Colosenses 2:8 - Biblia Guarani Tumpa Iñee

⁸ Peyeandu, agüɨye vaerä kia pembotavɨ arakuaa reta mbaeä etei vae rupi, kuimbae reta jeko reta, jare ɨvɨ pegua yemboe reta, mbaetɨ oyeko reta Cristo re.

Nuevo Testamento Guaraní Pe

⁸ Peñeandu, agüɨye vaera quia pembotavɨ aracuaa tavɨ pegua pe. Echa cuae nunga aracuaa moromboe ɨvɨ pegua retaño co. Mbaeti oporomboe Cristo re, jaeño mbaembae ɨvɨ pegua re.

Colosenses 2:8 ပူးပေါင်းရင်းမြစ်များ

CANTARES 2:15

Peipɨɨ aguara reta, aguara ndeigüe reta, güɨrokomegua yandeuvarupa vae, echa yandeuva ipotɨ oï.

JEREMÍAS 29:8

Che peYa Imbaepuere yae ete vae Israel iTumpa, amombeu peve kuae: Agüɨye peyembotavɨuka ñeemombeúa reta ani maratuta vae imombeúa reta pepɨte pe yogüɨreko vae pe; agüɨye peyapo jae reta ipaɨu omombeugüe.

San Mateo 10:17

Peyeandu kuimbae reta güi. Echa pereraja retata mburuvicha reta pe oporojäa pe. Jare penupata judío reta itupao reta pe.

San Mateo 16:6

Jare Jesús jei chupe reta: —Mase, peyeandu fariseo reta jare saduceo reta imbɨyape imbovúa güi.

San Mateo 7:15

Peyeandu ñeemombeúa jaanga reta güi. Oyemonde yogüeru pekotɨ vecha reta rami vae, ërei iyɨvɨte ko aguarayaɨmba pochɨ yae vae rami.

Hechos 17:18

Jare amogüe arakuaa regua reta oyoaka Pablo ndive. Jae reta ko yemboe epicúreo jare estoico pegua reta. Amogüe jei: —¿Mbae ra oipota jei kuae imiari mbatee vae? Ïru vae reta jei: —Ïru tumpa yaikuaambae vae re omoërakua vae ndipo. Echa Pablo omoërakua chupe reta ñee ikavi vae Jesús regua jare kërai oikove ye omanogüe reta ipɨte güi vae.

Hechos 17:32

Jare oendu reta oikove ye omanogüe reta ipɨte güi vae regua yave, amogüe vae oyóyai. Ërei ïru vae reta jei Pablo pe: —Ïru ara royeapɨsaka yeta nderé kuae re.

Romanos 16:17

Añave che pomoñera cherɨvɨ reta, pemae kavi jókuae yemboyao jare oporombogüɨapiuka yemboe pe reta peikuaa vae güi vae reta re, pesɨrɨ chugüi reta.

1 Corintios 10:12

Jáeramo oyemongeta ipɨ̈rata ko iporogüɨrovia pe vae, toyeandu agüɨye vaerä ogüɨapi.

1 Corintios 8:9

Ërei peyeandu agüɨye vaerä jókuae peu vae rupi pembogüɨapiuka mbaetɨ ipɨ̈rata iporogüɨrovia pe vae.

2 Corintios 10:5

Jökorai romboai yemongeta reta jare opaete pɨayembotuicha omboavai yaikuaa vaerä Tumpa vae. Jökorai opaete pɨayemongeta rogüɨrajata Cristo jei vae oyapo vaerä.

Gálatas 1:14

Jare judío reta iporomboe re oasa ete ye cherëtaɨgua cheaveigua reta jeta vae güi. Echa cherägüɨro yae cheñemuñagüe reta jeko re.

Gálatas 4:3

Jökoraiño vi yande tenonde yave mboromboe ɨvɨ pegua güɨnoi vi mbaepuere yanderé. Echa jayave yaikose michia rami.

Gálatas 4:9

Ërei añave peikuaa ma Tumpa, ani Tumpa pekuaa ma, jayave, ¿maera pa peyerova ye jókuae mboromboe ɨvɨ pegua paravete jare mbaeä etei vae kotɨ, peñeapɨti ye vaerä pɨpe?

