Pe

¹¹ Jare cuae teco ipɨau vae güɨnoi vae reta ipɨte pe mbaeti ma oyoavɨ oyougüi judío mbae vae jare judío, oñemocircuncidauca vae jare oñemocircuncidauca mbae vae, ñanaɨgua jare Escita, oyeócuai vae jare mbaeti oyeócuai vae. Echa jaeño Cristo oico opaete vae ipɨa pe.

Colosenses 3:11 ပူးပေါင်းရင်းမြစ်များ

SALMOS 117:2

echa iporoparareko tuicha yae ko yandekotɨ, ¡yandeYa iñee ombopo jekuae avei vae ko! ¡Aleluya!

ISAÍAS 49:6

Jae jei körai: “Mbaetɨta royókuai, remopüa ye Jacob iñemuña reta vaeräño, Israel iñemuña jembɨregüe reta; roñono vi ko tembipe rami opaete tëtaguasu reta peguarä, reraja vaerä yereroasayepe amee vae opaete vae reta pe, ɨvɨ jembeɨ rupi ave.”

ISAÍAS 52:10

YandeYa omboyekuaa imbaepuere, opaete tëtaguasu reta jesa róvai, jare opaete ɨvɨ iyapɨ rupi ave oendu ñaneTumpa iporogüɨroasayepe re vae.

JEREMÍAS 16:19

CheYa Tumpa, cheñepɨ̈roa jare chemopɨ̈rata vae, cheñepɨ̈roa susere iara pe; ndekotɨ yogüeruta tëtaguasu pegua reta, jare jei retata: “Oreñemuñagüe reta omboresive tumpa-raanga retaño imbaerä, mbaetɨ mbaepuere güɨnoi vae jare osirivembae reta.

EZEQUIEL 47:22

Pemboyao ɨvɨ pembaerä suerte rupi, jare ketɨgua reta pepɨte pe yogüɨreko vae, imichia oa pepɨte pe vae reta pe vi. Pereko vi perëtaɨgua rami. Ɨvɨ pemboyao pembaerä suerte rupi yave, jökorai jae reta toike vi suerte rupi pepɨte pe, güɨnoi reta vaerä vi iɨvɨrä.

OSEAS 2:23

Añonota cheyeupe chembae reta jókuae ɨvɨ pe chembaeräño; anoita mboroparareko Lo-ruhama re; jaeta Lo-ammi pe: ‘Nde ko jae tëta chembae’, jare jae jeita: ‘¡CheTumpa ko nde!’ ”

AMÓS 9:12

Edom güi jembɨregüe jare ïru tëtaguasu reta ou ye vaerä opɨta tëta Israel, cheree omboete vae imbaerä.” YandeYa, opaete mbaembae oyapo vae, jei körai.

MIQUEAS 4:2

Jeta vae tëtaguasu reta yogüeruta, jare jei retata: “Peyu yayeupi yandeYa iɨvɨtɨ re, Jacob iñemuña reta iTumpa jo kotɨ; jae yandemboe vaerä jemimbota re, yaguata vaerä jae jemimbota rupi.” Echa Sión jae ko Jerusalén, joko güi oëta mborookuai jare yandeYa iñee.

ZACARÍAS 2:11

Oñemoïruta jeta tëtaguasu reta yandeYa re jókuae ara, jare jeita: “Toyogüɨreko chembaerä, che aikota jae reta ipɨte pe.” Jökorai peikuaata yandeYa imbaepuere yae ete vae ko chembou.

MALAQUÍAS 1:11

Opaete tëtaguasu ñavo rupi chemboete, jare oipota rupi kuae ɨvɨ pe oapɨ reta ikäti kavi vae incienso cheree re jare omee reta mbota ikavi vae cheve, echa cheree jërakua opaete tëtaguasu reta rupi.

San Juan 14:23

Jesús jei chupe: —Cheraɨu vae oyapota che jae vae. Jare cheRu oaɨuta. Jare royuta roiko vaerä jae ndive.

San Juan 15:5

Che ko jae uva iɨ, jare pe reta ko jae jäka reta. Jókuae oiko cheré vae jare che jese vae jetata ia. Echa mbaetɨ peï cheré yave, ngaraa etei mbae peyapo.

San Juan 17:23

Che aikota jese reta jare nde cheré, yogüɨreko vaerä metei ramiño kavi, ɨvɨ pegua reta oikuaa vaerä nde ko chembou vae jare nde reaɨu ko kuae reta nde cheraɨu rami vae.

Hechos 15:17

opaete ɨvɨ pegua reta chereeka vaerä, jare opaete judiombae vae reta cheree omboete vae.

Hechos 28:2

Jare joko pegua reta ipɨakavi yae ore ndive. Oremboresive kavi reta, oyatapɨ reta tuicha, ama okɨ jare iroɨ ramo.

