Colosenses 2:13 - Biblia Guarani Tumpa Iñee

¹³ Tenonde yave pe reta pemano peiko peyoa reta pe, jare mbaetɨ peyembocircuncida vae pe. Ërei Tumpa pemoingove Cristo ndive jare iñɨ̈ro peve opaete peyoa reta re.

Nuevo Testamento Guaraní Pe

¹³ Tenonde yave pe reta mbaeti penoi tecove opa mbae vae pembaeyoa reta jeco pegua, jare mbaeti peñemocircuncidauca pembaeyoa reta güi rambue. Erei Tumpa omee ma peve tecove opa mbae vae Cristo ndive, jare iñɨro ma peve opaete pembaeyoa reta re.

Colosenses 2:13 ပူးပေါင်းရင်းမြစ်များ

SALMOS 119:50

Jae ko chembopɨakatu chepɨatɨtɨ güi, echa neñee ko chemoingove katu ye.

SALMOS 32:1

Toyerovia iyoa vae, jókuae mborookuai jeigüe oyapombae re iñɨ̈ro chupe vae, iyoa re Tumpa iñɨ̈ro chupe vae.

SALMOS 71:20

Nde reechauka cheve jeta mbɨatɨtɨ jare ikavimbae reve, remee yeta cheve tekove; chemopüa pɨau yeta ɨvɨkua guasu güi.

ISAÍAS 1:18

YandeYa jei: “Peyu yayoaka. Yepe tëi peyoa reta pɨ̈taasɨ yae, ërei amotïasɨta iroɨ rami; ani temimonderä vae pɨ̈taasɨ vae rami yave, vecharaa tïi vae rami amotïasɨta;

ISAÍAS 55:7

Iyoa vae toyepoepɨ, jare kuimbae ipɨapochɨ yae vae toeya iyemongeta, jare toyerova ye yandeYa kotɨ, jare jae iporopararekota jese, jare ñaneTumpa kotɨ, echa jae ipɨakavi avei iñɨ̈ro vaerä.

JEREMÍAS 31:34

Jare ngaraa ye ma metei ave omboe japicha vae, ani ramo jëtara vae, jei reve: ‘Eikuaa yandeYa’; echa opaete vae chekuaata, mbaeä etei vae reta güive opaete tuichagüe reta; echa cheɨ̈rota chupe reta jeko kavimbae re jare ngaraa ye chemaendúa iyoa reta re. Che peYa ko jae kuae.”

San Lucas 15:24

Echa kuae cheraɨ omano vae rami ko cheve, ërei añave oikove ye ma cheve. Okañɨ chegüi, ërei añave oñeväe ye ma.’ Jare omboɨpɨ reta omboarete.

San Lucas 15:32

Ërei ikavi ko yayapo arete jare yayerovia. Echa kuae nderɨvɨ omano vae rami ko cheve, ërei añave oikove ye ma cheve. Okañɨ chegüi, ërei añave oñeväe ye ma.’ ”

San Lucas 9:60

Jayave Jesús jei chupe: —Emaeño toñotɨ kuri tekove opambae vae mbaetɨ güɨnoi vae reta. Ërei nde ekua emombeu Tumpa iporookuaía.

San Juan 5:21

Tu omoingove ye omano vae reta. Jaeramiño vi Taɨ omee tekove, jae oipota vae pe.

San Juan 6:63

Jaeño ko Espíritu omee tekove. Yanderete ipuereä omee yandeve kuae nunga tekove. Kuae amombeu peve vae Tumpa iEspíritu pegua ko jare tekove omee vae ko.

Romanos 4:17

Echa oyekuatía oï körai: “Che roñono ma jeta vae reta turä.” Jae Tumpa, Abraham güɨrovia jese vae, tekove omee omanogüe reta pe vae, oyapo mbaembae ndeiño oyeapo vae.

Romanos 6:13

agüɨye ave vi pemee perete mbaeyoa jembiporurä ikavimbae vae peguarä. Ërei peñemee pe etei Tumpa pe, omanogüe tekove ipɨau vae güɨnoi vae rami, jare pemee perete Tumpa jembiporurä jupi vae peguarä.