Gálatas 5:15

Ërei peñeraro reteiño oyoupii yave, opata ko peñomokañɨtei.

Efesios 2:2

Echa jókuae pe ko peyapo yepi tenonde rupi, pemomoe teko kuae ɨvɨ pegua, peyapo jókuae mburuvicha yaechambae vae iñeereendumbae vae re oparavɨkɨ oï vae jemimbota.

Efesios 4:20

Ërei pe reta mbaetɨ ko jökorai peyemboe Cristo re.

Efesios 5:6

Agüɨye kia ave tapembotavɨ ñee osirivembae pe, echa kuae jeko pegua ko Tumpa iyarasɨ ou iñeereendumbae reta re.

DEUTERONOMIO 6:12

peyeandu agüɨye vaerä peakañɨ yandeYa güi, perenoe ɨvɨ Egipto güi vae, yeokuaiasɨ katu güi.

Filipenses 3:2

Peyeandu jókuae yaɨmba reta güi, peyeandu oporomboe kavimbae reta güi, peyeandu oporombocircuncida vae reta güi.

Colosenses 2:18

Agüɨye kia ave tapeopia Tumpa omeeta peve vae güi, echa amogüe vae oñemomichi raanga, jare omboete araɨgua reta, oechambae reve oecha rami oyeapo reta, oyembotuicha iyemongeta ae re.

Colosenses 2:20

Pe reta pemano ko Cristo ndive mboromboe ɨvɨ pegua reta güi. Jáeramo ¿maera pa jekuaeño peiko jare peyapo ɨvɨ pegua mborookuai reta?

Colosenses 2:22

Ërei opaete jókuae mbaembae oyemboaita ko oyeporu ramboeve, echa opaete kuae mborookuai reta jare mboromboe reta kuimbae reta oyapogüeño ko.

Colosenses 2:23

Añete ko, kuae nunga mborookuai reta arakuaa peguaecha. Echa omboete raanga Tumpa, jare oñemomichiraanga, jare täta oiporarauka jete pe. Ërei kuaekuae rupi ipuereä etei oyopia reta soo jemimbota reta.

1 Timoteo 6:20

Timoteo, eyangareko kavi jókuae oñemee ndeve reyangareko vaerä jese vae re. Agüɨye eyeapɨsaka ndaye reta re, echa mbaeä ko, jare arakuaa katu raanga re.

2 Timoteo 3:13

ërei ikavimbae vae iyapoa reta jare oporombotavɨ vae reta, jeieteta ikavimbae oyapo. Jae reta oporombotavɨta jare oyembotavɨukata vi.

Hebreos 13:9

Agüɨye peñemaeño peyererajauka oipotagüe mboromboe ambuaeyee vae pe; ikavi ko ñañemomɨ̈rata yandepɨa peTumpa ipɨakavi rupi, mbaetɨ mborookuai reta tembíu regua rupi. Echa mbaetɨi oporomomɨ̈rata jókuae mbaembae reta.

Hebreos 3:12

Jáeramo cherɨvɨ reta, peyeandu agüɨye vaerä pepɨa oñemotäta mbaetɨ peporogüɨrovia ramo, jare pesɨrɨ Tumpa oikove vae güi;

1 Pedro 1:18

Peikuaa ma ko peñerenoeuka tenonde yave peikose vae güi, peñemuñagüe reta oeyagüe peve vae güi; mbaetɨ ko korepoti ani oro rupi peñerenoe, echa korepoti jare oro opa vae ko,

2 Pedro 3:17

Jáeramo cherɨvɨ aaɨu vae reta, peikuaa voi ma kuae mbaembae reta ramo peyeandu, agüɨye peyererajauka ikavimbae vae oyapo vae reta pe, jare pea peporogüɨrovia pe täta ma peï vae güi.

2 Juan 1:8

Peyeandu, agüɨye vaerä pemokañɨ peparavɨkɨ reta jekovia, jaeño pemboresive vaerä opaete pembaerä vae.