Colosenses 2:10 - Biblia Guarani Tumpa Iñee

¹⁰ jare pe reta penoi opaete mbaembae Cristo re, echa jae ko opaete mburuvicha reta ara pegua jare ɨvɨ pegua iñäka.

Nuevo Testamento Guaraní Pe

¹⁰ Jae rambue opaete mbaembae penoi, Cristo penoi rambue. Echa jae co opaete mburuvicha reta ara pegua jare ɨvɨ pegua iYa.

Colosenses 2:10 ပူးပေါင်းရင်းမြစ်များ

San Mateo 28:18

Jare Jesús oya katu jese reta jare jei chupe reta: —Opaete mbaepuere oñemee ma cheve ara pe jare ɨvɨ pe.

San Juan 1:16

Echa ipɨakavi yae güi yamboresive avei jekuaekuae iporerekua reta.

1 Corintios 15:24

Javoi outa opaete mbaembae iyapɨ, omee ma yave iporookuaía yandeRu Tumpa pe, Cristo opa ma opɨ̈ro yave opaete mbaepuere opaete mburuvicha reta ara pegua jare ɨvɨ pegua jare oipotagüe mbaepuere güɨnoi vae güi.

Efesios 3:10

Tumpa iyarakuaa tuichagüe yae vae, oyekuaa vaerä oporogüɨrovia vae reta rupi, mburuvicha reta pe jare imbaepuere vae ara rupigua reta pe.

Efesios 3:19

jökorai peikuaa Cristo iporoaɨu oyapɨraa ko opaete arakuaa, petɨnɨe vaerä Tumpa pe.

Colosenses 2:15

jare omoamɨri mburuvicha reta ara pegua jare ɨvɨ pegua, jare opaete mbaepuere güɨnoi vae, jare omomichi reta opaete vae jovake kurusu re.

Colosenses 3:11

Jare kuae teko ipɨau vae pe mbaetɨ ma oyemboyoavɨ judiombae judío güi, oyembocircuncida vae oyembocircuncidambae güi, yaikuaambae ani ketɨgua, oyeokuai vae jare oyeokuaimbae vae, jaeño ko Cristo oiko jare oï opaete pe.

Hebreos 5:9

Jare opaete Tumpa jei vae oupitɨ ma yave, ou opɨta yemboasa opambae vae, opaete jae jei vae oyapo vae reta peguarä;

1 Pedro 3:22

Jesucristo ojo ma ara pe vae oime oï Tumpa iyakatu kotɨ; jae jeia re ñogüɨnoi araɨgua reta, mburuvicha reta jare mbaepuere güɨnoi vae reta.