Hechos 28:4

Jare joko pegua reta oecha yave mboi osagüɨu oï Pablo ipo re, jei reta oyoupe: “Kuae kuimbae oporoyuka vae yepe. Oasa yepe tëi ma ɨguasu güi, ërei Tumpa mbaetɨ omaeño oikoño vaerä.”

Romanos 1:14

Echa chepía ko Cristo pe ayeokuai vaerä griego reta jare griegombae vae reta pe, iyarakuaa vae reta jare iyarakuaambae vae reta pe.

Romanos 10:12

Echa judío jare judiombae vae ndive Tumpa mbaetɨ ko omboyoavɨ. Echa yandeYa ko jae opaete vae iYa, jare jae omee jeta, oyerure chupe vae reta pe.

Romanos 3:22

echa Tumpa ombojupita opaete Jesucristo re güɨrovia vae reta iporogüɨrovia rupi. Echa jae mbaetɨ oporomboyoavɨ.

Romanos 3:29

Tumpa jae vi ko judiombae reta iTumpa; mbaetɨ ko judío reta peguaño.

1 Corintios 12:13

echa metei Espíritu Santo rupi yayembobautisa opaete, Cristo jete yayeapo vaerä. Judío reta ani judiombae vae reta, tembiokuai ani tembiokuaimbae vae reta. Jare opaete vae yaɨu metei vae Espíritu Santo güi.

1 Corintios 14:11

Jáeramo che mbaetɨ aikuaa yave ïru vae iñee, ketɨgua rami aïta chemomiari vae pe, jare jae ketɨgua ramita vi cheve.

1 Corintios 7:19

Yayembocircuncidauka vae, mbaeä ko jare yayembocircuncidaukambae vae, mbaeä vi. Ikavi vae jae ko yayapo Tumpa iporookuai reta vae.

Gálatas 2:20

Cristo ndive ko che ayekutu kurusu re, jáeramo mbaetɨ ma aikove, jaeño Cristo oikove chepɨa pe. Jare añave aikove aiko ramboeve, aiko mborogüɨrovia Tumpa Taɨ re anoi vae re. Echa jae cheraɨu, jare jae aeño oñemee omano vaerä cheré.

Gálatas 5:6

Echa Cristo Jesús re, mbaeä ko oyembocircuncida vae, ani oyembocircuncidaukambae vae. Ikavi vae jae ñanoi yave mborogüɨrovia mboroaɨu reve vae.

Efesios 1:23

echa oporogüɨrovia vae reta ko Cristo jete. Jae omotɨnɨe oporogüɨrovia vae reta, jare jae omotɨnɨe opaete mbaembae.

Efesios 2:14

Cristo ko jae mbɨakatu güeru yandeve vae. Jae oyapo metei ramiño judío reta jare judiombae vae reta ndive. Omboai ñomotareɨ judío reta jare judiombae vae reta omboyao oyougüi vae,

Efesios 2:15

omboai jete pe ñomotareɨ reta, omboai mborookuai jei vae reta, judío reta jare judiombae vae reta güi oyapo metei tëta ipɨau vae imbaerä; jökorai omee mbɨakatu chupe reta,

Efesios 3:17

Cristo toiko pepɨa pe peporogüɨrovia rupi, jökorai tätagüe jare pepɨ̈rata vaerä mboroaɨu pe,

Efesios 3:6

Kërai judiombae reta güɨnoi vi judío reta ndive imbaerä vae, jare meteiño jete, jare mókoi reve güɨnoi retata Tumpa güɨrökuavee Cristo Jesús re, ñee ikavi vae rupi vae.

Efesios 6:8

Peikuaa kuae: Oyeokuai vae ani oyeokuaimbae vae oyapo mbae ikavi vae yave, yandeYa omeeta chupe mbae ikavi vae oyapo rupi.

Colosenses 2:10

jare pe reta penoi opaete mbaembae Cristo re, echa jae ko opaete mburuvicha reta ara pegua jare ɨvɨ pegua iñäka.

1 Juan 5:20

Jaeramiño vi yaikuaa ko Tumpa Taɨ ou kuae ɨvɨ pe jare omee yandeve yaikuaa vaerä Tumpa añetete vae; jare ñaï ma añetete vae re, jae ko Jesucristo Tumpa Taɨ re. Jae ko kuae Tumpa añetete vae jare tekove opambae.

2 Juan 1:9

Kia ñavo opia jare mbaetɨ oiko Cristo iporomboe re yave, mbaetɨ ko güɨnoi Tumpa. Ërei kia ñavo oiko avei Cristo iporomboe re vae, güɨnoi yandeRu Tumpa jare Taɨ.