Romanos 8:11

Jare Tumpa omoingove ye Jesús omanogüe reta ipɨte güi vae iEspíritu oiko yave pepɨa pe; jae etei ko omeeta tekove perete mano pegua pe, jae iEspíritu oiko peré vae rupi.

1 Corintios 15:36

Jökorai jei vae mbaetɨ ko yarakuaa. Echa metei temitɨ jäɨgüe ñañotɨ yave, omano ko jeñɨi vaerä.

1 Corintios 15:45

Echa oyekuatía oï körai: “Tumpa omee tekove kuimbae tenondegua Adán pe.” Ërei Adán taɨkuegua vae ko tekove omee vae.

2 Corintios 3:6

Jae ko omee oreve orepoki vaerä royeokuai chupe morogüɨrökuavee päve ipɨau pe. Mbaetɨ ko oyekuatiagüe, Espíritu pegua ko; echa mborookuai oyekuatiagüe oporoyuka, ërei Espíritu oporomoingove.

2 Corintios 5:19

kërai Tumpa ombopɨakatu jae ndive opaete ɨvɨ pegua reta Cristo rupi, agüɨye vaerä ma omboeko reta imbaeyoa reta re. Jare Tumpa yandeokuai ñamoërakua vaerä yembopɨakatu regua.

Efesios 2:1

Tumpa omee peve tekove, pemano peiko yave ikavimbae pe jare mbaeyoa pe.

Efesios 2:11

Jáeramo, pemaendúa pe judiombae reta, tenonde rupi jete pe oyembocircuncida vae reta jeise peve “oyembocircuncidambae”,

Efesios 5:14

Jáeramo Tumpa jei: “Esareko mo, nde reke vae. Epüa ye omanogüe vae reta ipɨte güi, jare Cristo ndemboesapeta.”

Colosenses 2:12

Peyembobautisauka yave, peñeotɨ ko Cristo ndive, jare peikove ye vi jae ndive, peporogüɨrovia ramo Tumpa imbaepuere omoingove ye Cristo omanogüe vae reta ipɨte güi vae re.

1 Timoteo 5:6

Ërei imemano vae oeka jete omboyerovia vaeräño vae, omano rami ko oiko.

1 Timoteo 6:13

Royókuai Tumpa omee tekove opaete mbaembae pe vae jóvai, jare Jesucristo omombeu kavi añete vae regua Poncio Pilato jóvai vae jee re,

Hebreos 6:1

Jáeramo, yaeya mo yamboɨpɨ ramo yave yayemboe Cristo regua vae, yaja tenonde kotɨ yaikuaa kavi vaerä; agüɨye yamboɨpɨ pɨau ye tenonde yave yayemboe ma jese vae, jae ko peyepoepɨ pereko reta mano pegua güi vae re jare mborogüɨrovia ye Tumpa re vae,

Hebreos 9:14

Vɨtei pa Cristo jugüɨ, echa jae Espíritu Santo oikoño mai vae rupi oñemee Tumpa pe ikɨambae etei, jókuae rupi oitɨo yandeyemongeta ikavimbae mano pegua güi, yayeokuai vaerä Tumpa oikove vae pe.

Santiago 2:17

Jökorai ko mborogüɨrovia, mbaetɨ jembiapo reta oyekuaa yave, mbaeä etei ko.

Santiago 2:20

Yarakuaambae vae, ¿reipota pa aikuaauka vaerä ndeve? Mborogüɨrovia jembiapo reta oyekuaambae vae, mbaeä etei ko.

Santiago 2:26

Echa yanderete jekovembae, omano ma ko. Jökorai vi mborogüɨrovia jembiapo oyekuaambae, mbaeä etei ko.

1 Juan 2:12

Cheraɨ aaɨu vae reta, aikuatía körai peve, echa Tumpa iñɨ̈ro ko peve peyoa reta re jee re.